JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu soe bebe “buras” Isabel Fereira: “Uniku dalan maka Fiar”

Kazu soe bebe “buras” Isabel Fereira: “Uniku dalan maka Fiar”

Koordenadora Casa Cidadania, atual Espoza Primeiru Ministru, Isabel Ferreira, hatete, uniku dalan atu kombate kazu soe bebeik ne’ebe maka dadaun ne’e buras iha Timor-Leste maka fiar, tanba ho fiar maka habrani an hodi hasoru tentasaun hotu. 

“Ita triste tebes rona kazu soe bebe bebeik iha ita nia rain, la’os primeira ves, tinan barak ita rona, li-liu iha tinan ida ne’e fulan Setembro iha kazu hanesan ne’e dala rua, hanesan timoroan senti triste, maibe atu kombate situasaun ida ne’e dalan seluk laiha so iha deit maka fiar, hau sempre dehan normalmente problema sira ne’e sempre mosu ba inan sira, lakon esperansa, tanba laiha fiar, entaun hili dalan simples, oho nia bebe ou nia soe nia bebe tanba nia tauk no moe,” hateten Isabel Fereira ba Jornalista sira iha Salaun Ministeriu Agrukultura e Pescas (MAP), Comoro, Dili, Kinta (04/10/2018).

Ba kestaun ne’e, Isabel Ferreira husu ba Estado no Igreja atu halo kampaña ida hodi sensibiliza ba sidadaun hotu hodi hametin fiar.

“Hau hanoin ida ne’e importante tebes ba Estado no Igreja para bele halo kampanha sensibilizasaun ba sidadaun hot-hotu li-liu atu hametin sira nia fiar. Tanba ema ne’ebe iha fiar prontu no brani atu infrenta no ultrapassa dezafiu sira hot-hotu. Jovem feto sira dala barak monu ba tentasaun no hili dalan fasil tanba sira nia fiar fraku, ne’ebe ba ida ne’e la’os ho lei maka rezolve, no la’os Estado nia responsável deit, maibe mos família li-liu inan aman sira atu akompanha oan sira,” dehan Isabel Ferreira.

Isabel Ferreira mos afirma, relasiona ho kazu soe bebe, sociedade labele fo sala deit ba feto, tanba iha relasaun entre feto no mane maka iha bebe.

Lee hotu :   LUCAS DA COSTA: IMPASSE POLÍTIKA AFETA BA VIDA MORIS POVU KI'IK

Problema soe bebe la’os fo sala ba feto ka mane, feto kous tanba iha relasaun entre feto no mane, entaun responsabilidade ne’e kabe ba nain rua, tanba ne’e maka labele fo sala deit ba Feto. Hanesan mos feto fo hanoin ba malu, ne’ebe labele hanoin katak igualdade jenero ne’ebe haluha tiha papel ida ne’ebe importante hanesan jestores no edukador ita presiza proteje ita nia an husi tentasaun hot-hotu, proteje liu husi fiar, tanba fiar maka sai hanesan anjo da guarda, fiar maka sai hanesan seguransa hodi infrenta buat hot-hotu,”subliña Isabel Fereira .

Isabel Fereira mos dehan, meuis ida maka ba feto maluk sira ne’ebe maka kous laiha dalan ona ba sira, dalan uniku mak lori ba orfonaru sira hodi assegura.

“Hau hanoin labele uja nafatin razaun ida katak kiak, laiha kondisoens maka halo bebeik sala, kontinua bebeik mos sala. Husu ba inan sira atu akompanha sira nia oan ho didiak, labele uja problema ekonomia hodi justifica buat hot-hotu atu la fo atensaun ba oan sira. Jovem feto sira agora iha oportunidade barak hodi hadia futuru,” dehan nia.

Entretantu iha loron 8 Agostu 2018 komunidade hetan bebé ida ho kondisaun mate, ne’ebe soe husi ema deskonhesidu iha aldeia Bekusi-kraik suku Bekora, Postu Administrativu Kristu-rei, Munisípiu Dili. Nune’e mos iha kuarta (05/09/2018) PNTL hili mos bebé feto ida iha lixu fatin iha Aldeia Markoni 04, suku Fatuhada, Postu Administrativu Dom Alexio, Munisípiu Díli, no iha Segunda (01/10/2018) Polisia Forensik hili tan bebe ida ho identidade feto iha Comoro ho kondisaun mate. mia

Add to Comments Here!!!!

error: Content is protected.
Secured By miniOrange
You might also like:
Ahmad Alkatiri fo indeminizasaun ba uma – kain 34

Ahmad Amude Alkatiri fo kompensasaun uma...

Seidauk le dokumentu sosa asaun ConocoPhilips • Ramos Horta la fo komentariu

Eis Prezidente Repúblika, José Ramos Horta,...

Governu laiha razaun blokeia orsamentu ba ZEESM

Primeiru Ministru (PM), Taur Matan Ruak,...

Close