JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM orienta MAE hadia sistema bee moos ba komunidade área rural

PM orienta MAE hadia sistema bee moos ba komunidade área rural

Primeiru Ministru (PM) Taur Matan Ruak, fó orientasaun ba Ministériu Administrasaun ESTATAL, atu hadia sistema bee moos ba komunidade sira iha área rural.

Ministru Interinu Administrasaun Estatal (MAE), Abilio Julio Caetano hateten, enkontru entre ne’ebé halo ho  Primeiru Ministru iha Palásiu Governu ne’e, ko’alia liu kona ba oinsa  MAE  bele servisu hamutuk ho ministériu relevante sira, hodi hadia sistema bee moos ba komunidade iha área rural, tanba bee moos hanesan nesesidade báziku ne’ebé mak entidades hotu iha direitu atu asesu.

“Ohin Primeiru Ministru fó orientasaun ba ami para oinsa servisu hamutuk ho ministériu relevante sira, atu hadia sistema bee moos ba área rurais. Ohin Primeiru Ministru fó orientasaun ida ba ami sobre rezervatóriu F-FDTL nian iha Metinaro, ne’ebé ohin Primeiru Ministru husu atu oinsa iha nivel Suku mós halo rezervatóriu, ida ne’ebé mak bo’ot para bee ne’e mai ita rezerva barak hela,  nune’e kuandu to’o iha situasaun krize ida, ita hein bee ne’e iha nafatin, ida ne’e mak ohin PM orienta ami atu haree ida ne’e”, informa Abilio José Caetano ba Jornalista sira, hafoin hasoru malu ho Primeiru Ministru iha Palásiu Governu Segunda(15/7/2019).

Abilio José Caetano haktuir, iha enkontru ne’e, Xefe Governu mós husu ba Ministério Administrasaun Estatal  atu haree sistema habitasaun no fó apoiu agrikultura ba kbi’it laek sira, hadia estrutura munisipal no seluk tan.

“Iha asuntu importante lima mak Primeiru Ministru orienta ami atu haree, ida mak hadia sistema bee moos ba komunidade iha área rurais, tuir mai mak husu ba ami atu haree mós sistema habitasaun, maibé habitasaun ne’e ohin Primeiru Ministru hatete,  tenki  koordena ho Ministério Obras Públikas, atu bele haree, tantu iha nível sidade no mós iha nivel área rurais, ne’ebé antes ne’e Ministru Obras Publiku ko’alia tiha ona katak, tenki halo apartemen iha nível sidade nian, maibé ohin Primeiru Ministru husu para oinsa ita hadia sistema habitasaun iha área rurais, liu –liu ba ema kbi’it laek sira ”, relata  Abilio Caetano.

Lee hotu :   Kontrola osan Estadu, Governu Sentrál sei instala GRP iha RAEOA

Tuir Abilio, antes ne’e programa habitasaun hala’o ona, ne’ebé hanaran MDGs, maibé realidade balun abandona to’o aat.  Tanba ne’e  Xefe governu ne’e husu ba MAE atu hadia sistema habitasaun ne’e ho di’ak liu tan, nune’e uma ne’ebé mak halo komunidade labele abandona, maibé tenki uza duni.

“Uluk iha programa ida MDGs, mas ida ne’e balun ita-nia populasau uza, mas maioria mak la uza tanba parese ita-nia populasaun sira hakarak modelu uma ida ne’ebé mak halo ho bloku”, Governante ne’e esplika.

Abilio Caetano afirma, alende hadia sistema bee moos ba komunidade área rural no habitasaun, iha mós asuntu impportante seluk ne’ebé mós Xefe Governu ne’e husu husu atu MAE tenki  haree mak hanesan, apoiu agrikultura ba komunidade kbi’it laek, rekrutamentu  funsionáriu ba estrutura Munisipal no seluk tan.

“Terseiru mak, Primeiru Ministru husu atu MAE halo proposta ida ba governu para halo deskonzelamentu rekrutamentu para governu bele hadia estrutura municipal, liu-liu ba rekursus humanus, tantu entermus kualidade ho kuantidade ne’ebé Primeiru Ministru husu para ita labele inves piramida ne’ebé iha leten bele ki’ik, maibé iha kraik ita bele estende estrutura ida ne’ebé mak naton para bele fó atendimentu ne’ebé mak di’ak ba komunidade, tantu iha nível Munisípiu no mós iha nível Postu Administrativu, tanba ne’e mak ohin Primeiru Ministru husu atu rekrutamentu ne’e ita halo planu orsamentu, no presiza ema na’in hira, ne’ebé karik aprova rekrutamentu ne’e  la’os de’it ba Nasionál, maibé  mós ba nível Munisipal, ne’ebé ami halo ona klarifikasaun ba Primeiru Ministru,  karik governu rekonzela duni rekrutamentu, la’os ba de’it nasional, maibé ba nível munisipal no Postu Administrativu ita bele halo rekrutamentu ba 2019, maibé implementasaun foin iha 2020”, katak  Abilio Julio Caetano.

Lee hotu :   Simitériu Garden of Rememberance Australia sai referensia ba TL

Governante ne’e informa, hadia sistema bee moos ba komunidade área rural sei sai hanesan programa prioridade Ministériu nian, tanba bee moos hanesan nesesidade báziku ba ema nia moris loron-loron.ola

Add to Comments Here!!!!

error: Content is protected.
Secured By miniOrange
You might also like:
Arão Noe : Atu estende mandatu prezidente autoridade RAEOA kompetensia governu

Prezidente Parlamentu Nasionál (PPN), Arão Noe...

DIA 15/07/19|| GMNTV LIVE STREAM || JORNAL NASIONAL KALAN

DIA 15/07/19|| GMNTV LIVE STREAM || Grande Entrevista || Instabilidade Tamba Arte Marsiais

Close