JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estrada urbana ba Sub-Regiaun tempu badak hahu konstruksaun  Komunidade kontenti dezenvolvimentu Oecusse

Estrada urbana ba Sub-Regiaun tempu badak hahu konstruksaun 	Komunidade kontenti dezenvolvimentu Oecusse

Foto:Google

Prezidente Autoridade em Subtituisaun Rejiaun Administrativu Espesial Oecussi Amebeno (RAEOA) Zona Espesial Ekonomia Sosial  Merkado (ZEEMS), Arsenio Bano, hatete, konstruksaun estrada iha Pante Makasar wainhira remata sei kontinua ba sub- regiaun Nitibe, Passabe no Oesilo, estrada refere sei halo kualidade hanesan estrada Pante Makasar nian.

Ba GMN, Arsenio Bano, hateten, dadaun ne’e iha ona faze tenderizasaun ba konstruksaun ne’ebe refere, wainhira remata prosesu ne’e sei hahu konstruksaun.

“Planu ba estrada urbana ba sub-regiaun sira ne’e orsamentu feitu ona, e no mos BOQ prontu ona, ne’e so kestaun halo aprovazionamentu para halo iha sub-regional sira. Sub-regional sira mos hahu ona ho agrikultura, saude, e postu saude sira ne’e halo iha fulan hat ou nen nia laran ami inaugura,”afirma Prezidente Autoridade em Subtituisaun RAEOA-ZEEMS, Arsenio Bano.

Arsenio Bano hateten, dezenvolvimentu iha Oecusse tomak persiza tempu barak tan hodi halo Oecusse sai  ezemplu ba dezenvolvimentu.

“Entaun tinan 2 e tinan 3 Doutor Mari Alkatiri hahu ne’e hanesan foin hahu, ita persiza tempu tan, ita persiza tinan 5 tinan 10 e tinan 15, atu halo Oecusse ne’e bele sai centru ida bele liga ba regiaun e bele sai ezemplu ba Timor-Leste. Ba regiaun ne’e ami hahu dadauk ona, estudu ba suku 18 , aldeia 63 , planu ordenamentu ne’e hotu ona. Estudu balu ba zona urbana hotu ona ba sub-regional tolu. Agua e saneamentu studu hotu ona kestaun atu implementa deit,” afirma Arsenio Bano.

Komunidade kontenti dezenvolvimentu Oecusse

Iha parte seluk komunidade Sub-Regiaun Passabe, Antonio Maia, orgulho tanba dadaun ne’e hahu loke ona estrada ba sub-regiaun sira atu bele fasilita komunidade nia movimentu.

“Uluk ami laiha estrada mai ohin loron Sr. Mari Alkatiri mai iha Oecusse loke ona estrada ba ami para bele lao ba mai hodi fasilita ami povu,” hateten, Antonio Maia

Lee hotu :   APTIK-TL kompromete apoiu Governu halo projetu lei transaksaun informasaun eletronika

Entretantu komunidade Palaban, João Pala, hateten senti kontenti/ho dezenvolvimentu ne’ebe la’o ona iha Oecusse, tanba antes ne’e sira laiha estrada ne’ebe diak, laiha bee mos no laiha eletricidade.

“Ha’u nudar komunidade senti haksolok tanba agora ne’e ami iha ona estrada diak hodi uza, uluk mos laiha agora iha ona maske semana ida mai dala tolu deit no mos ahi agora eletrecidade lakon ona iha ami nia uma no iha estrada boot sira fo naroman mai ami,”afirma João Pala.

Dadaun ne’e ZEEMS halo ona estrada diak ba komunidade Pante Makasar hodi asesu, bee mos, eletricidade, irigasaun Tono ne’ebe fornese bee mos ba komunidade natar nain sira, Aeroportu, Ponti, eskola no seluk tan. rey

Add to Comments Here!!!!

error: Content is protected.
Secured By miniOrange
You might also like:
Debate ParPol iha CNE, PR Lú Olo apela povu rona programa ParPol

Prezidente Repúblika (PR), Francisco Guterres “Lú...

Assanami: PD manan sei kontinua mehi luta nain sira

Prezidente Partidu Demokratiku (PD), Mariano Assanami...

Taka dalan ba AMP iha Hera, PNTL detein suspeitu nain tolu

Polísia Nasionál Timor-Leste (PNTL), Munisípiu Díli...

Close