JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Roy Trivedy triste PN kansela PR Lú Olo ba Nova Iorque

Roy Trivedy triste PN kansela PR Lú Olo ba Nova Iorque

Reprezentante Organizasaun Nasoens Unidas (ONU) iha Timor-Leste (TL), Roy Trivedy, triste bainhira rona Parlamentu Nasionál (PN) kansela viajen Prezidente Repúblika (PR), Francisco Guterres “Lú Olo”, atu partisipa reuniaun nivel altu iha Nova Iorque iha fulan Setembru, tinan ne’e.

Roy Trivedy hatete, enkontru nivel ne’ebé tuir planu iha fulan ne’e, no sei hetan partisipasaun másimu husi Xefe Estadu kuaze nasaun 70 resin ne’e atu aprezenta kona-ba dezevolvimentu nasaun ida-idak nian iha ekontru refere.

Reuniaun nivel altu ninia importansia mak asuntu importante sira hanesan mudansa klimátika, finansa dezenvolvimentu, saúde primaria ho objetivu atu dezenvolve sustentavel.

“Durante ami nia ekontru, Sua Exelénsia Prezidente da Repúblika informa ba ha’u konaba dezisaun husi Parlamentu Nasionál (PN) ne’ebé la fó asentimentu ba Prezidente da Repúblika atu hala’o nia  viajen ida ne’e”, hateten Roy Trivedy, ba jornalista sira iha Palasiu Prezidensial, Aitarak-Laran, Díli, Tersa (17/09/2019).

Roy Trivedy esplika, dezisaun importante barak mak sei hala’o durante reuniaun ida ne’e, no mós iha marjen ba reuniaun ba asembleia jerál nian. (É uma pena –sigla português) Timor-Leste laiha reprezentasaun altu nivel durante reuniaun, tanba ne’e sei afeita ba dezenvolvimentu iha nasaun ne’e.

“Ha’u hanoin dezisaun kona-ba asentimentu ne’e lamentavel tebes, tanba reuniaun iha Nove Iorque importante teb-tebes. Importante iha area de mudansa klimátiku, importante iha area de finansa dezenvolvimentu, iha area de progresu saúde primáriu ho mós objetivu dezenvolvimentu sustentavel”, afirma Roy Trivedy.

Maibé nia  espera katak, Parlamentu Nasionál ho Prezidente bele rezolve lalais diferensa entre sira hodi nune’e Timor-Leste bele iha reprezentasaun nivel apropriadu, tanba ekontru refere importante tebes ba dezenvolvimentu nasaun nian.

Lee hotu :   MSD promete loke industria kafe iha Gleno

Nia parte mós seidauk simu informasaun ruma kona-ba reprezentante Xefe Estadu nian atu partisipa reuniaun nivel altu, tantu husi governu nia seidauk rona to’o agora.

Nia realsa, bainhira Timor-Leste la partisipa reuniaun nivel altu refere sei afeta mós dezenvolvimentu iha nasaun ne’e. Tanba nasaun foin mak ukun an tinan 20 importante tebes tenke partisipa enkontru sira ne’e, tanba ekontru refere ko’alia kona-ba dezenvolvimentu nasaun nian. Aes

Add to Comments Here!!!!

error: Content is protected.
Secured By miniOrange
You might also like:
Outubru kareta foun ba deputadu to’o iha TL

Diretora Jestaun Finansa Parlamentu Nasional, Zelia...

Mandatu Lere no Falur sei termina iha Outubru

Diretór Ezekutivu Fundasaun Mahein, João Almeida, ...

Membru servisu Migrasaun deskonfia uza USD 4.230.00 ba nesesidade privadu

Membru Servisu Migrasaun deskonfia  halakon osan...

Close