JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ARCTEL-ANCTL organiza forum komunikasaun CPLP ba dala 9

ARCTEL-ANCTL organiza forum komunikasaun CPLP ba dala 9

Asosiasaun Regulador Komunikasaun no Telekomunikasaun (ARCTEL-sigla iha Português) no apoia husi Autoridade Nasional Komunikasaun(ANC-sigla iha Português) Timor-Leste organiza fórum komunikasaun Komunidade País Lingua Portugueza (CPLP sigla Português) ba dala 9 ho tema “Cibersegurança na CPLP”.

Ministru Negosiu Estranjeiru No Kooperasaun (MNEK), Aurelio Guterres, hateten, forum ne’e, nu’udar loron importante, tanba Timor-Leste iha ona kapasidade hodi organiza eventu ne’ebé importante tebes ba nasaun sira CPLP nian.

“Forum ne’e importante ba ita komunidade país língua portugeza, inklui ajensia sira hotu nasaun CPLP nian, mai halibur para atu diskute konaba sistema komunikasaun,  seguransa ba komunikasaun ne’ebé hodi bele servisu hamutuk, liu-liu parte seguransa, krime, sibernétika no  seluktan,”dehan MNEK Aurelio Guterres ba jornalista, hafoin partisipa iha forum komunikasaun ne’e iha salaun Ministériu Finansa, Kinta( 22/03/2018).

Aurelio dehan, forum komunikasaun ne’e, oinsa nasaun ida-idak, bele fahe esperiensia no  implementa rekomendasaun sira husi diskusaun ne’e.

Ezekutivu ne’e relata tan, maske Timor-Leste nasaun ne’ebé ki’ik, maibe iha ona rede internet ne’ebé natoon, hodi fasilita atividade sira, kompara ho nasaun balun ne’ebé inklina iha CPLP.

Alende ne’e, Prezidente ANC, Antonio Correia, afirma, ANC iha ona polítika, oinsa atu halo kooperasaun hodi fortifika liutan rekursu umanu, inklui bele hetan esperiensia iha implementasaun regulatoriu ne’ebé fahe husi nasaun seluk iha durante diskusaun, hodi partilha fortifika mós sistema komunikasaun iha Timor-Leste.

Antonio Correia dehan tan, teknikamente ANC iha mekanizmu rasik, ho métodu no regras ne’ebé iha, hodi bele assegura implementasaun rede sira.

Antes ne’e, forum komunikasaun CPLP ne’e mós realiza ona iha nasaun seluk ne’ebé ko’alia lian Portugés.Say

Lee hotu :   Deskonfia mosu familiarizmu Kandidatu traballador Australia hato’o keixa ba SEJT

Add to Comments Here!!!!

error: Content is protected.
Secured By miniOrange
You might also like:
Embaixador Portugal husu Timor oan trata BI ho pasiensia

Embaixador Portugal, Jose Machado Vieira  husu...

Kazu lori moeda tama TL, PNSIK la rejista iha MP

Polísia Nasionál Servisu Investigasaun Kriminal (PNSIK),...

Substituisaun kargu Xefia AP, AMP konsidera ambisaun FRETILIN no PD ba pozisaun

Bankada opozisaun CNRT, PLP no KHUNTO...

Close