JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu governu redus asesór iha ministériu  MF rejeita informasaun husi deputadu

PN husu governu redus asesór iha ministériu  MF rejeita informasaun husi deputadu

Reprezentante povu iha uma fukun Parlamentu Nasional (PN) lamenta ho desizaun governu utiliza asesór ho númeru boot iha kada ministériu sira, tanba ne’e sira eziji ba governu atu redus númeru asesór, atu nune’e, osan sira ba asesór sira ne’e bele tau aloka ba área saúde, edukasaun no infraestrutura bázika.

“Asesor ne’ebé servisu iha Ministériu Obras Públika (MOP) hamutuk 28, tanba ne’e, husu ba governu presiza redus númeru asesór sira iha ministériu sira, tanba proposta Orsamentu Jerál Estadu (OJE) tinan 2020, governu aloka USD milliaun 700  ho 37% ba bens servisu, ida ne’e ha’u bele hateten,  fundu defortivu osan siluman ne’ebé  lakon deit iha bens servisu, tanba laiha produktivitas iha bens servisu, di’ak liu tau deit iha área hanesan saúde, edukasaun no infra-estrutura bázika, tanba saída mak OJE 2020 boot liu ba bens servisu ”, deputadu husi bankada FRETILIN, Favião Oliveira ba jornalista sira iha PN, Kinta (14-11-2019).

Razaun deputadu husi bankada FRETILIN ne’e kestiona, tanba konsidera númeru asesór servisu iha MOP hamutuk 28, kompostu husi asesór  prinsipal no asesór tékniku sira.

Maski asesór barak servisu iha MOP, maibé to’o fulan Outubru liu ba ne’e ezekusaun OJE 2019 iha MOP foin atinji 59%.

“Ami fó ezemplu asesór iha MOP hamutuk 28, kompostu husi asesór prinsipal ho asesór tékniku ne’e ho razaun saída, ita presiza asesór barak liu halo servisu, maibé ezekusan OJE 2019 foin 60% resin, ita la hatene iha fulan Dezembru nia laran ne’e bele ezekuta 100%, keta halo osan sira ne’e fahe deit, dehan ezekuta ho 100%“, afirma Favião Oliveira.

Xefi bankada PD, António da Conceição “Kalohan”, kestiona VIII governu, tanba rekruta númeru asesór boot tebes, bainhira kompara ho governu anterior nini’an ne’ebé uitoan deit.

Lee hotu :   Politiku Sira Laiha Vontade Luta Ba Intrese Povu

“Ita hakarak atu fó empregu dalan ne’ebé di’ak mak oinsa atu dezenvolve empregu ruma ne’ebe produtivu, do que ita kria servisu asesoria, maibé ninia produtividade ki’ik loos, ha’u la dehan iha, maibé nia produtividade ki’ik loos, realidade hatudu bainhira deputadu ba vizita Ministério Turismo Comérçio e Industria (MTCI), maski laiha Ministru, maibé ministériu refere iha ema ne’ebé barak tebes, tanba implika husi membru governu, númeru ne’ebé elevadíssimo, sé ita bele klasifika iha ministériu ne’e 50% asesór, ha’u iha experensia hanesan mós ministru iha MTCI, asesór bele fó hanoin, maibé labele desidi, ha’u hanesan polítiku, ha’u mak liu pozisaun, kargu Xefia sira maka hola desizaun, la’os asesór”, afirma Kalohan.

Husi sorin seluk, deputadu husi bankada CNRT, Gabriel Alves, hateten, loos duni ministru sira presiza asesór hodi apoiu servisu, maibé  kona-bá kestaun númeru asesór ne’e, deputadu sira sei esforsu hodi buta tuir asesor hira maka servisu iha kada ministériu.

“Oras ne’e dau-dauk ami seidauk iha dadus ne’ebé loos, oinsa atu hatene dadus asesor, ita presiza servisu husi asesór sira oinsa atu fó asesoria. Tuir dadus ne’ebé ha’u hatene iha komisaun G PN ne’ebé trata asuntu edukasaun, juventude no desportu iha espekulasaun katak, asesór hamutuk 141 ne’e laloos, maibé husi númeru ne’e total hamutuk ho profesor sira ne’ebé hanorin iha eskola Rui Cinati”, tenik Gabriel Alves.

Hatán ba kestaun ne’e, Ministra Finansas (MF) interina,  Sara Lobo Brites, rejeita deklarasaun husi deputadu sira iha Parlamentu Nasional (PN), ne’ebé hatete katak,  númeru asesor iha VIII Governu ne’e barak tebes no  balu laiha servisu atu halo.

Tuir Sara Lobo, númeru rihun 1 resin ne’e, la’os deit asesor  sira maibé, kompostu husi funsionáriu profesional, profesor  estranjeiru  no asesor sira.

Lee hotu :   KM aprova alterasaun kontratu ba obra manutensaun estrada nasionál

“Membru  Parlamentu sira kestiona lista ne’e,  Ministeiru Finansas mak fó duni bazeia ba pedidu husi komisaun C Parlamentu Nasionál maibé, objetivu husi komisaun  mak atu bele halo analiza ba kustu ne’ebé rubrikas profesionais maibé, deklarasaun ne’ebé fó sai, ha’u hanoin presiza haree didiak tanba rubrikas profesionais, mas iha laran ne’e la’os signifika asesor sira hotu”, dehan Sara Lobo  Brites ba Jornalista GMN iha estudiu GMN Kinta (14/11/2019).

Nia afirma, númeru refere kompostu husi professor estranjeiru sira, funsionáriu profesional sira, inklui ho asesor sira, ezemplu hanesan iha Ministériu Edukasaun iha professor portuguesa sira ne’ebé fó formasaun ba professor lokal sira maibé, sira la’os asesor, depois saláriu rihun 80 ne’ebé ema hotu simu, ne’e mós lalos.

Sara Lobo esplika, iha mós asesor  lokal sira  hanesan, Ministériu Finansas nia situasaun, iha funsionáriu sira ne’ebé bolu  jornal profesional, hanesan funsináriu sira ne’ebé hasai kualifikasaun iha estranjeiru, ne’ebé mai ho kualifikasaun diak iha kontabilidade, sira la integra iha funsaun públika  maibé, sira iha saláriu tuir dekretu lei termu sertu nian, media ne’e USD  500 to’o USD 600.

 “Informasaun ne’ebé mak fó sai ne’e, ha’u hanoin presizaharee didiak molok ita halo asumsaun ruma, dadus rihun 1 resin ne’e, husi ami Finansas iha asesor internasional hamutuk nain 12,  no ami sei kontratu nain 2, asesor sira ne’e iha área tekniku sira, hodi fó apoiu ba sistema sira ne’ebé iha, portantu numeru rihun ida resin ne’e laos maioria asesor sira”, subliña Sara. ety/oly

Add to Comments Here!!!!

error: Content is protected.
Secured By miniOrange
You might also like:
Rezolve problema PM ho BOP Afonso dos Santos: Kompetensia líder másimu PNTL ho F-FDTL

Komandante  Unidade Espesial Polísia (UEP) Superintendente...

LuGu promete sei esforsu reativa aeroportu internasionál Rota do sândalo

Prezidenti Rejiaun Administrativa Espesial Oe-Cusse Ambeno-Zona...

Komunidade Aileu lakohi entrega rai ba Governu hodi uza ba sidade universidade

Komunidade munisipiu Aileu ho lian ida...

Close