Governu atualiza proposta OJE 2020 ba PR Lú Olo

Primeiru Ministru(PM) Taur Matan Ruak atualiza ka aprezenta eleborasaun proposta Orsamentu Jeral Estadu (OJE) 2020 ba Prezidenti Repúblika (PR), Francisco Guterres Lú Olo.

“Koalia ho Preizdenti Repúblika kona-ba preprativu Orsamentu Jeral Esatdu 2020 para depois buka kumpri prazu ne’ebé lei haruka katak to’o dia 15 Outubru, Governu tenke lori ba Parlamentu Nasional”,hateten, Xefe Governu, Taur Matan Ruak ba Jornalista sira, Kinta (08/08/2019), iha Palásiu Prezidensial Nicolau Lobato, Bairu Pite, hafoin enkontru ho Prezidenti Repúblika Francisco Guterres Lú Olo.

Xefe Governu ne’e hatutan katak, Governu halo ona jornada Orsamental no halo ona aprovasaun tetu orsamentu 2020 liu husi Konsellu Ministru  ho montante billiaun 1.6 dolar amerikanu.

Husi orsamentu ne’e Governu fahe envelope fiskál ba kada ministériu hodi ajusta ho montante ne’ebé tetu ona, antes lori ba Komisaun Revizaun Orsamentu.

 Ho orsamentu 2020 ne’e razoavel ho rekursu ne’ebé iha sei garante kresimentu ekonomia rai laran.

“Ita ho orsamentu jeral 1.4 ou 1.6 mai kraik ita labele hetan, satan ita-nia ekonomia ne’e osan estadu mak sustenta maka’as”, dehan, Xefe Governu.

Tanba, orsamentu Jeral Estadu mak sustenta maka’as ekonomia rai laran, maske oras ne’e dadauk setór privadu rai-laran no rai- liur atu investe maibe ne’e seidauk to’o.

Tuir kalendáriu Orsamentu Jeral Estadu (OJE) 2020 ne’ebé Konsellu Ministru aprova ona tuir previzaun sei hala’o iha loron (27/09/2019) hodi aprova proposta OJE final no sei haruka ba Parlamentu Nasional iha loron (15/10/2019) hodi halo diskusaun no aprovasaun. Nune’e promulgasaun bele halo ona iha Dezembru. Eus