JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La fó kontratu, Traballador greve hasoru kompañia When Enterprise

La fó kontratu, Traballador greve hasoru kompañia When Enterprise

Traballador sira ne’ebé durante ne’e hakna’ar-an iha kompañia When Enterprise, halo asaun greve hasoru kompañia refere, tanba tinan barak ona sira servisu laiha kontratu, no kompañia hatu’un sira-nia saláriu laiha justifikasaun.

Reprezentante  Traballador kompañia When Enterprise, Tomas dos Santos hateten, sira halo asaun greve hasoru kompañia refere, tanba hakarak husu esplikasaun lolos ba  na’in komapañia kona ba sira-nia estatutu, no tanba saida mak mak hatun sira-nia saláriu laiha ejustifikasaun.

“Ami halo greve ne’e tanba, iha ne’e ami  servisu durante tinan barak ona, ha’u rasik servisu kuaze besik tinan 9 ona, ami  servisu durante ne’e ami nia osan mós la hasa’e, depois kona ba kontratu mai ami mós laiha, ha’u rasik osan sa’e tiha duni,  maibé to’o ikus hatun osan ne’e, lahalo esplikasaun mai ha’u, kuaze fulan ne’en ona”, relata  Tomas ba Jornalista GMN, Segunda (01-04-2019) iha área Beduku Suku Tibar.

Nia haktuir, dadaun ne’e mós seidauk iha esplikasaun klaru kona ba saláriu traballador sira nian, tanba sira nia hakarak hasa’e sira-nia saláriu, depois sira tenki hetan kontratu atu nune’e sira bele hatene lolos sira-nia saláriu iha kontratu ne’e hira, hodi nune’e traballador sira labele konfuzaun.

“Ami sira ne’ebé sevisu iha kompañia ne’e, ha’u iha mesin fatuk, balun kondutor, lalin blok, no kondutor ba loder no seluk tan” relata Tomas.

Alende ne’e, reprezentante kompañia When Enterprise, João Cabral Soares hateten,  saláriu ba traballador sira ne’e la’o hela, maibé deskrisaun saláriu  ne’e mak la klaru hodi kria konfuzaun.

“Ha’u hanoin ko’alia kona ba ezijensia sira seluk, hanesan ema jurídiku  ba  kompañia refere, ha’u lakohi dehan, tanba ema jurídiku kuandu rezolve problema, nia família uma laran mós labele hatene, tanba segredu justisa. Kona ba kontratu ne’e failansu jurídiku, traballador sira balun aprezenta kartaun eleitoral, no balun la aprezenta, ida ne’e hanesan failansu ne’ebé bele hadia”, esplika João.

Lee hotu :   Suku Madohi halo seremonia ritual ba paz

Nia esklarese, kompañia prontu koopera hodi bele hadia  failansu sira ne’e,  tanba kompañia la hanoin atu halo violasaun kona ba ema nia direitu.

“Atu komete  iregularidade ka, komprimentu da lei ka, ida ne’e la’os kualker ema individu ida atu bele interpreta kompañia, ida ne’e halo infrasaun no iregularidade, maibé ne’e so kompetensia Diresaun Ispektor  Jeral Traballu  mak bele halo sansaun ba kompañia”, katak João.oly  

Add to Comments Here!!!!

error: Content is protected.
Secured By miniOrange
You might also like:
DIA 1/04/19 || GMNTV LIVE STREAM || JORNAL NASIONAL KALAN

DIA 1/04/19 || GMNTV LIVE STREAM || GRANDE ENTREVISTA/SENTIDU DO ESTADO BA INTERESE NASIONAL

DIA 1/04/19 || GMNTV LIVE STREAM || JORNAL AS 12

Close