JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konstruksaun rezidensia Prezidente ZEESM afeta ba komunidade

Konstruksaun rezidensia Prezidente ZEESM  afeta ba komunidade

foto:google

Konstruksaun rezidensia ba Prezidente Zona Espesial Ekonomia Sosial Merkadu (ZEESM) iha rejiaun administrativa especial Oe-cusse-Ambeno afeta ba komunidade nia to’os.

“Objetivu atu muda uma kain 6 ne’ebe maka hetan afetadu husi rezidensia Prezidenti autoridade nian momentu sira tama halo levantamentu dadus iha 2010 iha momentu ne’eba hau konsege hasoru Teras propriedade  hatete katak rai ne’e laos rai estadu ne’e hau nia rai”,informa rai nain Jose Tefa  ba GMN iha Oecusse, semana kotuk.

Jose Tefa hanesan rai nain la satisfas ho atitude hirak ne’e konsege  sira  lori to’o ba defensor publiku maibe to’o iha ne’eba sira tenta atu hasoru  halo mediasaun maibe diretor terras propriedade lakohi marka prezensa, nia resposta tuir karta despaixo ne’ebe maka defensor publiku nian.

“Karta ne’e hateten rai ne’e laiha nain, rai estadu maibe sira dehan fali rai ne’e nia nain iha Indonesia hela tanba sira rona fali komanda husi diretor terras propriedade Celestino Casanube  dehan foti rai ne’e hodi administra tiha maibe surat evidensia iha nain ba rai maka rai hela”, haktuir Jose Tefa.

Nia hatutan diretor terras propriedade uza nia kompetensia ne’ebe maka iha no to’o agora nain mos sidauk hetan kompensasaun ruma husi parte ZEESM.

“Sira mai iha ne’e la konsidera ami, la husu dehan se nia  rai ka to’os maka ne’e maibe sira mai okupa deit iha to’os laran ne’e ami kuda aiteka mos bo’ot hotu ona entaun sira mai okupa deit ami nia rai”, preokupa Jose Tefa.

Nunee mos Romanos Selu hanesan mos nain ba rai hatete to’o ohin loron komunidade barak maka hasoru hela problema bo’ot tanba sira mai okupa komunidade nia rai laiha lisensa.

Lee hotu :   Portugal-TL asina PEC iha Lisboa ho montante euro millaun 70

 “ami seidauk hetan indiminizasaun husi sira ka governu maibe sira mai hanesan ameasa deit ami povu kiik hodi hadau no okupa ami nia rai nune’e mos sira la konsidera ami”, hetete Romanos Selu.

Tuir konstituisaun RDTL  artigu 54  kolia kona-ba direitu ba propridade privadu  iha alinea 3 hateten atu hetan eh hasai ema ida nia propriedade privada hodi halo ba uzu públiku  tenke selu indeminizasaun loloos ba sidadaun  tuir lei haruka.

Too notisia nee publika  GMN  tenta atu halo komfirmasaun  Prezidente Autoridade Interino  Região Autonomo Espesial Oecusse Ambeno  maibe la konsege  tamba prezidente  autoridade iha estrageiru. Sis

Add to Comments Here!!!!

error: Content is protected.
Secured By miniOrange
You might also like:
Dom Virgílio espera rekursu GS bele fó servisu ba timoroan

Bispu Diocese Díli, Dom Virgílio do...

Igreja Katólika apoia esforsu Xanana • Gregorio: “Laiha Xanana ita bele susar”

Igreja Katolika Timor Leste hamutuk ho...

JORNAL NACIONAL GMNTV Loron-17 Fulan-Fevereiru Tinan-2018

Close