JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Garante liña komunikasaun entre kliente, TELKOMCEL estabelse GSN

Garante liña komunikasaun entre kliente, TELKOMCEL estabelse GSN

Atu garante liña komunikasaun entre komunidade, inklui família tantu rai liur nomos rai laran ho efikas iha  tempu Natal no tinan foun, Komapañia telekomunikasaun TELKOMCEL, estabelese ona  Posco TELKOMCEL ho naran Grupo Siaga Naro (GSN).

CEO,TELKOMCEL, Yogi R. Bahar, hateten, objetivu husi  estabelsimentu GSN ne’e atu garante liña  kliente sira tantu  rai liur nomós rai laran iha tempu Natal no tinan foun.

“Primeiru ita hakarak garante  atendimentu  ba kliente sira, liu-liu oinsa servisu liña komunikasaun labele  falha, iha tempu  loron boot Natal no Tinan foun,”CEO TELKOMCEL, Yogi R.Bahar,  ba jornalista sira iha nia servisu fatin, Aimutin Comoro, Dili, Kuarta (20/12/2017).

Yogi Haktuir, alende atu garante liña komunikasaun  entre kliente, iha tempu Natal no tinan foun, objetivu seluk husi  programa ne’e mós nu’udar kontinuasaun oinsa kapasitasaun  TELKOMCEL iha mundu komunikasaun nian.

“Ho grupu ne’e ita mós hakarak garante katak, laiha  buat ida durante Natal no tinan foun. Ami mós  halo kontinuasaun ba kapasitasaun, TELKOMCEL nian liu-liu iha kapital Dili, tantu atu haruka Video, uza  Facebook no uza WhatsApp  sei  hasoru difikuldade, ou lae,”CEO ne’e esplika.

Tuir planu  Grupo Siaga Naro ne’e sei  hahú  durante semana rua, husi loron  rua nolu  fulan Dezembru  tinan rihun rua sanolu resin hitu, too  loron sia fulan  Janeiru tinan rihun rua sanulu resin walu.

“Ida ne’e sei hala’o  hahú ohin loron rua nolu to’o, loron sia fulan Janeiru (Semana primeiru ) fulan Janeiru tinan rihun rua sanulu resin walu, tanba situasaun Natal no tinan foun ne’e la’os iha deit loron ida fulan Janeiru  semana primeiru husi fulan Janeiru ne’e sei sai hanesan situasaun natal no tinan foun tanba ne’e ita  sei to’o iha loron ne’e,”Yogi garante.

Lee hotu :   KI SOSIALIZA REGULAMENTU BA MÉDIA NAIN NO JORNALISTA

Tuir Yogi, ho estabelesimentu programa ne’e sei garante  liña entre kliente ne’ebé uza TELKOMCEL tanba grupo ne’e sei  prontu iha  fatin durante oras rua nulu resin hat nia laran.

“Dala ruma  ahi mate iha tempu ne’e, ita-nia ekipa ne’e sei atende, tanba ne’e mak ami kria grupo ne’e atu prontu kualker oras iha  loron boot  Natal no tinan foun,”dehan Yogi.

TELKOMCEL husu Estadu hakotu problema interna

Nune’e mós, atu garante  investidor sira kontinua investe iha Timor Leste, Kompañia TELKOMCEL  husu ba Estadu Timor Leste, atu hakotu ona problema polítika interna.

“Ami respeita situasuan polítika ne’ebé akontese iha Timor, maibe nu’udar investidor  ami hein katak  bele hotu lalais ho rezultadu ne’ebé diak, atu nune’e ami nu’udar investidor bele hala’o ami-nia investimentu ho diak no lais tanba importansia husi investimentu iha Timor Leste ne’e ba interese dezenvolvimentu TL nian rasik,”CEO TELKOMCEL  Yoga. R, Bahar ba jornalista sira iha nia servisu fatin, Aimutin Comoro Dili, Kuarta (20/12/2017), relasiona ho situasuan polítika ne’ebé kontinua sai polémika.

Yoga afirma, alende  interese dezenvolvimentu Nasional, investimentu TELKOMCEL iha Timor Leste ne’e mos atu  minimiza númeru dezempregu iha TL. Tanba ne’e husu ba ukun nain sira, liu-liu Governu no Parlamentu Nasional atu hakotu ona problema rai laran liu-liu iha parte polítika nian.

Kompañia TELKOMCEL hahú harii iha TL, iha loron sanulu resin hitu fulan Setembru tinan rihun rihun rua sanulu resin rua, ho total  funsionariu hamutuk nain atus ida sia nulu (190).Ola

Add to Comments Here!!!!

error: Content is protected.
Secured By miniOrange
You might also like:
BOAMP garante OR sumba sei laiha efeitu

Bloku Opozisaun Aliansa Maioria Parlamentar (BOAMP),...

JORNAL NACIONAL GMNTV MEIO-DIA Loron-20 Fulan-Dezembru Tinan-2017

JORNAL NACIONAL GMNTV Loron-19 Fulan Dezembru Tinan-2017

Close