JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Seidauk halo pagamentu, Klínika privadu Suai bandu família foti sai mate isin

Seidauk halo pagamentu, Klínika privadu Suai bandu família foti sai mate isin

Deputadu Alexanrinho Cardoso husi bankada FRETILIN lamenta, ho atendimentu Klínika privadu ida iha Munisípiu Covalima fó baixa ba pasiente Ines Gusmão. Tamba bainhira pasiente Ines mate, klínika privadu ne’e la autoriza família atu foti sai mate isin husi klínika ne’e, tanba de’it família seidauk halo pagamentu.

“Klínika privadu sira ne’e mós simu pasiente hodi fó baixa. Iha akontesimentu ida iha Munisípiu Covalima, matebian ida naran Ines Gusmão, ba iha Klínika privadu ne’e no baixa iha ne’eba, maibé ikus mai mate, maibé difikulta família sira atu foti mate isin ne’e, tanba de’it Klínika ne’e la fó lisensa ba família sira atu foti mate isin ne’e, tanba de’it família seidauk selu Klínika ne’e,”levanta Alexandrinho Cardoso iha plenária Parlamentu Nasionál (PN), Segunda (30/10).

Tanba ne’e, Alexandrinho  ezije ba Governu atu haree ba kestaun hirak ne’e, hodi Klínika privadu sira ne’e labele bosok povu hodi explora povu nia osan.

“Ita nia komunidade ne’ebé hanesan funsionáriu iha Hospital, sira lamenta katak, oras ne’e dadauk sasan balu iha hospital referral Suai menus no laiha ona, hanesan aimoru, no saringga ida ne’ebé nia folin US$ 50 cent de’it mós laiha ona,” katak Alexandrinho.

Alexandrinho afirma, Klínika privadu sira ne’ebé mak ejiste iha Timor Leste ne’e mós, halo pratika atu halo konsulta ba pasiente sira ne’ebé mak moras, maibé ho folin ne’ebé mak aas tebes.

Alende ne’e, Alexandrinho mós lamenta katak, tanba de’it aimoruk laiha, mediku sira tenki haruka fali komunidade sira atu ba sosa rasik aimoruk iha Klínika privadu sira.

“Ita haree fila fali ba ekonímia ita nia povu nian susar tebes, aimoruk ne’ebé Klínika privadu sira ne’e fó, ho folin ne’ebé mak bo’ot, aimoruk sira ne’ebé tuir folin ne’ebé mak ita hatene strip ida dolar ida, maibé Klínika privadu balun, fa’an aimoruk ne’e ba povu ho strip ida US$ 15 dolar,” lamenta Alexandrinho.

Lee hotu :   AETL HALA’O MISA AÇÃO DE GRAÇA

Tanba ne’e, nia husu ba Governu atu haree didiak kestaun sira ne’e, tanba kuandu povu mak hola rasik aimoruk iha Klínika sira ne’e, povu atu foti osan iha ne’ebé.

Alende ne’e, deputadu Antoninho Bianco husi bankada FRETILIN mós hateten, iha Hospital Nasionál Guidu Valadares de’it aimoruk balu laiha ona.

“Ha’u lori família balu ba ne’eba, ha’u tenki sosa fali aimoruk husi liur, tanba aimoruk iha hospital laiha duni, ha’u bele sosa, maibé ema seluk bele sosa ka la’e,” katak Antoninho.

Tanba ne’e, nia husu ba deputadu hotu iha PN atu tetu didiak situasaun ida ne’e, no labele fó sala malu, tanba polítika hotu ne’ebé halo ne’e, tenki benefisia povu.

“Tempu dadaun ita nia Governante sira prepara orsamentu retifikativu, orsamentu retifikativu ne’e, la’os ba intrese Governu ida ne’e, la’os ba intrese deputadu sira iha ne’e, maibé ba intrese povu sira. Tanba ne’e, ha’u husu ba kolega deputadu sira, ema foin ko’alia ita dehan atu vota kontra, ida ne’e mak ha’u dehan ita hatete lia los ne’e hanesan ne’ebé. Ema foin prepa sasan, ita iha ne’e seidauk intende, ita dehan ona atu vota kontra. Ita bele ko’alia demokrásia, maibé demokrásia la’os tuir ita nia hakarak, maibé demokrásia ba intrese povu nia hakarak,” katak Antoninho Bianco.

Hatan ba kestaun ne’e, Ministru Prezidensia Konsellu Ministru, Adriano do Nacimento, hateten, Klínika privada no folin aimoruk nian, ami nota hela para hatutan ba Ministériu Saúde atu bele tau matan ba kestaun ne’ebé mak ita bo’ot sira foti. Adriano do Nacimento, Ministru Prezidensia Konsellu Ministrus.

“Kestaun povu halerik, li-liu iha saúde, bee moos no seluk tan, klaru kuandu iha nesesidade urjente balu, ami hanoin atu tau iha orsamentu retifikativu, nesesidade ne’ebé urjenti, ne’ebé ita la preve iha orsamentu, ida ne’e mak presiza halo re-ajustamentu,” dehan Adriano.

Lee hotu :   Profesór 2.300 simu salariu progresaun

Nia hatutan, Aimoruk, bee moos, saida de’it ne’ebé klasifika hanesan urjensia atu atende agora, presiza halo re-ajustamentu liu husi orsamentu retifikativu. Maibé ida ne’e deputadu sira mak tenki toma desizaun.cos

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Kalan iha Loron-30 Fulan-Setembru Tinan-2017

GRANDE ENTREVISTA Hamutuk ho Dr.Avelino Coelho no Padre.Julio Crispim Ximenes Belo

PD akuza opozisaun halo teatru iha PN “CNRT-PLP konsidera governu obriga deit opozisaun”

Deputadu Luis Mendes, husi bankada Partidu...

Close