JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN lansa Radio no website ba públiku ■Munisípiu dook labele asesu

PN lansa Radio no website ba públiku ■Munisípiu dook labele asesu

Parlamentu Nasional (PN), nu’udar segundu orgaun soberanu iha Timor-Leste, harii ona nia Radio no website rasik, ho frekuensia 92.9 FM, no lansa ona husi Prezidente Parlamentu Nasional (PPN), Aniceto Guterres, iha Kuarta (06/06/2018), hodi transmite informasaun ba públiku.

Hafoin lansamentu, PPN, Aniceto Guterres Lopes, hateten, prezensa husi radio Parlamentu ne’e, nu’udar fontes informasaun entre povu ho reprezentante povu iha Parlamentu Nasional, hodi nune’e povu bele akompaña nafatin servisu deputadu nian iha uma fukun.

“Objetivu estratéjiku ba kria radio PN ne’e, uluk ami sempre ezije tenke iha transimisaun direta iha televizaun, maibe televizaun ne’e, ba plenaria hotu-hotu so PN iha televizaun ketak, selae karun liu, entaun solusaun mak radio, tanba radio bele fasilita liu, tanba ninia despeza ladun bo’ot, no jestaun mós la rumit hanesan televizaun, tanba radio mai ho simples,”katak Aniceto.

Tuir Aniceto Guterres, papel radio PN ne’e simples no importante tebes, hodi promove sidadaun nia partisipasaun iha vida polítika, nu’udar mós kanál ida ne’ebé sidadaun no eleitores hotu bele akompaña direta funsionamentu Parlamentu no atividade deputadu nian, nune’e sidadaun bele komprende liu papel Parlamentu Nasional nian.

“Liu hosi instrumenta hanesan ne’e, povu mós bele halo kontaktu direta ho deputadu sira ne’ebé sira hili mai reprezenta sira iha Parlamentu, ne’e parte ida husi edukasaun sívika ida mós, edukasaun polítika ba povu,”dehan Aniceto Guterres.

Líder másimu orgaun lejislador ne’e relata, nu’udar radio kanál foun,  radio PN ne’e foin bele kobre iha area sidade Dili, inklui Metinaro no bele kobre to’o iha munisipiu besik sira, hanesan Likisa ne’ebé lahelik husi foho nia as.

Lee hotu :   Sosiedade Sivil konsidera seidauk tempu PN sosa kareta foun

Aniceto promete, iha mandate V lejislatura ia parte sei nafatin hanesan deputadu husi bankada FRETILIN, sei kontinua ejize, atu nune’e bele aumenta kapasidade kanál radio hodi kobre territoriu hotu, hodi nune’e sidadaun hotu bele akompaña direta programa Parlamentu nian.

“Radio ne’e prepara kleur ona, husi lejilsatura anterior kedan, iha mandatu Prezidente Parlamentu Nasional, Aderito Hugo da Costa nia tempu, bazeia ba planu estratéjiku Parlamentu Nasional nian, prepara dezde 2016, maibe nia prosesu aprovizionamentu hola ekipamentus sira ne’e mak kleur liu, iha Dezembru tinan 2017 ne’e mak konsege rezolve, hahú kedas ho instalasaun ba radio nian, nune’e ohin funsiona,”tenik Aniceto Guterres.

 Líder orgaun soberanu ne’e afirma tan, papel Radio Parlamentu ne’e importante tebes, hodi nune’e fasil transimte informasaun konaba Parlamentu nian ba povu hotu, liu-liu iha sesaun debate sira, hodi nune’e hamenus gastus hodi selu mendia seluk.

Iha fatin hanesan, sekretariu jeral Parlamentu Nasional, Adelino Afonso de Jesus, hateten, obra ba radio PN ne’e hahú kleur ona, dezde tinan 2016, maibe remata iha tinan 2017 no lansa iha tinan 2018 ne’e, tanba atraza prosesu instalasaun radio ne’e rasik. Say

Add to Comments Here!!!!

error: Content is protected.
Secured By miniOrange
You might also like:
13 Juñu, PN hahu sesaun V lejislatiura

Prezidente Parlamentu Nasional (PPN), Aniceto Guterres...

Ohin, Koronel nain haat promove ba Brigadeiru ■Lere: Konsellu militar sei forte liu

Instituisaun FALINTIL-Forsa Defeza Timor-Leste (F-FDTL), ohin,...

Eskola São José Operario sai Vensedor iha sertame tinan 2018

Eskola Sekundariu São José Operariu sai...

Close