JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atauro fatin Turistíku, Empresa Para promove tua ‘Vinho’ iha Beloi Beach

Atauro fatin Turistíku, Empresa Para promove tua ‘Vinho’ iha Beloi Beach

Empresa Parras husi Nasaun Portugal ne’ebe produs tua (Vinho) promove ninia tua vinho iha Hotel Beloi Beach, lokaliza iha illa Atauro, Postu Administrativu Atauro, Munisipiu Dilí. tanba haree katak, Atauro nu’udar fatin turistíku atrai ema barak maske dezenvolvimentu iha fatin refere seidauk masimu.

Empresa Parras garante, tua vinho ne’e kapaz no kualidade diak atu ema hemu  akompanha hahan ne’ebe maka halo iha TL.

“Ha’u funda empresa tua, ho naran Parras, iha tinan 1999 hamutuk ho quinta ida no agora ami halo akordu ho quinta sira iha Alenteju, Lisboa no seluk tan, no ami produz tua barak no ami tenke promove iha fatin barak, tan ne’e ami mai iha ne’e tambá iha parseria ho Pateo atu bele explika tua sira ne’ebé ami fa’an, hanesan Pera doce, Castelo do Sul, espumante Fortes no seluk tan. Tan ne’e ha’u mai iha ne’e atu bele hatene difikuldade sira ne’e iha atu bele fa’an ami nia tua sira. Tamba ne’e ami halo eventu sira ne’e hanesan iha Atauro. No Timor ami sente diak los maske dok husi Portugal,” esklarese Fundador Grupo Parras,Luis Vieira, ba GMN foin lalais ne’e iha Atauro, iha serimonia promosaun ba tua Vinho, ne’ebe hala’o iha Hotel Beloi Beach.

 

Fundador Grupo Parras ne’e haktuir tan katak,   ninia vizita mai Timor-Leste ne’e ba dalarua, ne’ebe iha tinan 2013 mai dahuluk, no primeira-ves mai Atauro, no tuir nia haree katak, TL iha mudansa bo’ot iha dezenvolvimentu.

“Ha’u haree mudansa bo’ot no dezenvolve liu tan. Ha’u haree estrada diak liu, organizasaun diak liu tan, no kondisaun diak liu, no mai vizita Timor-Leste ne’e halo ha’u kontente no iha esperansa ba futuru nasaun nian, tambá ha’u mos partisipa iha protestu sira iha Portugal bainhira krizi 1999, ho h’au kontente tebes maske nasaun foun iha mudansa barak ona,”afirma Luis Vieira.

Lee hotu :   Veteranu 2⁰ Guerra Mundial vizita TL ■ PR Lú Olo haksolok

Nia haktuir mos katak, Atauro fatin turistiku ne’ebe maka furak teb-tebes, e fiar katak iha futuru mai Atauro sai fatin ba ema barak atu passa tempu.

“Atauro hanesan fatuk nabilan no osan mean ida iha TL, ne’ebé kapaz tebes. Nia tasi kapaz tebes, no tasi iha Atauro kapaz atu pratika mergullu no bele hare sasan ne’ebé kapaz iha tasi laran. No Atauro bele sai hanesan fatin turistiku ba ema barak, no hamutuk ho Pateo, ema hotu bele mai iha ne’e hemu ami nia tua no hare fatin kapaz hanesan ne’e,” haktuir Luis Oliveira.

Iha fatin hanesan, empresa CEO PATEO, Jaime  Xavier, hateten, atividade promosaun tua refere organiza husi Pateo, Parras, Beloi Beach, hodi halo konvivio iha illa Atauro ne’ebé kapaz hodi bele experimenta produtu sira ne’e.

“Ami gosta halo eventu sira atu hatudu produtu sira ami lori husi Portugal no sira ami fa’an. Ami halo parseria ho empresa Parras,”sublinha CEO Pateo ne’e.

Jaime Xavier hateten, atividade sira ne’ebe maka hanesan hala’o tiha ona barak iha Dili, no hala’o ona mos iha Liquiça, Manatuto, no tuir planu sei halo mos iha fatin seluk, para ema barak bele koñese diak liu tua refere.

“Ami iha planu iha fulan oin ka fulan rua mai, maibé ami atu halo iha Baucau, Aileu. Ne’e importante tebes atu bele promove tua ne’e iha fatin hotu iha Timor. Ami halo barak liu maka iha Dili maibé tenke halo iha fatin sira seluk, tanba tua ne’e diak, ne’e forte no espumante, ne’e diak tebes. No mos tua tintu no mutin ema barak maka gosta. No timor oan barak mak komesa gosta no hemu tua sira ne’e,”haktuir Jaime Xavier.

Lee hotu :   TL apoia millaun USD 1 ba dezastre natural iha Moçambique

Beloi Beach Orgulho

Iha fatin hanesan nain ba Hotel Beloi Beach, Helmia Alkatiri no Neyl Moniz da Silva hatutan, kontenti ho promosaun tua vinho iha sira nia Hotel ne’e.

“Ami mos agradese ba Pateo ho Parras,  tanba primeira-ves ami promove vinho husi portugal,  Ha’u senti ida ne’e oportunidade diak ba Atauro nomos ba Timor-Leste, tanba ne’e sabor laos deit Timor nian, ita nia kultura ne’e mai husi Portugal, ne’e kahur ona. Ne’ebe Portugal mos ami bele promove hotu, husi Timor-Leste ba mundu tomak,” dehan Neyl Moniz da Silva.

Iha oportunidade ne’e nain ba Hotel Beloi Beach ne’e hatutan katak, nia parte ho nia kaben Helmia Alkatiri, loke Hotel iha fatin ne’e, tanba haree katak, fatin refere turistíku ne’ebe maka furak tebes.

“Fatin Atauro ne’e fatin kapas teb-tebes, hanesan ita haree vista ne’e ita la haree iha mundu tomak ne’e uniku. Nomos, ema Atauro mos simu ita ho limanrua, e sira mos prontu atu simu turismu, nomos ita nia natureza dada dunik ema mai, ita halibur tasi nia furak, foho nia furak, no ita adapta diak ho natureza ne’e para hala’o turismu ne’e ba oin,” haklaken Neyl Moniz da Silva.

Nune’e mos Helmia Alkatiri, hateten, vizitantes ne’ebe maka mai Hotel Beloi Beach hodi senti Atauro nia furak ne’e laos deit ema estranjeiru, maibe inklui mos Timor-oan sira.

“Ne’ebe agora ita koalia ba mai turista malai mai 50% Timor-oan 50%. Ne’ebe ami kontenti teb-tebes agora ita nia maluk Timor mos agora mai passa loron iha ami nia fatin, mai han no hemu, ami kontenti teb-tebes. Ate fim hanesan ami nia mehi para kontribui turismu ba Timor ne’e legaliza dunik,”tenik Helmia Alkatiri.

Lee hotu :   Governu inaugura auto estrada Suai-Zumalai ■MOP kongratula inisiativa Xanana

Konaba redimentu Helmia Alkatiri, dehan deit katak, nia parte ho nia kaben agradese ba Maromak, komunidade Atauro no ema hotu nia kontribuisaun ba sira hodi hala’o negosiu Hotel iha Illa Atauro ne’e.

Timor-oan ne’ebe maka servisu iha Hotel Beloi Beach hamutuk nain 15 ne’e laos deit Atauro-oan, maibe inklui mos trabalhador husi Dili, Remesiu-Aileu, Liquiça, Laklubar, no fatin sira seluk. Inklui ema estranjeiru nain ida mak servisu iha fatin refere.

“Ami la haree ema, ami haree husi sira nia skill, se sira servisu diak hakarak servisu iha ne’e, ami simu ho liman rua,” afirma Helmia Alkatiri.

Partisipa iha promosaun tua vinho iha Hotel Beloi Beach organiza husi Empresa Parras, Empresa Pateo, Beloi Beach, ne’epartisipa mos husi autoridade lokal Postu administrativu Atauro, no grupo kantora Atauro nian balu.   Rey

Add to Comments Here!!!!

error: Content is protected.
Secured By miniOrange
You might also like:
Juiz preukupa prokurador menus

Juiz iha Tribunal Distrital Dili preukupa...

Somotxo akuza Fidelis espiaun ba EUA, PLP ezije Governu lori kazu ne’e ba MP

Partidu Libertasaun Popular (PLP),  lamenta ho komentáriu...

Estadu tenki seriu hola pozisaun ba kazu Tiago Guerra ho Chan Fong Fong

Organizasaun Naun Govermental Judicial System Monotoring...

Close