JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Munisipiu Díli numeru primeiru moras Lepra

Munisipiu Díli numeru primeiru moras Lepra

Diretora  Jeral  prestasaun  servisu  Ministeriu  Saúde,  Odete  Maria  Viegas, hatete tuir dadus estátistika Ministeriu Saude nian hatudu katak, Munisipiu Dili sai numeru primeiru hetan moras Lepra, hafoin Munisipiu neen seluk.

Ministeriu Saude fo sai dadus estatistiku moras lepra nian nee iha serimonia loron mundial moras leprozu nebe halao iha 28 Janeiru nee iha Dili.

Minisipiu neen seluk nebe hetan moras leprozu nee, Munisipiu Baucau, Oe-cusse, Manatuto, Bobonaro, Covalima no Munisipiu Ermera.

Tuir dadus Ministeriu Saúde ne’ebé rejista iha tinan 2012 to’o 2017 ho total 634 husi númeru ne’e Munisipiu Dili mak sai primeiru lugar ho total 101.

Iha fatin hanesan Dra. espesialista kulit, Terlinda Barros, hatete sinal inisiu ba moras Lepra atu kona ema nia isin lolon mak mosu hena mutin la ho katar, isin matek no la sente.

Alende moras Lepra  ne’e bele  halo ema inus no tilun bubu, ain no liman kanek hodi halo ema sai alezadu.

Nia esplika moras Lepra ne’e virus ida ne’ebé tama ema nia isin kulit hodi prosesa to’o tinan ida no rua ou  balun  hafoin  hamosu  sintomas  hena  mutin  , la  ho  katar  , isin  matek  no  la  sente.

 “Moras ne’e ema dehan keturunan, malisan la’e maibé virus ida ne’ebé mak bele mosu iha ita nia isin, ain liman hodi provoka isin durante fulan to’o tinan  hafoin mosu,” hatete Terlinda Barros.

Moras Lepra ne’e iha aimoruk hodi kura no sei hala’o tratamentu ho gratuita ba moras ne’e no moras ne’e seidauk hamate ema, maibe halo ema sai alezadu.

Medika ne’e husu ba komunidade tomak wainhira hetan ona sinais hirak ne’e mosu iha isin lolon ou liman ho ain ba lalais ba konsulta iha postu no sentru  saúde ne’ebé besik hodi halo tratamentu, antes tama ba kondisaun grave.tos

Lee hotu :   MS sei re-estrutura kargu xefia saúde iha Munisipiu

Add to Comments Here!!!!

error: Content is protected.
Secured By miniOrange
You might also like:
Kampaña EA, Lere husu lider parpol ‘sukat ibun’

Xefe Estadu Maior F-FDTL, Major Jeneral...

Votus ba FRETILIN la to’o 20.000, Alkatiri promote la vizita Oe-Cusse

Iha eleisaun antisipada mai ne’e mak...

PN kontinua funsiona to’o lejislatura foun hahú ”Deputadu IV lejislatura lahetan PV

Sekretariu Jeral Parlamentu Nasional (PN), Mateus...

Close