JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Timor-oan hotu tenke respeita desizaun Tribunal

PR Lú Olo: Timor-oan hotu tenke respeita desizaun Tribunal

Prezidente Repúblika (PR), Francisco Guterres Lú Olo, husu ba Timor-oan hotu atu respeita konstituisaun Repúblika Demokratika Timor-Leste no hakrúk ba desizaun Tribunal.

PR Lú Olo apela nia mensajen ofisial ne’e relasiona ho intervensaun personalidade públika, membru governu nian, ajentes administrasaun públika no Polisia Nasionál Timor-Leste (PNTL) relasiona ho akontesementu balu iha Portu Tibar foin lalais.

Xefe Estadu Timor-Leste, Lú Olo deklata katak, prezidente núdar simbolu unidade nasionál, nia iha dever koalia momos no lolos ho kbi´it konstituisaun, ho dever kaer metin estadu tomak no tau matan ba instituisaun demokrátika sira nian lala’ok, tuir konstituisaun haruka.

“Akontesementu sira ne’ebé foin fó-sai ba ita hotu liu husi meius komunikasaun sosiál, liliu husi televizaun, hatudu katak ita nian membrus governu, ajentes administrasaun públika no membrus PNTL la hatuir regrás ne’ebé ita hatúr ba ita nia isntituisaun estadu sira konaba diresaun polítika, komandu no administrasaun. Nune’e sira la hatuir konstituisaun no lei sira ne’ebé ita hametin ona ba ita nian Estadu. Deklarasaun sira ne’ebé foin sai liu ba, hatudu katak iha intesaun atu la tuir desizaun ida husi tribunal,” hateten prezidente repúblika iha palasiu prezidensiál Bairo Pite Nicolao Lobato, Díli, Sesta (13/09/2019).

Xefe estadu núdar mos eis gerileiru, Lú Olo, hateten liu tan katak, akontesementu sira ne’e hatudu momos katak parte seluk ida tama iha klaran tanba sente katak iha kbít atu rezolve konflitu ida ne’ebé mosu entre parte privadu rua ne’ebé iha kontratu ka relasaun negósiu. Maibe Estadu Timor-Leste iha ona regras ba kontratu negósiu no prosedimentu ba rezolve konflitu. Bainhira problema ruma mosu, parte interesada sira bele husu ajuda husi Tribunal, núdar instituisaun Estadu ida ne’ebé hatene regras konaba kontratu negósiu no oinsa hakotu konflitu.

Lee hotu :   Ramos Horta fó kondolensia ba vítima Sri Lanka

Tuir prezidente repúblika, Lú Olo katak, faktus no deklarasaun sira ne’ebé foin fó sai liu husi televizaun hatudu situasaun ida ho implikasaun todan oioin ba Estadu Timor-Leste.

“Haré ba akontesementu sira ne’e, ita presija hanoin klean oinsa hametin nafatin uidade no regras atuasaun ba instituisaun Estadu sira. Ita hotu tenke respeita no iha dever atu hakruk ba desizaun sira ne’ebé husi tribunál judisial sira,” deklara xefe estadu Timor-Leste, Lú Olo.

Prezidente Reúblika, Lú Olo apela nian mensajen ida ne’e ba sidadaun hotu iha Timor-Leste, tuir kbít ne’ebé konstituisaun fó ba nia, núdar prezidente repúblika liu husi artigu 74 no 86 alinea e.

“Hau haklean ba maluk sira hotu katak, tuir artigu 117 konstituisaun RDTL, Señor primeiru ministru mak diresaun polítika no administrativa no koordena mos Mimistru sira nian knár. Ministru ida ninia knár mak hala’o polítika no lei sira ne’ebé aplika ba ida-idak ninia ministériu. Ministru justisa, por ezemplu, kaer nia knár ba area justisa no terras e propriedades, tuir artigu 117 konstituisaun RDTL haruka,” esplika PR, Lú Olo.

Prezidente Repúbliak mos haklaken ba maluk sira katak polisia tenke defende legalidade demokrátika, proteje sidadauk no empreza sira nian direitu, no nomos sira nian propriedade, no tenke kumpri no garante katak hotu-hotu kompri desizaun ne’ebé hatún husi tribunal sira. Hotu-hotu tenke hakrúk ba konstituisaun RDTL, liliu artigu 118, 119 no 121 ne’ebé refere ba tribunál sira.

“Artigu 118 hateten, Tribunal sira mak órgaun soberania ho kompetensia atu hala’o justisa hodi povu nia naran no desizaun ne’ebé tribunal sira fó ona tenke halo tuir duni no soi kbít às liu desizaun autoridade sira seluk. Artigu 119 no 121 hateten, tribunal sira no juiz sira independente no sira sei halo tuir deit lei inan no lei oan sira haruka,” esplika PR Lú Olo.

Lee hotu :   PNTL Baucau iha ona kamera CCTV

Prezidente Repúblika, Lú Olo esplika liu tan katak, bainhira parte ida la simu desizaun ruma husi tribunal, bele husu atu haree fila fali (husu rekursu) tuir regras prosedimentu ne’ebé hatuur ona iha sistema justisa.

“Interese nasionál no interese públiku hatur tuir lei sira ne’ebé ita ona liu husi orgauns Estadu no Administrasaun púb no mos tribunal kompotente sira.  Ita tanen interese nasionál no interese públiku ho prosedimentu sira ne’ebé hatur tuir lei sira, la’os ho asaun husi ema i da ka grupu ida, iar lori mos ajentes instituisaun Estadu nian,” haklean PR, Lú Olo.

“Hau apela ba maluk sira hotu atu ita hotu proteje no haree hamutuk oinsa hadi’a liu tan funsionamentu ba ita nia Estadu de Direitu Demokrátiku, atu bele sai efikáz no kompetente liután, tuir lei sira ne’ebé ita hatúr ona ba ita nia istituisaun sira no liliu ba tribunal sira,” apela PR; Francisco Guterres Lú Olo.*/Ito

Add to Comments Here!!!!

error: Content is protected.
Secured By miniOrange
You might also like:
Vise Prezidente DPR-RI vizita PN Timor-Leste ■ PPN Arão: Relasaun RI-TL bele reforsa ekonomia

Prezidenti Parlamentu Nasional (PPN), Arão Noe,...

Dia 13/09/2019 || GMNTV LIVE STREAM || JORNAL AS 12

Falur husu membru F-FDTL tenki hatudu disiplina

Reprezentante Xefe Estadu Maior Jeneral Forsa...

Close