JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Inseguransa Ai-Han iha TL atinji 36%

Inseguransa Ai-Han iha TL atinji 36%

Ministru Agrikultura no Peskas (MAP), Joaquim Gusmão, hateten, inseguransa ai-han iha Timor-Leste (TL) atinji 36%, tanba ne’e MAP sei servisu hamutuk ho liña ministeriál sira hotu no parseiru dezenvolvimentu sira atu kombate hamlaha iha Timor-Leste. 

“Inseguransa ai-han ne’e atinji 36% mak iha ita nia rai, ne’e mak gradualmente tinan tinan hakarak hatún ita nia taxa inseguransa ai-han nian ne’e tun para bele to’o zero, tanba ne’e mak dadaun hala’o peskiza nune’e iha tinan 2030 bele halakon hamlaha iha Timor-Leste”, Deklara Joaquim Gusmão ba jornalista sira hafoin selebra loron ai-han mundial iha Ministéiru Finansas, Aitarak-Laran, Díli Sesta (18/10/2019).

Tanba ne’e mak nia dehan, tenke dezenvolve hahan lokal ne’ebé orgániku no mós nutritivu, no  halo nusa mak diversifika ai-han sira ne’ebé sai hanesan ai-han ne’ebé nutritivu liu.

Governante ne’e afirma tan katak, atu dezenvolve ai-han lokal ne’e, tanba iha nutrisaun ne’ebé mak ba ema nia saúde, no labele haree deit ai-han sira husi liur, maibé tenki haree mos iha rai rasik produs ne’ebé mak nutritivu teb-tebes.

“Ita hakarak enkoraja uma kain ida-idak para uza rasik ita nia produtu lokal, ita nia hahan lokal para hodi bele redus hamlaha iha Timor-Leste, ida ne’e mak ita nia objetivu. Laos deit redus maibé ita hakarak hakotu hamlaha iha ita nia rai”.

Tanba ne’e mak MAP sei koordena ho liña ministériál sira hotu, sosiedade sivíl, FAO no seluk tan, nune’e bele minimiza inseguransa ai-han ka  hamlaha iha Timor-Leste.

Iha fatin hanesan Diretóra Jerál Protesaun Saúde, Odete da Silva Viegas, hateten, kazu malnutrisaun ne’e preokupasaun ema hotu nian, tanba ne’e ho selebrasaun ai-han mundial ne’e atu fanu entidade hotu oinsa mak bele redus hamlaha iha nasaun ne’e.

Lee hotu :   Sosiedade sivíl husu PR Lú Olo veta alterasaun LFP

“Kazu malnutrisaun sai hanesan ita hotu hotu nia preokupasaun, la’os ministériu saúde deit, maibé governu mós, tanba ida ne’e mak relevante tebes ita selebra loron ai-han mundial ne’e atu bele fó hanoin fali ba ita hotu hotu tantu inan aman, governu, sosiedade sivíl ne’ebé mak kontribui ba ai-han iha nutrisaun”,

Nia afirma, agora Ministériu Saúde mós halo ona mata dalan ba dietética nian, la’os ba iha komunidade komun deit, maibé ba mós hospitais sira oinsa mak bele fornese hahan ne’ebé mak iha nutrisaun, tenke iha konsumu vítamina, proteina, minarais no karbohidratu, no hala’o mós atividade exersisiu fíziku loro-loron.

“Konsekuensia husi malnutrisaun ne’e mak sei biban ba moras lahadaet iha futuru mai ka ita bolu moras krónika, hanesan moras tensaun, korasaun, kankro no diabetes no seluk tan”.

Tanba ne’e mak nia dehan, tenke promove ai-han lokal, tanba ai-han lokal sira ne’e mak iha proteina diak ba saúde ema nian, nune’e bele rezus malnutrisaun no hamlaha iha ita nia rai.

Tuir Ministériu Saúde katak, malnutrisaun husi 52% tun ba 46%, obesidade mak sa’e husi 5% to’o 6% maibé la signifikativu, krekas maran mak iha 24% tanba menus konsumu ai-han ne’e mak ladun iha nutrisaun.Aes

Add to Comments Here!!!!

error: Content is protected.
Secured By miniOrange
You might also like:
Ekipa koordenada prende atributu PSHT iha Mota-Ain ■Kartaun identidade tau bandeira merah putih

Ekipa koordenada Unidade Patrullamentu Fronteira no...

Filomeno Paixão: Sei kombate grupu organizadu kria instablidade

Ministru Defeza no Interior Interinu, Filomeno...

Governu sobu uma komunidade nian iha Tasi-Tolu  Koordenador GMD hetan sona

Governu liu husi Sekretáriu Estadu Terras...

Close