JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MT DISEMINA VIZAUN TURIZMU 2030

MT DISEMINA VIZAUN TURIZMU 2030

Ministériu Turizmu (MT) hala´o diseminasaun  kona-ba vizaun  oinsa atu  dezenvolve setor turizmu ba tinan 2030 iha tritoriu Timor laran tomak.

Tanba  ne´e, iha Kinta (28/06/18) Ministériu Turizmu  liu husi Gabinete   Diresaun Jeral  Turizmu, disemina programa Ministériru Turizmu nian ba Administrador Postu Administrativu Same, husi Munisípiu Manufahi, Ainaro, no Cavalima.

Diretor Jeral   Ministériu Turizmu,  José   Filipe  Dias  Quintas, hateten, objetivu  sorumutu ne´e  hodi koalia kona-ba diseminasaun turizmu  nasional ba tinan  2030.

 “Bazeia ba ami-nia dekretu lei númeru 14/2014/ mós sita katak kuandu Governu estabelese ona dekretu lei turizmu nian ténki  iha mós polítika nasional, depois tuir fali mak  planu estratejiku ba 2030 nian oinsa bele konkretiza  polítika nasional ne´ebé mak hakerek ona,“esplika esplika Diretor Jeral    Ministériu Turizmu  José   Filipe    Dias  Quintas, ba GMN  iha salaun enkontru  Administrasaun  Manufahi.

Nia hatutan, kona-ba polítika  turizmu ninian diskuti ona iha Konsellu Ministru sira no mós  hetan aprovasaun liu husi númeru 16/2017. Espera katak,  ho Governu foun ne´e  bele hatutan polítika ida ne´e hodi bele komesa investe ona ba setor turizmu, tamba setor turizmu sai hanesan pilar importante ba Timor-Leste.

“Importante ministériu relevante ténki servisu hamutuk para ita halo planu  infraestrutura karik senti sai xavi importante ba dezenvovimentu turizmu Timor-Leste,”dehan Quintas.

Iha  parte seluk, Sekretariu Administrasaun Munisípiu Manufahi,  Arantes Isaac Sarmento, hateten, hanesan servidor povu iha munisípiu, agradese ba Ministériu Turizmu bele mai halo diseminasaun polítika nasional turizmu.

“Ha´u hanoin parte ida pozitivu tebes, tanba  ita koalia kona-ba atu dezenvolve area turizmu hanoin katak, presiza polítika ida mak ténki gia para sai hanesan matadalan ida para ami iha nivel munisípiu nivel postu komesa hahú haree potensialidade area turizmu nian kada postu atu nune´e bele dezenvolve,“hateten  Arantes Isaac Sarmento.

Nia hatutan,  potensia turizmu iha Manufahi mak hanesan turizmu istóriku no turizmu relijioza no eko-turizmu ninian.

Lee hotu :   Veteranu 2⁰ Guerra Mundial vizita TL ■ PR Lú Olo haksolok

“Potensia turizmu istoriku nian mak ligasaun mós ho parke nasional Dom Boa-Ventura iha Luac. Liga ba Turizmu relijoza nian mak liba estatua Cristo-Rey. Ne´ebé ema hanoin Cristo-Rey iha Díli de´it mas Cristo-Rey iha Manufahi mós iha oinsa atu dezenvolve. Liga ba turizmu nian, iha mos pojada iha Postu Administrativu sira hanesan iha Turiscai, Alas, Fatuberlihu. Liu-liu pojada ba iha Postu Administrativu Same  iha ninia makna, tanba uma sira ne´e iha mós fatin komarka sira uluk iha funu 1975 nian mai tan okupasaun Indonesia nian kuaze ema barak mak dadur iha ne´eba,”dehan nia.

Alende ne´e iha mós Lagoa Modo Mahut  no Lagoa Ilenas  no mós iha Be manas iha Fatuberliu.avi

Add to Comments Here!!!!

error: Content is protected.
Secured By miniOrange
You might also like:
PN ENSERA SEMINÁRIU AKOLLAMENTU DEPUTADU FOUN

Parlamentu Nasionál (PN) termina ona nia...

SEMANA OIN, PN DESIDE MEMBRU KONSELLU ESTADU ( KE ) NO KONSELLU SEGURANSA ( KS ) NIAN

Prezidente Parlamentu Nasionál (PPN), Arão Noe...

POLÉMIKA AMP FAHE BANKADA, PTR KONSIDERA KESTAUN POLÍTIKA

Prezidenti Tribunal Rekursu (PTR), Deolindo dos...

Close