JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS preokupa relatóriu OSM ho TBC númeru aas

MS preokupa relatóriu OSM ho TBC númeru aas

Ministériu Saúde (MS) liu husi Xefi Unidade Programa Tuberkuloze (TBC), Constantino Lopes, preokupa ho relatóriu Organizasuan Saúde Mundial (OSM), ne’ebé deklara kona ba númeru moras TBC kada tinan atinji 60 to’o 100.

Constantino Lopes, hateten, relatóriu OSM refere sai preokupasaun bo’ot ida ba Ministériu Saúde. Tanba ne’e, nia parte halo ona planu oinsa MS sei halo survey ida hodi hatene los númeru refere los ka lae? tanba durante ne’e Ministériu Saúde liu husi sentru Saúde sira iha teritoriu nasional, kada loron detekta ema nain tolu to’o haat de’it.

Survey ida ne’e ami halo preparasaun ba faze tolu, primeira faze ami hala’o dezde tinan 2017 ami hahú halo nia protokolu ka nia mata dalan, ami halo aprezentasaun ba parte peskiza nian, depois ami halo treinamentu ba staff lapangan sira no ikus liu mak faze implementasaun, ne’ebé molok hahú ami tenki bolu Diretor Nasional no Munisípiu sira atu informa ba sira kona-ba peskiza ne’ebé mak ita atu hala’o,'”Constantino Lopes, informa ba jornalista sira iha Ministériu Saúde, Caicoli, Díli Tersa (18/9/2018).

Xefi Unidade Programa TBC ne’e haktuir implementasaun peskiza ne’e sei hahú ho projetu pilotu ne’ebé sei hahú iha fulan ne’e iha Munisípiu Manatuto no Munisípiu Ermera.

“Programa peskiza ne’e ami sei hahú iha loron 24 fulan ne’e iha Munisípiu Ermera nomos Manatuto para depois nia implementasaun ne’e la’o oinsa ami sei haree nia implementasaun ne’e oinsa para depois ita bele implementa programa peskiza ne’e iha teritoriu Timor laran tomak,”Nia esplika.

Constantino lia tun tan katak, programa peskiza ne’e nu’udar programa dahuluk ne’ebé mak foin primeira vez MS hala’o ho objetivu atu hatene lolos nia balansu estimasaun relatóriu OSM kona-ba númeru moras TBC iha Timor Leste.

Lee hotu :   ESTUDANTE ICS 50 OFERTA RAN BA HNGV

“Durante ne’e ita bazeia de’it ba relatóriu estimasaun ne’ebé mak OSM hasai ne’ebé ita bele hatete bo’ot liu ne’ebé MS rasik la atinji to’o iha ne’eba, tanba ne’e mak ami halo peskiza ne’e para hatene númeru ne’ebé mak OSM fo ne’e bo’ot liu ka esforsu ka polítika MS mak seidauk másimu mak seidauk bele detekta to’o númeru ida ne’e ka oinsa tanba ida ne’e mak ami halo peskiza ida ne’e para hodi sai evidensia ida mai ami hodi ami bele dezenvolve sai polítika ida nune’e ami bele muda ita-nia planu estratéjiku iha intervensaun tuir rezultadu peskiza ne’ebé mak iha,”Xefi Unidade ne’e hateten.

Diretor Nasional Apoio Ospitalidade no Emerjensia, Horacio Sarmento, afirma, moras TBC sai hanesan moras Saúde públiku ne’ebé durante ne’e akontese iha TL ne’ebé la’os ema ida rua de’it mak preokupa maibe entidade hotu, tanba alende estraga ema nia saúde , moras refere mos implika mortalidade.

“Ita halo survey ida ne’e atu hatene rezistensia aimoruk ba moras ida ne’e to’o iha ne’ebé? tanba ita hatene katak moras ida ne’e hanesan problema Saúde públiku ida ne’ebé mak entidade hotu presiza tau atensaun, ha’u hanoin problema ne’e iha fator barak, ida mak dala ruma tanba tratamentu ne’ebé mak iha ladun efetivu, no dala ruma mos tanba kestaun fatin,” Horacio afirma.

Entertantu Diretor Ezekutivu, Klínika Bairo Pite, Daniel Murphy, hateten, dezde inisiu estabelse sempre rejista moras TBC mínimu ema nain lima to’o sanolu kada loron.

“Kazu kona ba moras ida ne’e barak, loron-loron ema mai ho kaben tasak pozitivu ne’e barak, depois kazu extra polumunal ne’e isin la’os polumunal mas isin ketak, sempre hanoin kona ba ida ne’e, bele iha matan, bele iha ibun, bele iha nanal, bele iha kulit, bele iha ruin, bele iha aten TBC bele taka fatin naran de’it,”Diretor ezekutivu ne’e hateten.

Lee hotu :   Kondisaun saúde L4 rekopera

Tuir Planu Ministériu Saúde sei realiza survey ba rezistensia aimoruk Tuberkuloze iha Fulan Outubru, tinan ne’e, iha Munisípiu 12 inklui Oecusse.Ola

Add to Comments Here!!!!

error: Content is protected.
Secured By miniOrange
You might also like:
Previzaun OJE 2019, Entre billiaun US$ 1.1 to’o billiaun US$1.3

Ministeriu Finansas (MF) propoin senariu tolu...

Fila husi pengesahan, PNSIK kaptura membru PSHT 31 iha Aeroportu

Polísia Nasionál Servisu Investigasaun Kriminal (PNSIK) ...

PN kansela viajen PR Lú Olo ba Nova Iorke ■ PD lamenta PPN vota kontra

Parlamentu Nasionál (PN), kontinua la autoriza...

Close