JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN depozita konfiansa ba LUGU atu halo mudansa iha RAEOA

PN depozita konfiansa ba LUGU atu halo mudansa iha RAEOA

Prezidente Parlamentu Nasionál (PPN), Arão Noe de Jesus Amaral, depózita konfiansa tomak Parlamentu Nasionál (PN) nia ba Prezidente Autoridade Rejiaun Administrativa Espesial Oecusse Ambeno (RAEOA), José Luis Guterres  LUGU,  atu halo mudansa foun ba povu Oe-cusse, liu husi kontinua dezenvolve infraestrutura ne’ebé hala’o ona husi autoridade anterior.

“Ha’u fiar katak, ho nia prezensa iha Oe-cusse, primeiru kontinuasaun ba planu ne’ebé mak iha ona, segundu, bele haree prioridades importante sira ne’ebé mak iha, liu-liu iha parte ekonomia nian, tanba iha Oe-cusse, parte ekonomia nian sei fraku tebes, kontinuasaun estrada ba área rural sira seidauk iha, tanba estrada mak di’ak mak komunidade bele lori nia produtu sirkula ba mai, lori ba fa’an, para buka osan ba sira-nia moris,  tanba ne’e mak ha’u depózita konfiansa tomak ba Sr. José Luis Guterres, ha’u dezeja bom susesu, fiar katak, sei lori mudansa ba iha Oe-cusse”, katak Arão Noe ba jornalista sira iha PN, Kuarta (13/11/2019).

PPN ne’e rekoñese katak, ba tinan 2020, Governu la aloka orsamentu ba item kapital menor no kapital dezenvolvimentu maibé, autoridade foun sei bele kontinua utiliza orsamentu 2019 nian ne’ebé RAEOA seidauk konsege ezekuta hotu, tanba orsamentu RAEOA nian la fó fila ba kofre Estadu, bainhira ezekuta lahotu, nune’e bele ezekuta hikas iha tinan tuir mai.

“Ida ne’e opsaun ida ne’ebé Governu hola, tuir informasaun osan ba RAEOA tinan sira anterior ne’e, sei iha saldo kuaze USD 20 tal milloens,

ne’e katak, bele ezekuta lai osan ne’ebé iha, hotu tiha mak ita aloka tan, ita labele tau tan, osan ba, depois osan husi fundu petrolíferu, depois ita rai hela de’it maibé, ne’e kompetensia Governu nian, se opsaun mak ida ne’e, ha’u konkorda ho Governu, ezekuta hotu tiha lai osan hirak ne’e, depois mak aloka tan, nune’e labele rai hela de’it osan iha konta bankaria, ne’e ladun di’ak, para ezekusaun ne’e la’o, ita bele haree ona gasta hira, ne’epara aloka tan osan ba ne’e, tuir prioridades ne’ebé iha, no tuir nessesidades ne’ebé iha, ita labele tau de’it, tau de’it, depois tau de’it iha banku hodi buka de’it funan ne’e ladi’ak”, dehan Noe.

Lee hotu :   PM Taur sei partisipa diskusaun reapresiasaun OJE 2019

Entertantu, Prezidente Autoridade RAEOA foun ne’e, nomeia husi Primeiru Ministru, Taur Matan Ruak, no simu ona posse iha loron 13 fulan Novembru ne’e.say

Add to Comments Here!!!!

error: Content is protected.
Secured By miniOrange
You might also like:
Lere rekoñese jerasaun tuan sira egoista no arogante

Xefe Estadu Maior FALINTIL Forsa Defeza...

Eis membru GAM labele koko seguransa Estadu

Segundu Komandante Polísia Nasionál Timor-Leste (PNTL) ...

José Luis Guterres: “Hau buka meius husu apoiu husi organizasaun Internasionál”

Prezidente foun RAEOA-ZEESM, José Luis Guterres,...

Close