JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade lokal preokupa ho estrada liga ba sentru votasaun ■PR husu Governu toma atensaun

Autoridade lokal preokupa ho estrada liga ba sentru votasaun ■PR husu Governu toma atensaun


Administrador Munisípiu Liquiça (AML), Domingos dos Santos, husu ba Prezidente Repúblika (PR), Francisco Guterres ‘Lú Olo’, atu tau konsiderasaun ba estrada ne’ebé liga ba sentru votasaun sira iha kada suku iha teritoriu tomak, tanba dau-dauk ne’e akontese dezastre naturais, hodi estraga estrada sira ne’e.

“Iha eleisaun lubuk ida maka ami infrenta iha munisípiu, primeiru problema ne’ebé ami hasoru maka infraestrutura bázika sai hanesan problema, foin dau-dauk dezastre lubuk ida maka afeita, fó impaktu ba estrada sira ne’ebé liga ba sentru votasaun bele sai dezafiu, oinsa atu bele halo transportasaun urnas ba iha sede sentru votasaun, ao mesmo tempo ba iha asesmentu públiku ba fatin sira iha ne’ebá,” AML hato’o ninia preokupasaun ne’e wainhira partisipa diálogu telekonferensia ho PR, iha salaun fundasaun Dioseze Maliana, postu administrativu Maliana, munisípiu Bobonaro, Sesta (23-03-2018).

Nia esplika, tinan kotuk iha munisípiu Liquiça sentru votasaun lubuk ida la to’o, tanba area lubuk ida distansia entre komunidade ba sentru votasaun dook fó impaktu ba eleitor sira atu hola parte.

“Karik iha posibilidade ami autoridade rekomenda tiha ona atu extende tan sentru votasaun ba fatin balun, atu bele fó resposta apropriadu, atu nune’e bele amenta partisipasaun eleitor iha eleisaun antesipada,” tanba ne’e iha tinan kotuk taxa partisipasaun eleitor menus,” hateten Domingos dos Santos.

PR Lú Olo rekoñese iha tempu udan situasaun hirak ne’ebé maka akontese iha kada munisípiu, postu administrativu no kada suku maka hanesan rai monu taka estrada, estrada nakfera, bele difikulta transportasaun urnas, asesesmentu populasaun no eleitor sira iha tempu kampaña.

“Ba kestaun ida ne’e ha’u sei dehan ba Ministru Obras Públikas, maibé ne’e kestaun ida que PR konta hela, para komunika ba Governu iha tempu badak, atu bele tau iha konsiderasaun saida maka ita boot sira preokupasaun kona-bá difikuldade infraestrutura hanesan estrada. Ha’u sei hato’o no oinsa fó resposta imediata ba situasaun sira ne’e hotu, hodi fasilita transporte no mós asesmentu husi ita nia povu no eleitor sira iha EA,” promete PR Lú Olo.

Lee hotu :   Governu rekoñese kustu internet karun no loading kleur

PR, Francisco Guterres ‘Lú Olo’ relata, loos duni taxa partisipasaun eleitores iha eleisaun tinan 2017 la máximu, kuaje eleitores rihun atus resin maka la ba vota. Problema ne’e oin-oin, dalaruma lei eleitoral hatete sira tenki ba vota iha kada munisípiu, maibé sira iha Díli, dalaruma sira hasoru problema sosiais no família ninian.

Nia afirma, fiar katak Governu, CNE, liu-liu STAE sira hatene ona situasaun ida ne’e no oinsa maka Governu bele hola medidas fasilita eleitor sira atu hetan oportunidade ba vota iha eleisaun antesipada.

Entretantu observasaun GMN iha terenu nota katak, kondisaun estrada diresaun Loes liga ba Maubara Vila, komesa akontese rai monu no estrada nakfera, ho nune’e sé la hadia imediatamente, sei fó impaktu ba movimentu transporte ba mai.

Tuir kalendariu CNE sita katak partidu polítiku sira sei halo kampaña iha loron 10, fulan Abril no eleisaun antesipada sei akontese iha loron 12, fulan Maiu, tinan ida ne’e. ves

Add to Comments Here!!!!

error: Content is protected.
Secured By miniOrange
You might also like:
PNTL Aileu prontu asegura Eleisaun Antesipada

Polísia Nasionál  Timor-Leste (PNTL), Munisípiu Aileu,  prontu fó...

Lei bandu ema lori osan tama mai TL liu US$ 10.000

Xefi bankada CNRT, Arão Noe, hateten,...

PSIK sei investiga lider ParPol uza MEDSOS insulta malu

Polísia Sientífika Investigasaun Kriminal (PSIK), sei...

Close