JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kondisaun saúde L4 rekopera

Kondisaun saúde L4 rekopera

Sekretario Estado ba Veteranos (SEV), Andre da Costa Belo ‘L4’ Sabado semana kotuk fila fali ona mai Timor – Leste hafoin halao tratamentu saude iha Hospital Elizabeth iha Singapura.

“Ha´u fila hikas mai Timor ho orgullu tanba ha´u nia saúde rekopera ona”, espresaun L4, ho sentimentu orgullu ba Jornalista sira iha VIP Aeroporto Internacional Prezidente Nicolao Lobato, Comor, Dili.

Sekretario Estado Veteranus nee ninia kondisaun saude rekopera ona tamba nee iha Segunda – feira nee sei ba komprementa Primeru Ministru, Mari Alkatiri iha Palacio Governo nunee kontinua halao ninia servisu Estadu nian hanesan bai-bain.

“Ha’u sei ba aprezenta hau nia an ba Primeiru Ministru tanba fulan rua resin nee hau iha Hospitál deit hodi haree los maka doutor, infermeiru, daun no aimoruk,” hatete L4.

Sekretario Estado Veteranos nee too iha Aeroporto Prezidente Nicolao Lobato ho aviaun Silk Air nebe simu husi Veterano Cornelio Gama L7 nudar Fundador  Organizasaun Sagrada Familia, Xefe Gabinete no funsionariu Sekretaria Estado Veteranus nian no estrutura Sagrada Familia nian.

Governante nee hetan moras komplikadu nebe labele halo tratamentu iha Timor – Leste, nunee  Ministeriu Saude iha 22 Novembro 2017 halo trasferensia urjenti ba Hospital Elizabeth, Singapura.

Andre da Costa Belo aproveita uportunidade neba lori familia nia naran hatoo agradesementu ba Prezidente Republika, Primeiru Ministru, membru governu sira, li-liu Vise Ministru Saude, Ministra  Soliedariedade, Jeneral F-FDTL, Brigaderu Jeneral, Komandante PNTL, Komisaun Homenajen no maluk sira seluk nebe durante preokupa ba ninia saude.

Membru Organizasaun Sagrada Familia nebe simu L4 iha Aeroporto  Comoro hatoo sira nia  sentimentu kontenti tamba Saúde responsavel Jeral Organizasaun Resistensia Sagrada Familia nian nee rekopera no fila fali mai Timor – Leste ho kondisaun saude diak.

Lee hotu :   Ministru Saúde Inagura Lixu Insenerador

Nunee mos membru Sagrada familia balu nebe la ba aeroporto hatoo sira nia agradesementu ba Maromak no Matebian sira nebe akompaña L4 too fila ho isin diak, liu husi Media Sosial, Facebook.

Andre da Costa Belo hatete maske ninia saude rekopera ona 100% maibe presiza checkup pelo menus fulan neen dala ida. GMN

Add to Comments Here!!!!

error: Content is protected.
Secured By miniOrange
You might also like:
Alkatiri espera Lú Olo bolu lideres parpol

Primeiru Ministru nudar mos Sekretariu Jeral...

PN sei la halo tuir Governu nia hakarak

Xefi bankada CNRT, Arão Noe, afirma,...

JORNAL NACIONAL GMNTV MEIO-DIA Loron-13 Fulan-Janeiru Tinan-2018

Close