JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AEROPORTO NICOLAU LOBATO LA REFLETA NARAN INTERNASIONAL

AEROPORTO NICOLAU LOBATO LA REFLETA NARAN INTERNASIONAL

Aeroportu internasional Prezidenti Nicolau dos Reis Lobato, Comoro, Dili, la refleta kondisoens minima aeroportu internasional. Tanba ne’e, VIII Governu hanoin ona atu investe tan osan balun husi Orsamentu Jeral Estadu (OJE) tinan fiskal 2019 nian atu hahuu hadi’a fasilidades ho kondisoens iha aeroportu ne’ebe sai mos odamatan boot ba Timor Leste.

Tinan-tinan Governu tau duni osan propriu ba manutensaun aeroportu refere, maibe realidade hatudu momos katak, aeroportu ho naran Prezidenti Nicolau dos Reis Lobato ne’e kontinua iha kondisoens ida mukit tebes, liu-liu mukit ba fasilidades.

Ministru Transporte no Komuniksaoens (MTK), José Agostinho da Silva, Kinta (9/8/2018),  hala’o vizita direitamente ba Aeroportu internasional Prezidenti Nicolau dos Reis Lobato, hodi haree rasik kondisoens minima iha aeroportu laran, liu-liu haree mos atendimentu administrativu nian.

Ministru José Agostinho hateten katak, aeroportu ne’e mak tau naran internasional maibe nia kondisoens ho fasilidades la refleta naran internasional.

“Aeroportu internasional Nicolau Lobato ne’e ita rona nia naran internasional, mas kondisaun aeroportu ne’e rasik seidauk refreta liafuan internacional ne’e rasik.  Ne’ebe husi vizita ne’e atu hare besik liu tan kondisaun no situasaun real aeroportu internasional ne’e nian para bele oinsa kria kondisaun, liu-liu iha parte terminal,” hateten Ministru José Agostinho da Silva.

Ba situasaun ne’e iha ona planu grande projeito ne’ebe maka hetan apoia husi Governu Japaun para bele realiza iha tempu badak, tanba Governu ne’e nia komitmentu oinsa kria kondisaun para bele fo atendementu ba publiku lais no fásil.

Iha fatin hanesan, Prezidenti Autoridade Nasional Aeroportu Timor-Leste (ANATL), Romoaldo A. S. da Silva agradese ba prezensa MInistru José Agostinho nian, tanba bele tun dereta hodi hare kondisaun aeroportu.

Lee hotu :   Procissão komemorasaun tinan 100 loron apariasaun 13 Outubro 1917

“Difikuldade ami nian tau ona iha planu tinan 2019, ami kontenti tanba Governu tun dereta hodi hare ami nia kondisaun, nune’e iha diskusaun orsamentu Ministru bele defende iha Parlamentu,” hateten Romoaldo da Silva.

Prezidenti ANATL ne’e rekonhese atendementu sei minimu tebes iha aeroportu, maibe mos nia promete sei hadia nei-neik nune’e bele fo atendementu dignu ba pasajeiros nasional no internasional ne’ebe tama sai Timor Leste liu husi Aeroportu Nucolau Lobato. Mia

Add to Comments Here!!!!

error: Content is protected.
Secured By miniOrange
You might also like:
KAZU TIRU IHA MALIANA, KOMJER PNTL HUSU KOMANDU MUNISÍPIU FO INFORMASAUN

Komandante Jeral Polisia Nasional Timor Leste...

FUNSIONAMENTU SENTRAL ELÉTRIKA BETANO PARADU

Sentral Elétrika Betano momentu ne’e la...

PR SEI TERMINA LORON POSE BA KANDIDATU MEMBRU GOVERNU ■HORTA: LABELE FO ULTIMATU BA PR

Primeiru Ministru (PM), Taur Matan Ruak,...

Close