JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Labarik mane nain rua mo’ut iha tasi

Labarik mane nain rua mo’ut iha tasi

Labarik mane nain rua mo’ut iha tasi, area Praia dos Coqueiros, Dili, Domingo (22/04) horseik.

Husi akontesementu ne’e, vitima nain rua lakonsega salva, maske hetan kedas ajuda husi komunidade ne’ebe besik, no evakua ho ambulansia ba Hospital Nacional Guido Valadares (HNGV).

Tuir sasin, Norberto da Costa, katak nia hadi’a hela motor iha tasi ibun, derepenti nia alin bolu katak, iha labarik mo’ut iha tasi, nune’e nia ba ajuda.

“Los duni katak labarik nain rua mo’ut iha tasi, ne’ebe hau nia alin fo hatene hau katak labarik nain rua mo’ut, ne’ebe hau hakfodak hodi mai haree no ajuda hasai husi tasi laran, minute lima tan maka hetan tan ida, hau hasai tiha hau mos trauma ne’ebe mai fila kedas ba uma,” hateten sasin Norberto da Costa ba GMN iha fatin akontesementu.

Iha fatin hanesan, familia matebian, Cecilia da Silva haktuir, nia sai husi uma bolu deit ninia oan, no matebian nain rua sira la bolu, maibe matebian nain rua ho ulun fatuk to’os hakarak halai tuir deit ba tasi.

“Ami atu ba tasi, hau bolu hau nia oan deit, ami nia hakarak ne’e ami deit maka ba, ami la’o sai tiha mai, sira nain rua mos halai tuir ami ona, ne’ebe hau dehan ba sira nain rua katak labele ba, maibe sira nain rua nafatin halai tuir to’o iha tasi, iha tasi sira nain rua tama ba haris tasi, iha klaran sira la sai ona no mo’ut ona, hau husu ajuda ba ema maibe la konsege,” hateten familia matebian, Cecilia da Silva.

Lee hotu :   Estasionamentu pagamentu ba motorista husi Kolmera no Motael hahú funsiona

Nia hatutan, hafoin hasai tiha matebian nain rua atu lori kedas ho taxi ba Hospital, maibe komunidade sira lakohi no hakarak hein deit ambulansia.

“Kondisaun ikus labarik nain rua lakonsege salva, sira mai tuir ami ne’e hau mos lahatene los katak sira nia inan aman hatene ka lae, tanba sira halai tuir deit ami,” tenik nia.

Matebian nain rua ida naran Jaimito Miranda Lopes ho idade 15, alunu segundu Ano Pre-secundaria no ida seluk, Ameta ho idade 13. Matebian rua ne’e rai hela ona iha mortuario hodi hein família matebian nian hodi lori ba ida-idak nia hela fatin. mia

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun.19

Mundu ho Tetun GMNTV 14 Abril 2018

FETO IHA KAREIRA GMNTV Edisaun 09

Close