JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Singapura apoia ona Timor-Leste tama ba ASEAN

Singapura apoia ona Timor-Leste tama ba ASEAN

Ministru Negósiu Estranjeiru no Kooperasaun, Dionísio Babo Soares, hatete, nasaun Singapura apoia ona Timor-Leste atu bele adere ba ASEAN (Association of South East Asian Nations), iha ne’ebé antes ne’e, governu SINGAPURA dúvida maka’as los katak, Timor-Leste seidauk iha preparasaun diak hodi adere ba ASEAN.

Jornalista GMN, Ferdy Soares, husi Singapura, hato’o reportajen katak, iha Tersa (9/7/19), diplomata Timor-Leste ho delegasaun  hasoru malu ho Ministru Negósiu Estrajeiru, Vivian Balakrishnan, iha Singapura hodi partilla informasaun ba malu. Durante sorumutu ne’e, governante ne’e esplika ba governu Singapura katak  Timor-Leste iha kondisaun mínimu atu bele hola parte iha ASEAN.

Nune’e Timor-Leste sai  membru organizasaun ASEAN la’os atu fo todan ba ASEAN  maibe sei kontribui.

iha loron hanesan oras diferente, governante ne’e hamutuk ho nia ekipa embaxada Timor-Leste iha Singapura ne’ebé akomapaña husi enkaregadu negósiu konsilleiru,  Licinio Branco, kontinua ba Palásiu Singapura hodi hasoru mós Primeiru Ministru, Lee Hsien Loong, iha ne’ebé xefe governu ne’e mós fo nia apoiu tomak ba Timor-Leste hodi sai hanesan membru orrganizaun ASEAN.

“Ha’u kontente tanba Singapura ne’ebé uluk hatete katak sira seidauk preparadu atu simu Timor-Leste, agora hatete katak, sira laiha objesaun ona. Ha’u esplika ba sira katak Timor-Leste iha kondisoens mínima atu bele sai bele sai membru organizasaun ida ne’e nian, Timor sei kontribui no sei la fó todan ba iha ASEAN. Tanba ne’e pozisaun Singapura nian, sira hein deit rezultadu fact finding. Ekipa ida ba ne’e mak mai fó rezultadu no objetivu, sira sei fó apoiu ou resposta pozitiva hotu tuir desizaun fact finding ne’ebé sei mai. Ne’e hanesan progresu ida, progresu tanba durante ne’e nasaun hotu iha ASEAN ne’e hakarak atu ita tama, maibe Singapura mak sempre hanoin dala ru-rua tanba sira haree husi parte ekonomia nusa? Iha vantajen ka lae? Iha desvantajen ka lae? Sira mos hakarak katak ita-nia país neé tenki forte institusionalmente no mos forte iha kapasidade iha kapital umanu nian, iha razaun. Ho aseitasaun pais sira ne’e hotu kedas, no ne’e fó tan insentivu ba ita Timor para bele servisu liu tan, liu-liu investimentu iha area ne’ebé importante mak hodi apoia ita-nia adezaun ba ASEAN, ne’ebé sei lori mos retornu ekonómiku barak ba ita”,hatete Dionísio Babo Soares, ba Jornalista GMN iha Singapura.

Lee hotu :   PR Lú Olo halo kampaña nasionál kuda ai-oan

Iha fulan setembru, tinan ne’e,  ekipa ida fact finding husi ASEAN sei mai Timor-Leste atu halo avaliasaun ba pillar polítika seguransa nian.

Ekipa ne’e fila ba ho rezultadu diak nasaun Singapura sei fo resposta pozitivu tuir desizaun ne’ebé maka iha.****

Add to Comments Here!!!!

error: Content is protected.
Secured By miniOrange
You might also like:
PN haruka ona alterasaun lei RAEOA ba PR

Prezidente Parlamentu Nasionál (PPN), Arão Noe,...

CPLP na GMN edição 8 de Julho de 2019

CPLP na GMN edição 4 de Julho de 2019

Close