JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hafoin EN, PNTL bandu estudante “Pawai’’ ■MEJD observa EN iha Darlau

Hafoin EN, PNTL bandu estudante “Pawai’’ ■MEJD observa EN iha Darlau

Segundu Komandante Polísia Nasional Timor Leste (PNTL) Munisípiu Dili Superintendente Assistente, Euclides Belo, deklara, Komandu PNTL Munisípiu Dili sei bandu estudante sira halo “pawai” hafoin Ezame Nasionál (EN) tinan ne’e remata.

“Ami sei orienta ami nia membru sira liu-liu seksaun tranzitu hodi halo passa revista bainhira ezame nasionál ne’e remata. Ami halo passa revista ne’e para minimiza asidente, tanba ita hotu hatene katak iha tinan hirak liu ba estudante barak mak lakon sira nia vida bainhira ezame hotu sira halo pawai maske seidauk hatene sira liu ka lae?” Dehan Euclides Belo, ba Jornalista sira iha nia knar fatin Caicoli, Dili Segunda-feira (15/10/2018).

Tinan ne’e polisia bandu estudante sira halo pawai atu nune’e labele hamosu asidente ka insidente ruma.

“Ezame nasional ne’e hotu ami koloka ona ami nia membru sira ba eskola sira hanesan Kristal, 4 de setembru, 10 de dezembru no eskola hotu iha dili laran, tanba ezame hotu dalaruma estudante sira hemu tua lanu depois mak lori motor, entaun ami halo passa revista iha dalan publiku sira para ezame hotu sira fila ba uma deit”, tenik Euclides.

Nia dehan, iha tinan hirak liu ba estudante sira barak mak mate, tanba kontente demais liu, no ikus mai inan aman mak lakon, tanba ne’e PNTL sei kontrola estudante sira atu labele halo pawai hafoin ezame refere.

MEJD observa abertura EN iha EBS Darlau
Nune’e mos, Ministra Edukasaun Juventudi no Desportu(MEJD), Delce de Jedus Soares iha Segunda (15/10), hala’o observasaun direta ba abertura Ezame Nasionál (EN) iha eskola Ensinu Baziku Sentral (EBS) Darlau.
Iha observasaun ba abertura ezame nasional ba tinan ne’e iha eskola Ensinu Baziku Sentral Darlau, suku Bekora Postu Administrativu Kristu Rei, Munisípiu Dili, Ministra Edukasaun Juventudi no Desportu akompaña husi diretor nasional edukasaun ho sira nia ekipa.
Hafoin ho ekipa halo observasaun direta ba lalaok ezame nasional iha eskola ensinu baziku sentral darlau, Dulce De Jasus Soares hateten, maski iha fallansu iha asuntu tekniku balun ba prosesu ezame nasional iha eskola Ensinu Baziku Sentral, maibe ezame refere la’o diak tebes no hein atu alunu sira bele hetan rezultadu ne’ebé diak.
“Ohin (Horiseik) ami mai observa abertura ezame nasionál ba periodu 2018 nian iha eskola Ensinu Baziku Sentral Darlau, iha 61 alunu mak tuir ezame nasionál, maibe la’os husi Ensinu Baziku Sentral ne’e de’it no observasaun ezame la’o diak no falta asuntu tekniku balun ami koko atu hadia kedas atu nune’e estudante sira bele tuir ezame nasionál ho diak liu”,esplika Ministra Edukasaun Juventudi no Desportu (MEJD), Dulce de Jeus Soares ba jornalista sira.
Diretor Eskola Bazika Sentral Darlau, Manuel Soares da Silva, sente orgullu ho vizita husi Ministra Edukasaun Juventudi no Desportu tanba ho ida ne’e bele haree direta realidadene’ebé la’o iha terenu.
“Primeiru ha’u orgullu tanba sai hanesan inan ida ba ministeriu edukasaun tun ba baze atu haree realidadene’ebémak iha”,hateten Diretor Eskola Bazika Sentral Darlau, Manuel Soares Da Silva.

Lee hotu :   ETV-PNLS laiha edifísiu rasik


Hafoin hala’o observasaun ba abertura ezame nasionál iha eskola Ensinu Baziku Sentral darlau, Ministra Eduaksaun ho nia akipa mós kontinua halo observasaun direta ba abertura ezame nasionál iha eskola 4 de Setembro UNAMET-Díli. Entretantu ezame nasional ba tinan ne’e sei termina iha loron sanulu resin hitu fulan ne’e.aes/ías

Add to Comments Here!!!!

error: Content is protected.
Secured By miniOrange
You might also like:
Komunidade Laklo enfrenta hamlaha ■Governu seidauk fó apoiu

Komunidade Aldeia Hatu-Ruin no Bahadik, Postu...

TR kondena Francisco Borlaco kadeia tinan ha’at

Tribunal Rekursu (TR) hatun ona desizaun...

Mundu ho Tétun GMNTV 13 Outubru 2018

Close