Igreja husu Governu rehabilita Igreja Sagradu Kurasaun de Jesus-Baucau

Kondisaun Igreja Paroquia Sagradu Kurasaun de Jesus Vila Nova-Baucau, hahu at dadauk ona, tanba ne’e paroquia liu husi Padre Paroqo, José Gonzaga hasoru malu ho Primeiru Ministru (PM), Mari Alkatiri, hodi husu apoiu Governu nian rehabilita kondisaun infra-estrutura igreja nian.

       “Asuntu ne’e lolos partikular entre Igreja ho Governu, maibe kuandu uma kreda hasoru ona Governu asuntu maka kona ba edefisiu uma kreda nian, ne’ebe asuntu prinsipal ne’ebe ami koalia durante enkontru maka kona ba kondisaun igreja balu li-liu iha Diocese Baucau, Paroquia Vila Nova ne’ebe ninia kondisaun at, tanba ne’e maka igreja husu ba Governu hodi buka dalan, atu nune’e responde ba sarani sira ninia nesesidade ba  vida esperitual nian,” hateten Pardre Paroqo Sagradu Kurasaun de Jesus Vila Nova-Baucau, José Gonzaga ba Jornalista sira hafoin hasoru malu ho Primeiru Ministru iha Palacio Governu, Kuarta (10/01/2018).

        Diocese Baucau rasik mos iha ona planu tinan barak nia laran atu halo konstrusaun fun ba Igreja Katedral Baucau ne’ebe atu lokaliza iha Vila Nova. Maibe, to’o agora iha faze negosiasaun hela entre Bispo Diocese Baucau, Mgr. Basilio do Nascimento ho sarani sira ne’ebe pretense nudar nain ba rai ne’ebe atu harii Igreja ba.

      Primeiru Ministru, Mari Alkatiri hateten, tinan 2018 dadaun ne’e la akontese buat ruma ba Governasaun ne’ebe nia xefia maka VII Governu pronto ajuda.

“Primeiru Ministru fo resposta pozitu katak, sei hare ba tinan 2018 ninian ne’e sei iha buat ruma karik sei koalia hamutuk fali ho uma kreda,” haktuir Padre Gonzaga. mia