JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Opozisaun akuza AMP uza forsa maioria altera lei RAEOA-ZEESM ■Vise PPN konsidera opozisaun ‘bobar lia’

Opozisaun akuza AMP uza forsa maioria altera lei RAEOA-ZEESM ■Vise PPN konsidera opozisaun ‘bobar lia’

Bankada opozisaun FRETILIN no Partidu Demokrátiku (PD), akuza bankada governu husi AMP laiha interese Estadu maibé uza deit  forsa maioria hodi altera lei Região Administrativa Especial de Oé-Cusse Ambeno (RAEOA) e Zonas Especiais de Economia Social de Mercado de (ZEESM) sein halo konsulta.

Maski lei númeru 3/V/Primeira alterasaun lei númeru 3/2014 de 18 de Junho aprova ona iha parlamentu nasionál (PN) maibé bankada opozisaun FRETILIN no PD konsidera bankada Governu halo alterasaun lei ne’e uza deit forsa maioria.

Tuir bankada opozisaun sira katak, la hola parte iha prosesu tomak diskusaun projetu alterasaun lei kriasaun RAEOA-ZEESM tanba bankada governu AMP la tau aas interese Estadu maibé uza forsa maioria no interese polítika hodi halo alterasaun lei ne’ebé estruturadu no uluk aprova ho konsensu unanimidade.

Xefe bankada partidu FRETILIN, Aniceto Guterres, hateten, tuir lolós atu halo alterasaun ba lei ne’e tenke iha konsensu no halo diálogu sériu ho bankada hotu-hotu iha Parlamentu Nasionál, la’os uza deit forsa maioria no interese polítika hodi halo alterasaun no aprova rasik.

“Lei etruturante ida que uluk aprova ho konsensu unanimidade pois atu altera, maioria ida hola inisiativa aprova rasik ho maioria absoluta, la hatene ita atu sai saida? FRETILIN lakohi hola parte, tanba halo lei estruturante mínimu presiza iha konsensu, hotu tiha pois vota a favor no kontra ne’e buat seluk ona. Ami hakarak hatudu katak, ami la iha interese para atu asume nafatin kargu ida prezidente autoridade, sé hakarak troka e troka deit, mas la presiza altera lei”, hateten Xefe bankada FRETILIN, Aniceto Guterres, iha uma fukun PN, Tersa (09/07/2019).

Lee hotu :   PLP ejize PR justifika lista pendente

Iha sorin seluk vise xefe bankada Partidu Demokrátiku (PD), Adriano do Nascimento, hateten, lei estruturante tenke nakloke ba malu no labele uza forsa polítika hodi halo alterasaun tuir ida-idak nia gostu.

“La marka prezensa iha diskusaun ne’e hanesan opsaun ida prosesu demokrasia mak ne’e, atu hato’o mensajen ba partidu maioria katak lei estruturante ne’e, lei hanesan ZEESM, lei fundu petrolíferu, lei jestaun finanseiras, lei sira importante ba nasaun ida ne’e tenke debate ho klean, halo diálogu entre partidu iha governu ho mos partidu iha opozisaun”,hateten Vise Xefe Bankada PD, Adriano do Nacimento.

Hatan ba preokupasaun ne’e, primeira vise Prezidente Parlamentu Nasionál, Maria Angelina Lopes Sarmento, hateten antes halo alterasaun ba lei RAEOA-ZEESM bankada governu AMP halo ona konsulta ho opozisaun iha nível komisaun.

“Inisiativa lejislativas ne’e normalmente halo, prezidente baixa ba komisaun ne’ebé asuntu relevante lei ne’ebé mak atu halo alterasaun, entaun proposta de lei ida ne’e baixa ba komisaun A, ha’u hanoin katak bankada opozisaun ninia reprezentante iha komisaun A mos iha, konsultasaun ne’e la’os iha nível bankada maibe iha nível komisaun, iha bankada governu no opozisaun ninia reprezentante iha ne’ebá (komisaun)”,hateten Maria Angelina Lopes Sarmento.

Iha Segunda (8/7/19), Parlamentu nasionál halo ona alterasaun ba Lei Númeru 3/2014 18 Juñu ba artigu 19 no 21 kona-ba kompeténsia Prezidente Repúblika nian ba nomeiasaun no ezonerasaun  Prezidente Autroridade  RAEOA-ZEESM no nia mandatu ne’ebé iha lei anterior fó kompeténsia ba Prezidente Repúblika atu nomeia no fó posse ba Prezidente Autoridade RAEOA-ZEESM ne’ebé propoen husi Primeiru Ministru ho nia mandatu durante tinan lima no bele estende ou bele termina. Maibé ho alterasaun lei ne’e hasai ona kompeténsia Prezidente Repúblika nian hodi fó fali kompeténsia ba Primeiru Ministru hodi nomeia no fó posse ba Prezidente Autoridade RAEOA-ZEESM tuir desizaun Konsellu Ministru.Ito

Lee hotu :   KONFERENSIA INTERNASIONAL DDF, HORTA HUSU UKUN NAIN RESPEITA LIBERDADE IMPRENSA

 

Add to Comments Here!!!!

error: Content is protected.
Secured By miniOrange
You might also like:
DIA 10/07/19|| GMNTV LIVE STREAM || DADER KMANEK

Jornal Semanário GMNTV Edisaun 7 Jullu 2019

DIA 09/07/19|| GMNTV LIVE STREAM || JORNAL NASIONAL KALAN

Close