JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisaun F PN fiskaliza lokal inséndiu iha Ermera

Komisaun F PN fiskaliza lokal inséndiu iha Ermera

Reprezentante povu iha uma fukun Parlamentu Nasional (PN), liu-liu komisaun F ne’ebé trata asuntu saúde, seguransa sosial no igualdade jéneru, foin la-lais ne’e hala’o fiskalizasaun ba fatin akontesimentu inséndiu, ahi-han uma no anin sobu uma iha munisípiu Ermera.

Fiskalizasaun ne’e deputadu sira husi komisaun F PN halo ho intensaun observa direta kondisaun família vítima sira, inklui haree direta fatin inséndiu.

“Komisaun F mai halo fiskalizasaun iha fatin ínsendiu ne’e, hodi haree direta kondisaun vítima ahi-han uma no anin sobu uma, prezensa komisaun F importante tebes, oinsa atu hatutan halerik vítima sira ni’an ba governu hodi tau matan”, Vise Prezidenti komisaun F PN, Noe da Silva Ximenes “Buka Tuir” ba jornalista sira iha munisípiu Ermera, Kuarta (16-10-2019).

Noe Ximenes esplika, ho situasaun no realidade ne’ebé mak membru komisaun F PN haree, sei hato’o ba governu, liu husi ministériu kompetente atu tau matan.

“Hanesan moto Oitavu Governu Konstituisional hateten, labele husik ema ida iha kotuk, nune’e, prezensa ami ni’an iha fatin ida ne’e importante tebes, hodi follow up ínsendiu ne’ebé akontese ba governu”, tenik Vise Prezidenti komisaun F PN ne’e.

Xefi suku Leimea Leten, munisípiu Ermera, José de Araújo, hateten, ho inséndiu ne’ebé mak akontese foin la-lais ne’e, halo komunidade sai vulnerável tebes, ne’ebé presiza intervensaun urjenti husi governu.

Agradese mós ba fiskalizasaun ne’ebé komisaun F PN halo, tanba bele rona no haree direta kondisaun vítima ínsendiu ne’ebé akontese iha semana kotuk ne’e.

“Ha’u hato’o preokupasaun vítima sira ni’an ba deputadu sira, nune’e sira bele hato’o ba ministériu relevante, oinsa buka solusaun no fó apoiu ba  vitima ínsendiu ho vítima anin sobu uma. Maioria iha postu administrativu Atsabe anin sobu uma ka loke kaleng komunidade sira ni’an, tanba ne’e, ami husu ba deputadu sira oinsa fó hatene ba ministériu relevante sira, atu fó apoiu urjenti ba komunidade sira ne’ebé hetan dezastre iha munisípiu Ermera”, tenik José.

Lee hotu :   PN konkorda reativa GAM ho lei rigorozu ■Tenki organizadu no promove paz

Iha vizita traballu ne’e, reprezentante povu mós hala’o diálogu ho komunidade iha postu administrativu Atsabe, suku Laklo, aldeia Tapomea, postu administrativu Hatulia, suku Ura-Hou, aldeia Manu-Hatu ne’ebé afetada husi inséndiu.

Durante akontese inséndiu iha munisípiu Ermera ne’e, rezulta plantasaun kafé no uma komunidade ahi-han mutuk, enkuantu uma komunidade, edifísiu Estadu, uma lisan no mós eskola sira ne’ebé mak ahi han no anin sobu kuaze 400 resin iha postu administrativu Hatolia A no B, Letefoho no Atsabe. Mya

Add to Comments Here!!!!

error: Content is protected.
Secured By miniOrange
You might also like:
Família fo omenajen ba saudozu Aniceto ho nia oan nain 4

Família husi saudozu Aniceto Pereira, fo...

PNTL kaptura suspeitu Robo AX, deskonfia komete VS hasoru feto grávida

Polísia Eskuadra Cristo-Rei, Munisípiu Díli, detein ...

Governu bandu povu labele uza aifunan plástiku iha finadu

Governu liu husi Sekretáriu Estadu Ambiente...

Close