JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kongratula KI atribui Karteira Profesional ba Jornalista ”Horta preokupa salariu Jornalista”

PN kongratula KI atribui Karteira Profesional ba Jornalista ”Horta preokupa salariu Jornalista”

Reprezentante povu iha Parlamentu Nasionál (PN), kongratula Konsellu Imprensa (KI) ne’ebé iha inisiativa diak hodi rekoñese servisu media nian, liu hosi atribuisaun Karteira Profisional (KP) ba jornalista sira, atu bele garante kualidade produtu jornalístika nian.

“Ami dezeju parabéns ba jornalista sira iha Timor laran tomak, ami dezeja imi atu hala’o imi nia knaar ho diak liutan, hodi servi ita-nia nasaun liu hosi imi-nia knaar ne’ebé sai lian ba ema ne’ebé lian laek, no hato’o informasaun ba povu tomak para hodi hatene,”hateten deputadu Fidelis Magalhães husi bankada PLP ba jornalista iha PN, Kinta (21/12/2017).

Prezidente Komisaun B trata asuntu seguransa, defeza no relasaun externa ne’e, akresenta, ho atribuisaun karteira profesional ne’e, jornalista bele hala’o nia knaar garante kualidade no benefisiu ba povu nia moris diak, liu hosi kontrolu servisu governante no reprezentante povu nian.

 “Ho ida ne’e, imi bele kontrolu nain hirak ne’ebé servisu nu’udar reprezenta povu, no hirak ne’ebé kaer poder, para hodi bele ezerse nia poder ho diak ba benefisiu povu tomak ninian,”dehan Fidelis.

Horta preokupa salariu Jornalista

Husi sorin seluk Eis Prezidente Repúblika (PR) José Ramos Horta, preokupa ho salariu jornalista ki’ik, ne’ebe jornalista balu sei simu salariu fulan ho deit U$ 115.

Eis Prezidente Repúblika (PR) José Ramos Horta

“Ha’u triste liu kuandu jornalista manan a’at los. Tanba poliítiku sira iha parlamentu ne’ebe hotu-hotu matenek ha’u hatene manan kuaze $3 mill, $4mill e $5mill. Sira ba foho ha’u hanoin $50.00 ou $100 perdiem. Depois atu ba deit Parlamentu ha’u lahatene simu hira tan, depois simu tan total bele simu $4 mill, $5mill. Depois foin lalais ha’u husu ita nia maluk balu jornalista balu dehan simu $115. Ne’e ha’u triste”, Laureadu nobel da paz, José Ramos Horta, hato’o preokupasaun ne’e iha ninia diskursu serimonia atribuisaun karteira professional ba Jornalista Timor-oan hamutuk 216, iha salaun Delta Nova, Díli, Kuarta-feira (20/12/2017).

Lee hotu :   Dom Basilio fiar programa Governu aprovadu

Ramos Horta apresia servisu jornalista, tanba ne’e sei hakerek istoria ida kona-ba vida moris jornalista lor-loron, nu’udar istoria moris jornalista Timor nian.

“Ha’u hakarak kualker dia, ha’u hakarak sai fali jornlista hanesan briten ida, ha’u hili jornalista ida, dadersan ha’u ba ita nia uma, e ha’u akompanha ita nia vida loron, ita ba ne’ebe ha’u tuir. Ha’u halo reportazen tuir jornalista nia vida 24 oras, ita sai husi uma sai ho saida, motor  ha’u tuir. Ba halo ita nia servisu ha’u tuir, ba han iha warung ruma ha’u tuir, e ba han bakso ruma ha’u tuir, para haree ita nia vida ne’e saida. Entaun ha’u hakarak hakarek artigu oan ida hanesan jornalista  ha’u iha Facebook iha English hateten, One day in the live of  Timor East Journalist, ne’e para ita apresia ita bo’ot sira nia servisu”, afirma Jornalista senior, José Ramos Horta.

Nune’e mos Ramos Horta enkoraja jornalista sira hala’o knar ho kredibel hakerek notisia no hakerek editorial, labele sadere ba partidu.

“Jornalista sira labele sadere ba ida ne’e, sadere ba ida ne’eba ne’e lao’s realista”, hateten Jornalista senior José Ramos Horta.

PR kongratula Jornalista

Prezidente da Repúblika Francisco Guterres Lú Olo, kongratula jornalista 216 ne’ebe mak simu karteira professional husi Konselho Imprensa, tanba ne’e husu atu hatudu nafatin kualidade servisu.

“Prezidente Republika mos felisita jornalista 216 ne’ebe mak simu karteira profisional, tuir kriteriu  estabelese ona husi konsellu imprensa  atribuisaun titullu profisional ne’ebe ita bo’ot sira simu ona,  sei hasae ita bo’ot sira nia kbit ida-idak ita bo’ot sira nia profisionalismu, maibe bo’ot liu hotu, ita bo’ot sira nia responsabilidade atu nune’e ita bo’ot sira nia servisu no hanoin ne’ebe produz hatudu duni kualidade servisu diak, atu bele eduka ita nia sosiedade ida ne’ebe diak liu iha futuru”,Xefe Kaza sivil, Francisco Vaz Conselho, haktuir mensajen Xefe Estadu Francisco Guterres Lú Olo.

Lee hotu :   Arsenio Pereira: Tempu atu PR halo dialogu liu ona

PR Lú Olo hatutan, kontribuisaun jornalista internasional no nasional nian iha Luta ba libertasaun nasional bo’ot tebes no folin bo’ot ba Independensia Timor-Leste.

“Jornalista sira estranjeiru balun  mate ba rai ida ne’e,  husik sira nia ran ho timoroan sira nia ran ba luta libertasaun Timor-Leste nian. Iha 1975 jornalista nain lima (5)  ne’ebe hetan tiru no mate iha Balibo no ita lakon mos jornalista timoroan  Francisco Borges da Costa,  balun seluk hetan baku no ariska sira nia vida fo informasaun konaba violasaun direitus humanus konaba ita ni luta libertasaun nasional”,haklaken PR Lú Olo.

PR mos agradese ba Max Thal ne’ebe mak durante halo filme konaba akontesimentu Santa Cruz iha tinan 1991, filme ne’e mak apoiu husi komunidade internasional konaba ita  nia luta  lebertasaun nasional.

KI atribui karteira profesional ne’e ba jornalista hamutuk 216, kompostu husi media eletronika no emprimi. Entretantu karteira profesional ne’e sei kontinua atribui ba jornalista ne’ebe mak priense kriteriu. Say/Aes

Add to Comments Here!!!!

error: Content is protected.
Secured By miniOrange
You might also like:
PM Alkatiri konsidera komunidade la disiplina uza bee mos

Primeiru Ministru (PM), Mari Alkatiri, kosnidera...

Tama Natal ahi mate, PN husu Governu investiga EDTL

Enerjia eletrisidade ne’ebé lakan-mate iha teritoriu...

GRANDE ENTREVISTA HAMUTUK HO Bispo Dom Basilio do Nascimento

Close