JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bolseiru sira iha Cuba no Portugal fulan 4 la simu osan

Bolseiru sira iha Cuba no Portugal fulan 4 la simu osan

FOTO:GOOGLE

Parlamentu Nasional liu husi Deputadu, Antonio da Conceição, simu telefone husi bolseirus Timor oan iha Portugal no Cuba katak, sira seidauk simu osan bolseiru durante fulan 4 ona, tamba ne’e husu ba Ministeriu Edukasaun atu rezolve lalais problema nebe iha.

Deputadu Antonio da Conceição, dehan bolseirus iha  Portugal no Cuba dadaun ne’e hasoru situasaun grave, tamba uma ne’ebe sira hela hodi hala’o estudu uma nain balun aruma ona sira nia sasan hodi tau iha liur.

“Estudante sira ne’ebe bolseirus iha  Portugal, agora sira hasoru situasaun  defisil bolseirus iha Portugal fulan 4 ona la simu osan no bolsierus iha Cabo-Verde fulan 3 ona la simu osan sira iha ne’eba tenki selu uma,hahan, no transporte ba mai ida ne’e  sira agora hasoru situasaun grave tebes ba estudante sira ne’ebe moris iha estranjeiru, Bolseirus hirak ne’e sei konsege aguenta, tamba asistente adidu ba halo deklarasaun ho uma nain fo garantia dehan katak, sira sei bele selu ne’ebe ema sei husik hela sira hela iha uma ,maibe iha uma nain balun foti ona labarik sira sasan tau ona iha liur hodi muda sai husi kuartu ne’ebe estudante sira hela ba ,ne’e grave tebes” esplika Deputadu Antonio da Conceiçãoba Jornalista sira iha PN Tersa (13/11).

Eis Ministru Edukasaun iha Sestu Governu Konstitusional komunika ona ba Ministru Edukasaun Ensinu Superior ,maibe resposta katak, erru ne’e mosu ,tamba sistema iha finansas sentral

“Horseik (horibainrua-red) kedas hau komunika ba Ministru Edukasaun Ensinu Superior ,maibe hau husu konaba problema ne’e ,maibe resposta husi sira nian justifikasaun katak, tamba sistema hau hanoin ita labele uza razaun sira ne’e atu fo los ita nia hahalok ruma ne’ebe mak karik ita la halo segimentu diak ,hau iha esperiensia uluk hau iha Ministru Edukasaun kuandu estudante kontesta hau duni tuir husi finansas to’o finansas sentral atu hatene dehan katak, sei prosesu ,prosesu duni ka lae ,hau mos tenki hatene katak, hau asina ona CPV ona ka lae, ida ne’e Governante tenki hatene prosesu sira ne’e hotu”, informa deputado bankada PD.

Lee hotu :   Munisipiu Díli numeru primeiru moras Lepra

Atual Sekretariu Jeral PD nee afirma katak fundu dezenvolvimentu kapital humanu haruka ona ba finansas, sira tenki ba buka tuir iha finansas atu nune’e ita bele hatene buat ne’e sei prosesu duni ka lae ,dehan problema iha sistema finansas sentral dehan ,tamba ho mudansa Governu ,estrutura foun, entaun sira halo ajustamentu ne’e labele sai razaun atu dehan pagamentu sira ne’e tenki atraza.

Nia realsa tan VIII Governu ne’e hamrik iha loron 22, fulan Juñu ,aprova tan tiha ona lei organiku no lori orsamentu ba ne’e signifika ajustamentu ne’e halo tiha ona, labele hein fali orsamentu ne’e aprova mak foin halo ajustamentu, ne’e laiha, tamba lei organiku aprovadu ona sistema mos adapta ona.

 Deputadu ne’e afirma bolseirus Timor ne’ebe hala’o estudu iha Cuba 25 no iha Portugal 20 resin husi numeru kada fulan transferensia ba kada estudante hetan montante $ 400 ho total estudante 25 iha Cuba.

Hatan ba preukupasaun ne’e ne’e, Ministru Reforma Legislativu Fidelis Magalhães, husu klarifikasaun ona ba Ministru Ensinu Superior hodi hala’o prosesu pagamentu ba estudante sira ne’ebe mak sofre hela ,tamba situasaun ne’ebe la’o iha rai laran.

“Ha’u rasik husu klarifikasaun kedas iha Ministru Ensinu Superior nia informa mai dehan ohin dader nia koalia ona ho FDCH no sira halo kedas inspeksaun ba iha prosesu pagamentu ne’e no deskulpa ba ita nia estudante sira ne’ebe mak sofre hela ,tamba situasaun ida ne’ebe ita rasik seidauk konsege rezolve ho lalais, ho diak no iha implikasaun negativu ba sira nia moris loro-loron nian iha ema nia rai”, esplika Ministru Reforma Legislativu Fidelis Magalhães.

Lee hotu :   Diak husi moras Korasaun, Dionísio Babo asume hikas kna’ar nu’udar MNEK

Orsamentu ba bolseiru UUS21 mil

Husi sorin seluk Ministru Ensinu Superior Siensia no Kultura, Longinhos dos Santos hateten, total orsamentu ne’ebe tranfere ba bolseiru sira iha Portugal no Cabo Verde pur volta UU$21 mil.

Ministru Ensinu Superior Siensia no Kultura, Longinhos dos Santos hato’o kestaun ne’e hafoin enkontru ho diresaun pagamentu Ministériu Finansas Aitarak Laran Díli, hodi koalia kona-ba prosesu tranferensia osan ne’ebe tarde ba bolseiru sira ne’ebe hala’o estudu iha Portugal no Cabo Verde.

Nia esplika, prosesu tranferensia osan ba bolseiru sira iha Portugal no Cabo Verde foin lalais ne’e tarde, tanba espasu ne’ebe hakerek iha numeru IBAN ne’e mak sala.

“Iha Cabo Verde no Portugal nian ke sira reenvia ona prosesu pagamentu ne’e iha dia 9 novembru iha tinan ne’e, prosesu primeiru ne’e hahu sala iha numeru IBAN, tanba iha ne’ebá se sira halo espasu iha ne’ebá entaun ne’e sala tiha ona, sira enkamiña fali ba iha dia 9 ne’e maka agora prosesu la’o loos ona iha ne’ebá. Ohin ha’u krojek ona iha diresaun pagamentu finansas nian, sira esklarese katak ohin nia pagamentu hahu ona iha 9 novembru. Total orsamentu ba Cavo Verde no Portugal nia pur volta vinte um mil dolar amerikanu”, deklara Longuinhos dos Santos ba jornalista sira, Tersa (13/11).

Entretantu oras ne’e dadaun bolseiru sira ne’ebe estuda iha Portugal hamutuk nain 88 no iha Cabo Verde 42. Tos/ías

Add to Comments Here!!!!

error: Content is protected.
Secured By miniOrange
You might also like:
FRETILIN-PD sujere Governu kria komisaun rekolla restus mortais

Atu dignifika martir hirak ne’ebé maka...

AMP husu PPN re-ajenda diskusaun viajen PR ba Vatikanu ■FRETILIN ameasa walk out

Bankada Aliansa Maioria Parlamentar (AMP), husu...

PR Lú Olo: MUTL la sala halo demonstrasaun

Prezidente  Repúblika (PR), Francisco Guterres ‘Lú...

Close