JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEKOMS SEI HALO DIAGNÓSTIKA

SEKOMS  SEI HALO DIAGNÓSTIKA

Loron 100 hanesan primeiru teste ba membru governu foun sira iha kada instituisaun kona ba kna’ar ne’ebé mak sira hala’o lor-loron. Iha 100 ida nia laran ne’e, membru Governu sira ida-ida buka atu hadia servisu ne’ebé mak la’o lalos, no adapta an ho instituisaun ne’ebé mak sira hakna’ar an ba.

Nune’e mós hanesan Sekretáriu Estadu Komunikasaun Sosial, Mericio Akara, hateten, servisu prioridade ne’ebé mak nia atu halo iha loron 100 ne’e mak, sei halo diagnóstika ba instituisaun ne’e.

 “Ita bele hahú buat ruma iha loron 100 nia laran, maibé nia rezultadu ne’e tenki haree iha tinan lima nia laran. SEKOMS fó prioridade iha loron 100 nia laran ne’e mak, halo enkontru internal ho estaf no Diretor sira, hodi halo diagnostiku oituan, para intende saida mak la’o diak, no saida mak obstaklu para ita bele halo intervensaun. Ita labele elerjia kuandu mudansa ruma akontese, tanba ita haree buat ruma diak ita kontinua, maibé kuandu ladiak, ita tenki prontu atu simu mudansa, ida ne’e mak naran diagnostiku,” relata Merico Akara ba jornalista sira iha Palacio Governu, Segunda (02/07).

Mericio akara hateten, VIII Governu konstitusional ne’e, sei haree ba programa Governu nian ba tinan lima.

Nia haktuir, instiuisaun ida atu la’o ba oin ne’e, makina internal kada instituisaun ne’e, tenki funsiona diak, diretur ho nia membru sira tenki servisu professional, tau interese Estadu no Governu iha oin, no labele iha kor partidu.

“Ita tenki servi ho total, labele hanoin tun sa’e fali. Iha tempu badak sei hasoru mós media nain sira, atu rona sira nia hanoin ka sira nia proposta ba tinan lima ne’e, ita atu halo oinsa, tanba iha VIII Governu ne’e, espiritu kolaborasaun ne’e, ita atu dezenvolve,” relata Mericio Akara.

Lee hotu :   Ahi han motuk uma rua ho transporte

Nia afirma, prioridade SEKOMS nian seluk ba loron 100 mak, sei haree aspeitu legal sira hanesan lei, atu hatene esforsu saida mak durante ne’e la’o, no la’o to’o iha ne’ebé ona.

“Keta presiza revizaun ruma, ita sei halo iha fulan rua tolu ne’e nia laran, para ba oin ne’e servisu tuir baze legal no regulamentu saida mak iha ona,” katak Akara.

Durante loron 100 nia laran ne’e mós, Mericio Akara sei haree kontratu kooperasaun sira ne’ebé mak la’o hela, atu hatene kontratu ne’e halo ho se, hodi hatene nia progresu no dezafiu, hanesan foin lalais Xina mai update kontratu sistema digitalizasaun ba sistema televizaun sira iha Timor Leste.

“Ikus liu mak ita sei haree ita-nia rekursu umanus ne’ebé mak iha, para beban servisu balu keta aumenta karik, ita tenki hakman, tanba polítika ita nia agora ne’e, ita tenki sai fontes principal entre Estadu, Governu ho povu, li-liu sei fó porsaun maka’as ba komunikasaun ba povu iha área rural, para sira mós bele hetan informasaun diak hanesan povu iha kapital Dili,”katak Mericio Akara.cos

Add to Comments Here!!!!

error: Content is protected.
Secured By miniOrange
You might also like:
TATOLI HUSU APOIU POLÍTIKA BA GOVERNU

Prezidenti Konsellu Administrativu Ajensia Notisioza Timor-Leste...

KONTESTA AMP HARII BANKADA KETAK, TRIBUNAL HEIN REKURSU FRETILIN

Tribunal Rekursu (TR) to’o agora hein...

KONFRONTU IHA BEMORI, REZULTA EMA 8 KANEK NO UMA 4 RAHUN

Konfrontu entre juventude Bemori 1 no...

Close