Profesór kontratadu sei kontinua, depende ba Orsamentu Retifikativu

Ministru Edukasaun no Kultura, Fernando Hanjam, hatete Profesór kontratadu sira sei bele kontinua halao servisu maibe depende ba Orsamento Retifikativu nebe governu apresenta ba Parlamentu Nasional.

“Ami propoin ona Orsamento Retifikativu nian, maibe tanba sei iha diskusaun, ita espera orsamentu sei bele liu”, dehan Ministru Edukasaun no Kultura, Fernando Hanjam,ba Jornalista sira Kuarta- feira semana nee  iha salaun INFORDEPE, Balide, Dili.

Governante nee realsa tan Ministériu propoin tiha ona osan iha Orsamento Retifikativo atu selu direito Profesór kontratadu sira, maibe bazea ba orsamentu ne´e liu ou lae tanba governu tenke rezolve hahu husi tinan 2011 no 2012 nian.

“ita espera katak Orsamento Retifikativo bele liu atu bele selu profesór kontratadu sira hodi sira bele goza sira nia direito, maibe profesór sira sei kontinua mantein nafatin tanba Ministériu mos sei trasa sira nia estatutu hanesan profesór kontratado”, dehan Ministru Edukasaun no Kultura.

Ministru Edukasaun no Kultura sublinha katak atu Profesór kontratadu sira labele ejiji ho sira nia estatutu, maibe ida ne´e presiza tempu no prosesu diskusaun ida ne´ebe naruk, hodi hetan solusaun atu bele pasa ba profesór permanente.

Dadu nebe Ministeriu Edukasau iha, total professor kontratadu iha Timor – Leste tomak iha ema nain 5.315. Fel