JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS dezafia pesoal saúde HNGV atu fó atendimentu diak ba pasiente

MS dezafia  pesoal saúde HNGV atu fó atendimentu diak ba pasiente

Ministru Saúde (MS),  interinu,  Bonifácio Maucoli dos Reis, dezafia  pesoal saúde Hospital Nasional Guido Valadares  sira atu tau interese privadu iha kotuk, hodi fó tratamentu ne’ebé mak diak no  dignu ba pasiente sira.

Bonifácio Maucoli haktuir, xave ba prestasaun servisu mak  asistente sagradu ba pasiente no família pasiente ne’ebé ho kuidadu ne’ebé mak as, ho kualidade, no responsavel.

“Pontu esensial ne’ebé mak sai hanesan xave hodi atinji no dejempeñu mak hanesan exselente iha servisu, signifika katak, asistente sentradu ba pasiente no sira-nia pasiente kuidadu sira ne’ebé as ho kualidade, respeitu  no dignu tuir padraun  tratamentu ne’ebé mak iha”, Bonifacio Maucoli Dos Reis, hatete lia hirak ne’e  iha nia  diskursu ba seremonia loron valores HNGV ba dala rua iha HNGV Bidau Toko Baru Díli, Sesta (16/8/2019).

Alende  tau as interese komun hodi fó tratamentu ne’ebé mak  diak no dignu ba pasisnte sira, Bonifacio Maucoli mós husu ba  pesoal saúde sira atu tenki  kumpri komprimisu ne’ebé mak sira halo molok servisu.

Tanba tuir Bonifácio, liu husi komprimisu ne’ebé mak iha pesoal saúde sira bele halo sira-nia knar ho di’ak no profesional.

“Tau privasidade, konfidensialiade no sizidiu ba iha asistensia saúde no respeita pasiente nia direitu nu’udar sidadaun, no tenki kuida pasiente nu’udar vulneravel”, relata Bonifácio.

Iha fatin hanesan, Prezidente Komisaun F Parlamentu Nasional, Maria Barreto hateten, hanesan reprezenta povu   ne’ebé trata asuntu saúde, prontu apoiu pesoal saúde sira oinsa fó tratamentu ne’ebé mak diak no dignu ba pasiente sira.

“Ida ne’e la’os MS nia responsavel deit ou pesoal saúde sira-nia responsavel de’it maibé, ita hotu nian informasaun ne’ebé mak  hato’o ba Ministériu Saúde, hato’o ba komunidade ita bo’ot sira hanesan sosiedade sivíl hanesan mós ami deputadu sira iha PN, saida mak ami hatene ami uza oportunidade kuandu tu’un ba baje ami hato’o situasaun sira ne’e ba sira para sira bele kompriende”, Maria Bareto hateten.

Lee hotu :   Kongregasaun CB-SMD sei fo tratamentu saúde gratuita

Enkuantu  Diretor Klinika Hospital Nasional Guido Valadares,  Flavio Brandãon hateten, loron valores Hospital Nasional Guido Valadares hanesan loron reflesaun ba pesoal saúde sira  oinsa atinji tratamentu ne’ebé mak  kada pesoal idak-idak halo ona.

“Loron valores ne’e sai hanesan loron reflesaun hanesan médiku, hanesan parteira hanesan infermeiru hanesan tékniku aleadu inklui  hanesan servidor sira seluk, hanesan dasa rai no seluk tan, nune’e mós ba jerente sira to’o ita-nia Ministru atu ita idak-idak refleta ita-nia aan,oinsa papel ita hanesan servidor profisaun ne’ebé mak ema dehan dok liu, tuan liu kompara ho profisaun sira seluk, la’os dehan gaba aan maibé, tanba diferensia ita servi ho domin ho komprensaun”, katak Flavio.

Partisipa iha seremonia komemorasaun loron valores Hospital Nasional Guiido Valadares  ne’e, Ministru Saúde Interino, Prezidente Komisaun F, Reprezentante Organisaun Mundial Saúde, Diretur Jeral Ministériu Saúde, Diretur Ezekutivu Hospital Nasional Guido Valadares, Diretor sira Xefi Departementu, Xefi Unidade inklui Funsionáriu HNGV balun.ola

Add to Comments Here!!!!

error: Content is protected.
Secured By miniOrange
You might also like:
Autoridade lokal indika rai ba governu laiha lisensa

Komunidade Suku Lausi no Bandudato, Postu...

Preparasaun loron konsulta popular ba dala 20 atinji porsentu 70

Diretor Ezekutivu Ajensia Dezenvolvimentu Nasional (ADN),...

Alkatiri:Ekonomia iha Díli la funsiona

Sekretáriu Jeral partidu FRETILIN, Marí Alkatiri...

Close