JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Inagura abastesimentu bee moos, VMOP-EJ husu komunidade Lahae tenki kuidadu

Inagura abastesimentu bee moos,  VMOP-EJ husu komunidade Lahae tenki kuidadu

Vise Ministru Obras Públika (VMOP), Nicolau Lino Freitas Belo, husu ba komunidade Suku Lahae atu kuidadu bee moos ne’ebé foin hetan inaugurasaun husi Governu no Embaixdor Japaun ba Timor-Leste.

Nicolau hateten, komunidade Suku Lahae tenki agradese ba Komunidade Japaun ne’ebé ho sira nia sentimentu humanu forte hodi tau hamutuk osan no ajuda ba komunidade TL enjeralmente no partikularmente  Suku Lahae hodi asesu ba bee moos.

“Hanoin tok inan aman sira no alin sira se bainhira bee laiha moris ne’e sente oinsa tanba ida ne’e Governu Japaun hare’e situasan ne’e dala barak komunidade liu-liu inan no alin feto sira lakon tempu barak liu ba kuru bee ne’ebé mak ho distansia  dook  los iha mota entaun alin estudante sira bainhira atu ba eskola sira tenki  gasta  tempu barak liu ba kuru bee kompara ho gasta tempu prepara ba eskola entaun ho bee ne’ebé mak iha ona, siknifika ita investe ona iha area Eduksaun , saude no Kresimentu ekonomiku tanba   ita nia abo sira tia sira bele uja sira nia tempu hodi ba faan sasan no buat seluk ne’ebé bele fo benefisiu ba sira nia moris aban bainrua nian”,hateten Vise Ministru Obras Publika, Nicolau Lino Freitas Belo,iha nia intervensaun iha seremonia inagurasaun Abastesimentu Bee moos iha Suku Lahae, Postu Administrativu Aileu, Munisipiu Aileu, Kinta (8/11/2018).

Liafuan hanesan mos hato’o husi Embaixador Japaun  ba  TImor Leste, Hiroshi Minami, katak sente kontenti tanba bele hetan konvite husi Fundasaun Hafoun Timor Leste hodi inaugura  projetu sistema  abastesimentu ne’ebé mak hetan apoiu fundu husi povu Japaun hodi  realiza sistema  abastesimentu bee moos ba komunidade iha Suku Lahae tanba bee meos nu’udar   direitu báziku ne’ebé mak ema hotu iha direitu atu hetan inklui komunidade iha Suku Lahae ne’ebé mak  durante ne’e  asesu be’e  ho distansia  mais kilometru hitu.

Lee hotu :   Primeiru Ministru sei inaugura estrada diresaun Same

“Fundu ne’e husi komunidade Japaun,  projetu ne’e sei fornese komunidade iha suku Lahae, inklui eskola ida ne’ebé mak ho nia estudante hamutuk nain atus nen (600),Povu no Governu Japaun  Suporta ona TL nia esforsu ba Dezenvolvimentu  dezde tinan 1999, ami suporta iha area prioridade 3 mak hanesan, konstrusaun ba  infrasturtura, hadia atendimentu báziku ba servisu sosial no diversifikasaun  ekonomia tanba entre hirak ne’e bee mos konsidera nudar atendementu baziku  ba servisu sosial, ne’ebé nudar direitu baziku ba ema hotu atu asesu bee mos, infelizmente iha TL ema barak sidauk asesu ba bee mos ne’ebé nudar tarjetu  ida husi planu extratejiku dezenvolvimentu Nasional”,Embaixador Japaun ba TL ne’e hateten.

Diretor Fundasaun Hafoun Timor Lorosa’e, Koko Valentim, relata, programa  sistema Abestesimentu bee moos ba Komunidade ne’e hetan apoiu fundu orsamentu ho montante dolar Amerikanu Rihun hitu nulu resin rua atus hat lima nulu resin lima.

“Osan ida ne’e halo ba saida? estrutura sistema ne’ebé mak ami halo, bee matan  to’o mai iha ne’e Kilometru (KM)  kilometru hitu atus rua hat nolu resin walu, konstrusaun tanki ho volume kubiku 40 ida, tanki kubiku 20 ida, ho tanki kubiku 5 ida, inklui mos torneira unit 13 ne’ebé mak destaka besik iha komunidade sira nia uma,sistema ida ne’e mos fasilita kanalijasuan ba postu saude no eskola ida,”Diretor Ezekutivu Fundasaun Hafoun Timor Lorosae hateten.

Enkuantu Francisca Dias, agradese ba komunidade Japaun liu husi Fundasaun  Haburas TL ne’ebé mak ohin loron  halo abastesimentu bee mos iha sira nia suku.

“Ami laiha osan mean ba Governu Japaun no ONG ne’ebé mak fornese ona bee moos mai ami tanba ates ne’e ami la’o ho distansia dook kada loron ida ha’u sempre kuru bee ho jerigen litru 5 nian hat  rua tau iha bote no rua hit deit, dala ruma too mai hau hamlaha kedas”,Fracisca hateten.

Lee hotu :   Aviaun Lion Air monu ho pasajeirus 188

Total uma kain ne’ebé mak sei asesu ba projetu abastesimentu  bee moos ho total atus rua no komunidade hamutuk rihun lima, Inklui Eskola ida ho  total estudante hamutuk nain atus nen (600).

Partisipa iha seremonia inagurasaun ne’e, Embaixador Japaun iha Timor Leste, Vise Ministru Obras Publika, Komandante Polisia  Munisipiu Aileu, Lider Komunitaria, lia nain inklui   komunidade balun.Ola

Add to Comments Here!!!!

error: Content is protected.
Secured By miniOrange
You might also like:
FONGTIL konsidera PDHJ foun sei la hatudu progresu servisu

Diretor FONGTIL, Daniel Santos do Carmo,...

Dialogu Prezidente PN ho MUTL laiha solusaun

Movimentu Universitariu Timor-Leste  (MUTL), Kinta-feira nee...

Governu entrega OJE 2019 billiaun US$1.827 ba PN •Barak liu ba transferensia públika

Governu entrega ona propsota Orsamentu Jeral...

Close