JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR simu kargu nu’udar patronu UNE-TL

PR simu kargu  nu’udar patronu UNE-TL

Prezidente Repúblika (PR), Francisco Guterres ‘Lu Olo’ deklara, nia simu ona kargu nu’udar patronu   Uniaun Nasional Eskuteiru Timor Leste (UNE-TL), hanesan onra, orgullu ho esperansa katak, sei haburas liu tan organizasaun ida ne’e ba oin.

“Haree ba estatutu no prátika to’o ohin loron,  ita bele dehan katak UNE-TL, haktuir prinsipiu hakoak ema hotu, la taka dalan ba ema mai husi ne’ebé de’it,  husi rasa ka fiar ne’ebé de’it, mane ka feto. Espíritu nakloke ba ema hotu katak, la hases ka fihir ema ida, haktuir artigu  16 Konstituisaun RDTL nian, nune’e guardiaun ba lei inan, ha’u senti laran haksolok tebes katak UNE-T, bolu ba nia a’an responsabilidade ba haklean koñesimentu  eskuteiru sira nian, kona-ba direitu, dever no oportunidade hanesan ba sidadaun hotu-hotu, iha Timor Leste,”  hatete PR Lu Olo liu husi  nia diskursu Tersa (11/09/2018), iha Palasiu Prezidensial Nicolau Lobato, Bairo Pite, Díli.

Lu Olo haktuir, UNE-TL sai mos ajente edukador ida husi Sosiedade Sivil ne’ebé ajuda família, eskola no konfisaun relijioza  sira hanorin sentidu justisa no igualidade ba jerasaun foun sira, atu lori nasaun ne’e ba oin ho responsabilidade ne’ebé hatur iha Konstituisaun RDTL.

Haree ba Rezolusaun Governu nomor 25/2015,  loron 29 fulan Jullu,  ne’ebé rekoñese husi Uniaun Nasional Eskuteiru Timor Leste, nu’udar organizasaun únika, harii iha tinan 2005, hodi haburas joven sira,  nu’udar sidadaun responsavel, atu haree mos ba estatutu no lalaok  oi-oin, no persistente tinan ba tinan.

“Ha’u simu kargu nu’udar patronu UNE-TL, ho onra,  orgullu, ho esperansa katak ita sei haburas liu tan organizasaun mahon ida ne’e, iha ha’u-nia mandatu  nu’udar Prezidente Repúblika, nu’udar Patronu  UNE-TL, ha’u sei buka fo tulun ba organizasaun ne’e, tuir  dalan oinsa de’it, no promove organizasaun ne’e iha rai laran no rai liur,”dehan PR Lu Olo.

Lee hotu :   Igreja husu Governu rehabilita Igreja Sagradu Kurasaun de Jesus-Baucau

Iha fatin hanesan,  Prezidente UNE-TL, Idelta Maria Rodrigues, hatete, iha serimonia ne’e  atu bele fo tan kbiit ba estrutura tomak, atu bele hametin, haforsa no haburas valor no partisipa ativu atu servi hodi muda hahalok direta ka indireta, hodi halo promosaun ba foinsa’e sira atu hakirbi violensia no kria paz no estabilidade ba nasaun RDTL.

“Ami fiar katak, Prezidente Repúblika nu’udar patronu sei suporta UNE-TL hodi fortifika iha nivel nasional no mos internasional, nu’udar patronu, aman, no mos maun ba UNE-TL,”hatutan Idelta.Oly

Add to Comments Here!!!!

error: Content is protected.
Secured By miniOrange
You might also like:
FDN deklara apoia VIII Governu

Portavoz Frenti Dezenvolvimentu Nasional (FDN), Hermenegildo...

Auditoria ba ZEESM remata ona, TC sei notifika autoridade RAEOA

Prezidenti Tribunal Rekursu (PTR), Deolindo dos...

OJE 2018 iha ona PR Lú Olo

Atu responde la-lais funsionamentu mákina Estadu...

Close