JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranu Osório ‘Mausoko’ : Labele fahe unidade Xanana – Lú Olo – Alkatiri -Taur

Veteranu Osório ‘Mausoko’ : Labele fahe unidade Xanana – Lú Olo – Alkatiri -Taur

Veteranus Rezistensia  Munisipiu Covalima husu ba  lider joven partidu politiku sira iha Parlamentu Nasional no joven sira ne’ebé foin aprende halo politika atu lalika soran no fahe lider rezistensia, Kay Rala Xanana Gusmão no Fransisco Guterres Lú Olo, Taur Matan Ruak no Mari Alkatiri hodi haree malu la di’ak.

Veteranu nee lamenta iha média sosial facebook joven foin sa’e halo  insulta ataka lider sira nu’udar asaun ida ne’ebé la edukativu no la merese atu hatudu ezemplu la di’ak ba lider sira.

“Ami preokupa tebes ita nia joven sira liu –liu iha Parlamentu Nasionál labele selok malu too insulta ita nia lider sira, imi labele halo hanesan ne’e, tanba iha tempu rezistensia ami (veteranus) sira ne’e maka subar Maun Xanana, Maun Lú Olo no ita nia lider sira seluk,” dehan Reprezentante Veteranu Osório ‘Mausoko’ durante hala’o dialogu ho Prezidente Repulika, Fransisco Guterres Lú Olo iha salaun enkontru Feto Santa Rosa, Munisipiu Covalima, Sesta (28/06/2019).

Veteranu sira husu atu lider politiku sira hanesan, Xanana Gusmão, Taur Matan Ruak, Francisco Guterres Lú Olo no Mari Alkatiri no lider sira seluk tan tenki kria unidade hodi bele hanorin no eduka politika di’ak ba joven foin sa’e.

Veteranu Osório dehan, iha palku politika, mezmu lider diferenta iha partidu no kritika malun iha palku politika nu’udar parte husi demokrasia ida, no importante liu bainhira hasoru malu iha kualker fatin sira hatudu oin midar ba malu ho unidade hanesan iha tempu rezistensia.

Iha fatin hanesan, Prezidente Republika, Francisco Guterres Lú Olo dehan to’o ona tempu atu lider sira servisu hamutuk hodi kria planu integradu ne’ebé bele halibur ideia matenek hodi buka rezolve problema nasaun no lori povu sai husi mukit.

Lee hotu :   PN sei altera lei tolu antes ratifika FM

“Ami nu’udar lider politikus iha responsabilidade bo’ot atu halo politika di’ak rezolve ita nia nasaun, ita nia povu nia problema sai hanesa servisu boot ida ne’ebé ita maka tenki hamutuk atu halo ida ne’e tuir votus no konfiansa ne’ebé povu fo ona ba ami,” dehan, Xefe Estadu ne’e.

Prezidenti Repúblika hatutan liutan katak, kompromisiu iha luta ba rezistensia maka atu hadia povu nia moris, kompromisiu ida ne’e lider politiku hotu- hotu tula iha sira nia kabas hanesan todan boot ba konfiansa ne’ebé povu fó ba sira liu husi festa demokrasia eleisaun jerál kada tinan liman hodi hili paritidu ida kaer ukun no lider uza oportunidade ukun atu haree no hadia povu nia moris nu’udar interese aas liu buat hotu- hotu.

Xefe Estadu ne’e mós husu ba veteranus sira labele fahe malu tanba de’it kór politika no hadau malu projetu eletrisidade hodi halo povu sira sofre moris iha nakukun nia laran.

Prezidenti Repúblika hatene iha Covalima, veteranu balun tanba  de’it hadau malu projetu sira husik hela sira nia resposanbilidade morál nu’udar luta atu tau matan ba problema sosial ne’ebé povu sira hasoru iha área edukasaun, saúde, bee moos, estrada aat, no eletrisidade ne’ebé seidauk dada hodi lakan iha povu nia uma.

Dialogu aberta iha Munsipiu Covalima ba dala rua hafoin dialogu aberta Prezidente Republika iha Munisipiu Viqueque. Programa Prezidente Republika koalia ho povu nee kada fulan rua – rua ba Munsipiu 12, inklui Rejiaun Administrativa Espesial Oecusse- Ambeno. Eus

Add to Comments Here!!!!

error: Content is protected.
Secured By miniOrange
You might also like:
Naimori husu PR ho PM promove diálogu

Konsilleiru Maximu Partidiu KHUNTO, José dos...

PR Lú Olo husu Governu atu hadia fali auto estrada nebe aat

Prezidente Republika, Francisco Guterres Lú Olo,...

DIA 30/06/19 || GMNTV LIVE STREAM || JORNAL NASIONAL KALAN

Close