JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Suku Mulo, Nunumoge no Mausiga ladauk asesu eletrisidade

Suku Mulo, Nunumoge no Mausiga ladauk asesu eletrisidade

Administrador Postu Administrativu Hatubeliku, Munisipiu Ainaro Armando de Araújo, hateten, komunidade Suku Mulo, Nunumoge no Suku Mausiga, to’o ohin loron ladauk asesu eletrisidade, nune’e komunidade sei kontinua moris iha nakukun laran.

“Iha Suku 2 Molu sorin, Nunumoge sorin no Mausiga seidauk lakan, Kompaña sei halo instalasaun, tanba ne’e ita sei hein governu foun mai tanba orsamentu mak sei limitadu, entaun kompaña labele kontinua sira nia servisu to’o hotu,” Administrador Postu Administrativu Hatubeliku, Armando de Araújo, ba jornalista sira iha Munisipiu Ainaro Tersa-feira (27/02/2018) ne’e.

Nia dehan, Kompaña halo duni servisu, maibe fatin refere risku ba dezastre naturais nune’e hamosu fiu no besi tohar hotu, no mos afeita hotu ba estrada nasional dirasaun Dili no Suai.

Relasiona problema refere Administrador Postu Administrativu Hatubeliku

informa ona asuntu ne’e ba parte relevante, maibe seidauk iha solusaun ruma ba asuntu refere.

Iha fatin hanesan Xefi Suku Mulo, Jose Florindo Andrade, afirma, total komunidade ne’ebe seidauk asesu eletrisidade iha Suku Mulo hamutuk mak 2700 resin, maibe total populasaun iha Postu Administrativu Hatubeliku ne’ebe asesu eletrisidade hamutuk 6000.

“Hahu inisiu to’o agora ami seidauk hetan ahi, foin iha 2015 kompaña Omega mak kaer obra ne’e, maibe iha momentu ne’ebe kompaña sira hadau malu projetu ne’e no ha’u simu kompaña Omega ne’ebe mak tama uluk tanba komunidade sira iha ne’e ne’e mak hakarak ahi.Depois komesa kontinua kompaña instala hotu rin eletrisidade no dada fiu hotu maibe iha fulan hirak liu ba anin bo’ot no konsege estraga hotu rin eletrisidade refere no ahi kontinua seidauk lakan,” Jose Andrade. Aes

Lee hotu :   Kazu edifisiu Akait, MJ kontinua hasai Kathleen

Add to Comments Here!!!!

error: Content is protected.
Secured By miniOrange
You might also like:
Papel media difikulta polítiku nain monopóliu lia los

Prezidenti Partidu Demokrátiku (PD), Mariano Asanami...

ParPol labele uza simbolu rezistensia ba buletin votu

Partidu polítiku (ParPol) sira labele uza...

Razaun troka Diretór HNGV

Vise Ministru Saúde, Luis Lobato, hatete,...

Close