JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Impase polítiku impede dezenvolvimentu, Lere: Líder jerasaun 1975 tenke hamutuk defende interese povu

Impase polítiku impede dezenvolvimentu,  Lere: Líder jerasaun 1975 tenke hamutuk defende interese povu

Xefe Estadu Maior Jenerál F-FDTL, Major Jenerál Lere Anan Timur, hateten líder jerasaun 1975 tenke hamutuk hodi defende interese no direitu povu kbiít laek nian. 

Iha Palásiu Prezidensiál Nicolau Lobato Bairo Píte, Díli, Kuarta (16/10/2019), Xefe Estadu Maior Jenerál F-FDTL, Major Jenerál Lere Anan Timur  hala’o enkontru regular ho Prezidente da Repúblika (PR), Francisco Guterres Lú Olo.

Sorumutu ne’e Major Jenerál Lere Anan Timur informa konaba  ninia aktividade viajen ba rai liur no progresu servisu Falintil-Forsa Defesa  Timor Leste nian ba Xefe Estadu Timor-Leste, Lú Olo.

Durante hasoru malu entre eis gerileiru na’in rua nian, sira koalia mos konaba situasaun polítika atual liga ho prinsipius líder nasionál historiku sira iha tempu rezistensia nian no oinsa bele kontinua konsensus iha tempu ukun án agora hodi lori estabilidade, dezenvolvimentu  ba povu nia interese no direitu ba moris diak.

Xefe Estadu Maior Jenerál F-FDTL, Major Jenerál Lere Anan Timur apela ba líder históriku sira atu hamutuk defende povu ninia interese no direitu.

“Koalia mos konaba situasaun polítika atual, hau dehan katak maun sira ne’e mak podia hamutuk, por que uluk iha ai-laran koalia konaba konjugasaun de esforsus, konaba konsensu, ida ne’e mak ita lori mai ita nia ukun án ne’e, ita konjuga ita nia esforsu, ita tenke iha konsensu e hanoin ida deit para bele dezenvolve ita nia rai ne’e, porque hau lakohi ita nia komunidade protesta bebeik dehan katak líder sira la hamutuk. Hau núdar xefe estadu maior jeneral F-FDTL nian, apela ba líder sira hamutuk ba, hanesan uluk iha funu, ita terus ho povu, mate ho povu,  defende povu ninia interese no direitu, agora mos tenke hanesan ne’e. Hau dehan katak uluk iha Ai-laran hau terus duni, povu mos terus, maibe agora hau la terus tanba hau iha kareta estadu, uma mos estadu, simu osan fulan-fulan, ba rai liur sa’e aviaun klase bisnis maibe agora ita nia povu kuitadu sira iha foho ne’eba, entaun pelumenus ita hadomi ba,” hateten Xefe Estadu Maior Jenerál F-FDTL, Major Jenerál Lere Anan Timur.

Lee hotu :   Lere husu jornalista hakerek tuir faktus

Perante situasaun impase polítiku ne’e, Xefe Estadu Maior Jenerál F-FDTL, Major Jenerál Lere Anan Timur husu juventude jerasaun foun atu hatudu án hodi solusiona impasse polítiku.

“Entaun hateten dehan nune’e, juventude jerasaun foun hatudu imi nia án ba, imi bele ka lae ? sé ami veteranu sira, katuas sira mak la rona malu, imi hatudu án ba, keta imi bele solusiona impasse ne’e. Ita lakohi situasaun hanesan ne’e nafatin, ita agora atu tama fali 2020, ita lakohi ita mak hanesan ne’e deit, ita hakarak iha dezenvolvimentu progresu ba ita nia rai, iha estabilidade ninia laran, ida ne’e mak importante liu. Apelu ba jerasaun foun mak ne’e, tenke hakraik án, tenke halakon tiha arogansia ne’e tanba arogansia demais ita la rona malu no la fiar malu, ” hateten Xefe Estadu Maior Jenerál F-FDTL, Major Jenerál Lere Anan Timur.

Tanba tuir eis gerileiru komandante rejiaun Ponta Leste, Lere Anan Timur  katak estabilidade ho dezenvolvimentu iha relasaun tanba ne’e bainhira la iha estabilidade la iha mós dezenvolvimentu. Ito

Add to Comments Here!!!!

error: Content is protected.
Secured By miniOrange
You might also like:
PN husu Governu apoia inisiativa veterana Kasian harii eskola

Deputadu bankada PUDD, António de Sá...

Povu ezije líder polítiku sira atu díalogu

Povu Timor-Leste (TL), ezije líder polítiku...

Ofisialmente Timor-Leste iha ona Federasaun Tiru

Loron 16 fulan outubro tinan ne’e...

Close