JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Klínika Bairo Pite kontinua infrenta krizi finanseiru

Klínika Bairo Pite kontinua infrenta krizi finanseiru

Diretor Ezekutivu Klínika Bairo Pite, Daniel Murphy, informa, to’o agora sira seidauk bele simu pasiente hodi baixa, tanba kontinua infrenta krizi finanseiru.

Daniel hateten, dezde inisiu iha loron (28/8/18) to’o ohin loron Klínika refere seidauk bele simu pasiente baixa tantu inan partus inklui pasiente TBC krónika no seluk tan tanba sei infrenta krizi finanseiru.

“Durante ne’e ema uza de’it Klínika Bairo Pite, oan sira sempre moris iha ne’e, kuandu moras mai iha ne’e sempre diak entaun sira fiar katak Klínika ne’e bele ajuda mas agora orsamentu laiha atu selu infermeiru sira entaun tenki

taka, labele simu ema baixa, labele partus, labele fokit nehan, pasiente nutrisaun labele baixa no moras sira seluk tan,”Diretor Ezekutivu Klínika Bairo Pite, Daniel Murphy, informa ba GMN iha nia servisu fatin, Bairo Pite, Díli, Kuarta (5/9/18).

Tuir Diretor ne’e katak, oras ne’e dadauk sira infrenta problema bo’ot tanba laiha finansiamentu atu selu médiku no enfermeiru sira ne’ebé durante ne’e halo atendimentu ba pasiente sira liu-liu pasiente baixa no seluk tan.

Tuir nia, situasaun ne’e halo nia triste tanba labale halo atendimentu másimu ba pasiente sira hanesan uluk ne’ebé halo tratamentu ba pasiente ho moras oi-oin, hanesan moras bai-bain, HIV/SIDA, TBC, malnutrisaun, inan isin rua, inan partus no seluk tan.

“Agora dadauk ne’e ami loke odamatan neneik-neneik hodi ema tama hodi simu tratamentu maibe ba ami la másimu tanba laiha kapasidade orsamentu, mezmu iha ajudus balun husi entidade importante sira iha rai laran nomos rai liur inklui ONG balun hahú ajuda maibe seidauk sufisiente,”Dotor Daniel preokupa.

Dotor Daniel hatutan, maske pasiente barak loron-loron mai tur, forma hodi hein nia atendimentu maibe nia parte labele halo buat ida tanba laiha kapasidade.

Lee hotu :   [:tl]Númeru dengue kontinua aumenta, Rui Araújo enkoraja komunidade aktivu iha atividade hijene[:]

“Ha’u triste, loron-loron ema sempre mai tur forma hodi hein atendimentu. Maibe ha’u labele halo buat ida tanba ita laiha aimoruk, no aimoruk laiha, tanba osan laiha atu sosa, maske Timor oan barak mak gosta mai halo tratamentu iha ne’e maibe kondisaun la fo,”dehan Daniel.

Nune’e mos, Manager Klínika Bairo Pite, Inacio dos Santos, haktuir katak, husi problema krizi finanseiru ne’ebé Klínika ne’e infrenta, obriga sira tenki hapara funsionariu hamutuk lima nolu resin tanba kondisaun finanseiru la permiti.

“Antes ne’e ami iha funsionario hamutuk nain walu nolu, mas depois hasoru krizi finanseiru, entaun ami hapara tiha funsionariu lima nolu  resin no agora hela de’it nain tolu nolu  resin mak iha ne’e, no krije ne’e ami infrenta kuaze tinan ida ona, tanba ne’e mak foin dadauk ne’e ami halo misa agradesimentu ba maluk sira ne’ebé mak ajuda ami hanesan mai husi movimentu estudante sira, mai husi ONG sira, mai husi grupu, husi Parokia balun, individu no seluk tan, no foin lalais ne’e ami hetan ajuda husi ita-nia maun bo’ot Xanana Gumão ho osan hamutuk US$ 49.350 no husi movimentu no sira seluk inklui husi rai liur hanesan Santo Carlos no Give to Asia ami hetan hamutuk US$ 30 mil,”dehan Inacio dos Santos.

Total funsionario ne’ebé mak hala’o serrvisu iha fatin ne’e hamutuk nain walu nulu resin, husi nain walu nulu resin ne’e, nain lima nulu  resin nia kotratu remata ona no nain tolu nolu  resin kontinua hala’o knaar iha Klínika Bairo Pite.Ola

Add to Comments Here!!!!

error: Content is protected.
Secured By miniOrange
You might also like:
MNEK kontinua buka labarik sira nebe lakon iha funu

Ministru Negosiu Estranjeiru no Kooperasaun (MNEK),...

OJE ba MJ millaun US$13,840 aprovadu

Orsamentu Jeral Estadu (OJE) 2018 ba...

Ema soe bebé ida iha Marconi ■Espoza PR Cidalia:Estadu tenki foti sansaun

Komunidade Aldeia Marconi 04, Suku Fatuhada,...

Close