JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

VKLN lamenta MESSK redus númeru veteranu nia oan tama UNTL

VKLN lamenta MESSK redus númeru veteranu nia oan tama UNTL

Asosiasaun Veteranus no Kombatentes Libertasaun Nasional (VKLN) lamenta teb-tebes ho desizaun Ministru Ensinu Superior Siénsia no Kultura (MESSK) halo redusaun ba númeru veteranu sira nia oan atu kontinua estudu iha Universidade Nasional Timor-Leste (UNTL), tanba antes ne’e Reitor UNTL rasik hateten, UNTL iha kapasidade bele simu veteranus nia oan ho hamutuk 6.798.

“Ami VKLN lamenta ho situasaun ne’ebé ami nia oan estudantes ne’ebé tuir ingresu iha UNTL ba 2019, tanba la konsege tama, tanba iha diferensia entre MESSK, Longuinhos dos Santos ho Reitor UNTL, Francisco Miguel Martins. Tuir Reitor UNTL hateten, UNTL bele akomoda veteranus nia oan hamutuk 6.7798 ne’ebé kandidata ba kursu iha UNTL, maibé la konsege, tanba Ministru MESSK determina ona katak númeru máximu maka 1.066”, porta voz VKLN, Jorge Alves, iha rezidensia Museu Resistência, Tersa (26-02-2019).

Porta voz VKLN ne’e akresenta katak, antes ne’e Reitor UNTL, Francisco Martins halo kalkulasaun katak, UNTL bele akomoda veteranus nia oan atu kontinua estudu iha UNTL ho númeru 6.7798, tanba UNTL iha dosente 481, investigador nasional no internasional 52, iha kampus Díli, Betano no Hera, no mós UNTL iha sala ou aula 126 no biblioteka 9.

“Ho kontradisaun entre sira na’in rua nian ne’e, ami husu estudante restu 5.732 atu tau iha ne’ebé? Ami husu MESSK no Reitor UNTL atu rezolve problema ne’ebé ami nia oan sira hasoru? Ami fó hanoin de’it katak, durante tinan 24 nia laran, ami la hetan oportunidade atu estuda no buka matenek, tanba ami nia preokupasuan boot maka funu hodi liberta nasaun”, haktuir Jorge Alves.

Husi sorin seluk, reprezentante veteranu, Riak Leman konsidera problema refere akontese, tanba falta koordenasaun husi MESSK no Reitor UNTL, ho nune’e maka parte rua nia kalkulasaun kona-bá kapasidade UNTL atu akumula veteranus nia oan sira ne’e la hanesan.

Lee hotu :   ABANDONA AULA FULAN UALU, ESTUDANTES EJIJI FUNDASAUN HASAI REITOR UNITAL

“Ami nu’udar ema rezistensia husu ba Ministru MESSK, pelumenus ema rezistensia nia oan sira ohin (26/02) temi ne’e tenki eskola, ita bele dehan ema lakohi ukun-an mós nia preokupa de’it ba ninia oan sira sai matenek, agora tempu to’o ona, oportunidade mós to’o ona para ema rezistensia nia oan sira atu eskola iha UNTL, agora ita koalia kona-bá polítika, lei ne’e oin seluk, polítika no lei mós ema bele muda, sé ministru ida laiha kapasidade, nia sai tau fali ema seluk, tanba iha Timor ne’e ema barak, tanba ita hakarak ita nia oan sira tenki eskola”, haktuir Riak Leman.

Entretantu VKLN husu ba MESSK, Reitor UNTL tenki koordena malu atu nune’e bele solusiona tiha polémika refere no husu mós ba Governu atu amenta tan universidade públiku, atu nune’e bele akumula veteranus no povu nia oan sira kontinua estudu iha universidade públiku sira. min

 

Add to Comments Here!!!!

error: Content is protected.
Secured By miniOrange
You might also like:
Timor GAP prontu halo esplorasaun ba GS

Timor Gas And Petroleum (GAP) iha...

Eis Governante kontinua uza CSP, PN husu KomJer PNTL foti medida

Komisaun B iha Parlamentu Nasionál (PN),...

Júlio Hornai: Lei arma branka admite kaptura GAM treinu iha kalan

Komandante Jerál Polísia Nasionál Timor-Leste (PNTL),...

Close