JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Japaun apoia RM ba DN-CRC fasilita ba EA

Japaun apoia RM ba DN-CRC fasilita ba EA

Programa asistensia eleitoral liu hosi United Nations Development Programme (UNDP) iha Timor-Leste hetan tulun husi Governu Japaun hodi apoia ekipamentu Radio Mobile (RM) ba Dirasaun Nasionál- Sentru Radio Komunidade (DN-CRC-sigla Português) hodi fasilita transmite informasaun ba komunidade área rurais iha époka Eleisaun Antesipada (EA).

Iha serimonia entrega Radio Mobile ne’e, Sekretariu Estadu Komunikasaun Sosial (SEKOMS), Matias Boavida, sujere ba DN-CRC, atu bele utiliza ekipamentu hirak ne’e ho lolo’os, nune’e komunidade ne’ebé iha área rural bele asesu informasaun ho justu no realidade.

“Laran ksolok ho embaisada Japaun iha Timor ho UNDP ne’ebé bele oferese ekipamentu ne’e, e prezensa Radio Mobile ne’ebé ita iha agora ne’e, bele aproxima liutan komunidade iha área ruarais sira, tanba fasil tebes área rurais ne’e sai hanesan fatin ba ukun na’in sira atu hakbesik ba povu ho lia bosok atu bele assegura votus, maibe ho prezensa RM ne’e, assegura diak liutan direitu sivil no polítika ne’ebé mak ema ida-idak iha,”dehan SEKOMS Matias Boavida iha nia diskursu, bainhira partisipa serimonia entrega radio mobile iha UN Compound UNDP Kaikoli, Tersa (27/02/2018).

Nia mós garante, ho prezensan Radio Mobile ne’e, bele hamihis informasaun falsu ne’eb’e durante ne’e lemo-lemo iha sosiedade liu hosi media digitais sira, hanesan Facebook.

“Servisu hamutuk entre CRC ho Japaun no UNDP ne’e, espera bele hakbi’itliu tan ema hirak ne’ebé sei utilija ekipamentu hirak ne’e, atu nune’e bele útil duni, la’os ba fahe tan informasaun falsu, maibe prezensa RM ne’e bele fo nia utilidade bo’ot liutan ba komunidade iha baze ne’eb’e hamlaha no hamro’ok ba informasaun, liu-liu eleisaun ne’eb’e lakleur tan mosu mai, hodi bele ajuda ema atu kompriende sa mak sira nia direitu nodever nu’udar sidadaun ne’ebé di’ak, no kompriende barakliutan konaba sira nia papel no kna’ar nu’udar sidadaun, hodi kontribui ba dezenvolvimentu nasaun nian, no hodi priense rekezitus demokrasia,”Matias subliña.

Lee hotu :   PR simu kredensial husi embaixadora Malaysia

Iha oportunidade hanesan,  Diretor DN-CRC, Luis Evaristo dos Santos Soares, informa, iha tempu badak, nia parte sei haruka nia ekipa tun ba baze hodi hahú transmite informasaun kona-ba edukasaun votante ba komunidade área rural ne’ebé difisil asesu informasaun.

“Ami-nia ekipa tékniku prontu ona ho ekipamentu sira ne’e, ba ita-nia eventu sira hanesan eleisaun antesipada fulan Maiu maiu, hahú prepara ona atu koopera diak ho instituisaun ne’ebé parte importante sira hodi organiza ba eventu EA nian, hodi sai parseria forte atu fahe informasaun ne’ebé lolo’os, no haré meius oinsa halo pakote informativu no kredivel ba komunidade iha área rurais, liu-liu konaba edukasaun sívika,”haktuir Luis.

Nia informa tan, Radio Mobile ne’e, sei transmite informasaun iha munisípiu hotu, liu-liu fatin ne’ebé rural liu.

Radio Mobile ne’e, kompostu husi ekipamentu hotu ne’ebé ligasaun ho radio nian, hamutuk 21 iha pakote ida, ne’ebé bele instala iha kualker fatin ne’ebé posivel.

Diretor DN-CRC esplika, molok halo transmisaun, Radio Mobile sei instala iha kareta ida, hafoin bele mobiliza iha suku no aldeia hotu iha Timor laran, ne’ebé la asesu ba informasaun.Say

Add to Comments Here!!!!

error: Content is protected.
Secured By miniOrange
You might also like:
EUA follow up ajudu ne’ebé fó mai TL

Estadus Unidus Amerika (EUA) follow up ajudu sira...

FDD la uza ona kruz iha bandeira

Partidu Republikanu retira Koligasaun Forum Dezenvolvimentu...

Somotxo: Treinamentu militar balun sekretu

Ministru Defeza no Seguransa (MDS), José...

Close