Dezembru, MEJD publika rezultadu EN

Ministériu Edukasaun Juventude no Desportu (MEJD) sei publika rezultadu Ezame Nasionál (EN) finalista tinan 2019 iha fulan Dezembru, bainhira prosesu koreksaun ba pontus ezame nasionál, estudante Ensinu Sekundáriu Jerál no Tékniku Vokasionál remata.

Ministra Edukasaun Juventude no Desportu, Dulce de Jesus, hatete, husi estudante 53. 101 dadus kandidatus ne’ebé tuir ezame nasionál no Ministériu Edukasaun sei iha prosesu halo konfirmasaun ho Munisipiu sira, hodi halo konfirmasaun folha resposta husi Munisípiu, mak ita foin hatene estudante hirak mak tuir ezame husi kandidatu  studante 53. 101.

“ Ida ne’e prosesu bai-bain ne’ebé Ministériu halo, maibé mensagem importante ba fúnsionariu mak mantein segredu hanesan fúnsionariu publiku, ne’ebé servisu iha Ministériu edukasaun nia okos, bainhira halo korekasaun ba pontus ezame hodi garante rezultadu finalista sira ho diak, dehan  Ministra Edukasaun Juventude no Desportu,Dulce de Jesus, ba Jornalista sira tersa (22/10/2019) iha vila-verde Dilí.

Ministra Edukasaun afirma, durasaun korekasaun pontus ezame ba finalista sira semana rua, tanba estudante tinan ne’e volume bo’ot, nune’e aban sei hahu halo korekasaun ba pontus ezame sira husi Munisipiu 12 inklui Regiaun Administrativu Espesial Oe-cusse Ambeno (AMBENO) ne’ebé Ministériu rekolha ona.

Normalmente tuir kalendariu husi Ministériu Edukasaun, iha fulan Dezembru bainhira servisu sira remata mak foin publika rezultadu ezame nasionál ba iha territóriu tomak.Fel