Francisco Martins : Lalos estudante UNTL tuir aula iha liur

Reitor Universidade Nasional Timor Lorosae (UNTL), Francisco Miguel Martins, rejeita informasaun nebe espalha iha media sosial kona ba estudante tuir aula iha liur.

Reitor UNTL, Francisco Minguel Martins  hato’o lia hirak nee ba Jornalista, Segunda (06/05) iha Parlamentu Nasional.

 “Hau hanoin katak informasaun sira ne’e ladun los, tanba laiha komplikasaun, laiha perturbasaun relatoriu husi departementu no fakuldade ida -ida, pelu kontrariu departementu ida-ida hato’o dehan katak atividade lativas lao normal. Hau hakfodak kuandu rona informasaun ne’e husi media sira,” dehan Francisco Miguel Martins.

Reitor dehan tan kuandu atividade letivas maka halo iha liur ou kampo ida ne’e atividade letivas nebe pratika do campo ho estagio sira ne’e bele halo iha liur.

Iha fatin hanesan membru Komisaun G nebe trata kona ba asuntu edukasaun, deputadu  Gabriel Soares, hatete ema hotu hakarak estudante sira iha UNTL tantu sira nebe tuir rejime espesial no rejime jeral tenki aproveita aulas diak.

“Kona ba informasaun ne’e nudar komisaun G nebe tutela mos ba area edukasaun, normalmente ami sei tun hodi haree situasaun real nebe karik iha media sosial lansa ona, maibe ita labele fiar deit ba media sosial, maibe persizamente tenki haree ho matan, rona ho tilun no kaer ho liman ne’e maka importante,” dehan Gabriel Soares

Deputadu ne’e dehan tan koalia kona ba edukasaun nebe diak tenki hatudu nia rezultadu no realidade ba iha publiku no mos ba iha estadu. Nes