JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade lokal indika rai ba governu laiha lisensa

Autoridade lokal indika rai ba governu laiha lisensa

Komunidade Suku Lausi no Bandudato, Postu Administrativu Aileu Villa, Munisípiu Aileu lamenta ho aktu Autoridade Lokal (AL), ne’ebé indika rai ba governu atu konstroe universidade, maibé laiha koordenasaun ho na’in ba rai ne’ebé kuaze hetare 20 liu.

Portavoz Januario de Fátima, liu husi konferensia imprensa informa, durante ne’e, Autoridade Lokal sira, tu’un dala rua ou tolu ona, hodi hasai imajen no haree rai refere, maibé nunka konfirma ho komunidade hirak ne’ebé na’in ba rai ne’e.

Tanba ne’e, komunidade hirak ne’e deklara sei la koopera ho governu, bainhira liu husi maneira ameasa no foti obriga de’it komunidade nia rai.

Tanba rai refere, nu’udar rai eransa husi bei-ala sira, no komunidade rasik konsume ai-han ne’ebé kuda husi rai refere.

“Iha loron 13 fulan Febreiru 2019 ne’e, Administrador Munisípiu ho nia ekipa sira mai haree lokasi ne’e, no hasai foto ba lokasi ne’e, maibé sira laiha koñesimentu ba rai na’in sira. Iha 28-03-2019 diretur Terras no Propriedade ho Autoridade Munisípiu sira foti ami-nia rai entrega ba nasionál, laiha koñesimentu husi ami rai na’in.

Ekipa husi Administrador Munisípiu Aileu iha loron 31 fulan Jullu 2019 ne’e, tu’un mai halo sosializasaun ho komunidade Suku Bandudato 1 no Suku Lausi maibé, komunidade ne’ebé mak na’in ba rai refere barak mak la marka prezensa, ho razaun la hetan informasuan ne’ebé klaru, husi Autoridade Lokal sira, tanba halo sosializasaun ho intrese privadu.

Iha loron 2 fulan Agostu 2019 mós ekipa Aileu ho nasionál sira mai halo survei ba lokasi maibé, mosu dezintendementu, tanba laiha komunikasaun entre rai na’in ho Autoridade Lokal sira.

Nune’e iha loron 5 fulan Agostu  ne’e, ekipa sira mai kontinua survei ba lokasi nafatin, maibé laiha koñesimentu nafatin ho rai na’in sira, tanba ne’e mak hamosu reasaun oituan entre rai na’in ho ekipa sira.

“Alende ne’e, iha loron 8 fulan Agostu mós Administrador hamutuk ho diretur Terras no Propriedade halo sosializasaun daruak, nafatin ko’alia kona-ba asuntu konstrusaun universidade, ne’ebé mak atu realiza iha tinan oin maibé, ho situasaun ne’ebé mak hanesan, nafatin ho presaun no ameasa ba komunidade, obrigatoriamente komunidade tenki entrega rai ne’e ba governu”, haktuir porta-voz Januario de Fátima ba GMN iha fatin ne’ebé governu indika atu hari’i universidade ne’e, iha Sábadu (17/08/2019) ne’e.

Komunidade ne’e mós afirma tan, rai kuaze hektares 20 resin ne’e, komunidade sei la entrega, tanba patrimóniu ka eransa ne’ebé atu hatutan ba jerasaun tuir mai.

“Ami povu Aileu kontenti tebes ho inisiativa governu nian maibé, ami povu Suku rua ne’ebé mak mensiona, la espera katak, konstrusaun ne’ebé mak atu loke uza fali rai eransa ami nia  ne’ebé avo bei-ala sira husik hela mai ami. Sei nune’e, iha ita-nia konstituisaun RDTL ne’ebé mak prevé iha artigu 6 katak, atu afirma no valoriza personalidade no patrimóniu kultura povu Timorense nian. Karik nune’e, povu nia protesaun ne’e mai husi ne’ebé, la’os husi governu?, liu-liu órgaun kompetente ne’ebé mak atu lori lian povu nian, hanesan Parlamentu Nasionál. Tanba ne’e, ami husi PN atu tau iha konsiderasaun ba situasaun ne’ebé mak ami enfrenta hela”, tenik Januario.

Lee hotu :   Komunidade Afaça uma-kain 46 vítima ba dezastre naturais

Na’in ba rai hirak ne’e mós deklara, sei la sai husi rai refere, hodi fó fatin ba prosesu konstrusaun ne’e la’o, tanba la kontra Estadu.

Komunidade sira ne’e mós konsidera, sei hamate ekonómia povu nian,  bainhira ho obrigatoriamente hasai povu husi fatin ne’e, tanba rai refere tetuk no rai produtivu ne’ebé garante povu nia moris lorloron nian.

“Ami povu la kontra Estadu demokrátiku, ho nia soberania tomak, ami la kontra lei no ordem, ne’ebé konsagra iha konstituisaun RDTL, ami mós prontu koopera ho Estadu, hodi simu dezenvovlimentu ne’ebé governu sentral atribui ba Munisípiu, tanba dezenvolvimentu ne’ebé mai sei lori mudansa ba Aileu oan rasik, preokupasaun mak, dezenvolvimentu ne’ebé mai ne’e, lori mós impaktu negativu no pozitivu. Pozitivu tanba sei lori dezenvolvimentu iha área edukasaun ho nível altu, liu husi forma no kapasita ita-nia ema, sai matenek no intelectualidade, ne’ebé iha futuru bele dezenvolve nasaun, espesial Aielu rasik, negativu tanba, afeita direita ba ekonómia povu nian, moris lor-loron nian, tanba ami-nia rai ne’e tetuk no rai produtivu ba produsaun, ekonómia povu nian, signifika ita hamate ekonómia povu nian, maske iha parte ida governu dehan atu hakbi’it no haforsa ekonómia povu nian, liu husi hasa’e kualidade produsaun agríkola povu nian, tanba okupa rai produtivu ne’ebé produs ekonómia povu nian”, tenik porta-voz.

Alende ne’e, komunidade sira ne’e mós rekomenda ba governu ho autoridade kompetente sira, atu buka alternativu seluk, hodi konstroe universidade ba iha fatin ne’ebé abandonadu no rai la produtivu, hodi laiha komunidade ida mak halo to’os ka natar, hanesan Hundolte ho Mausado ne’ebé lokaliza kedas iha kapital Munisípiu nian, nune’e, bele loke espasu ka luan, para ema hotu bele asesu iha ne’eba, atu labele hamate fali área produtivu sira ne’ebé produz ekonóia povu nian.

“Ami la aseita totlamente atu entrega rai eransa ne’e ba estadu, tanba maioria komunidade ne’ebé mak sai na’in ba rai ne’e, maioria moris de’it ho vida agrikultor,

Tanba ne’e, se governu atu hola parte ih arai ne’e, estadu rasik viola ona lei inan, no rai ne’ebé mak estadu atu foti, entaun husi ohin ba oin, erans ano património bisavon sira nia, ami sei lakon total,

Tuir koñesimentu ami nian, bainhira governu atu foti rai ernasa ruma ho obrigatoriamente, karik detekta rekursu naturais ruma, maibé karik laiha, maka governu mós labele hasai ami husi fatin ne’e, tanba de’it nesessidade governu nian, hodi dezliga tiha ami ne’ebé mak na’in rai refere”, lamenta na’in ba rai ne’e.

Lee hotu :   g7+ konsege habelar paz iha nasaun konflitu sira  Mundu internasionál apresia TL

Relasiona ho lamentasaun ne’e, Xefe Suku Lausi, Adelaide Carvalho mós rekuñese, durante ne’e seidauk iha konfirmasaun no koordenasaun ho na’in ba rai hirak ne’e, maibé tanba programa ne’e polítika governu nian hodi hari’i universidade, maibé Autoridade Lokal ne’e mós afirma, autoridade sira tu’un ba haree fatin ne’e, atu identifika de’it, seidauk tama ba faze negosiaun.

“Ami iha ne’e maioria apoia ba dezenvolvimentu ne’e, maibé iha komunidade ida rua de’it mak lamenta ho estadu ninia programa, maibé ami konfirma ona kaak informasaun mak seidauk to’o ba sira (komunidade na’in ba rai), konsultasaun ho komunidade mak seidauk la’o, maibé ha’u ho hau nia komunidade Suku Lausi, iha Aldeia ida, ami 100% aseita ba dezenvolvimentu ne’ebé mak atu mai iha Munisípiu Aileu. La’os ema hotu-hotu lakohi, maibé iha uma ka’in 4 ka 5 de’it mak lakohi atu entrega rai ba Estadu, komunidade uma ka’in 4 ou 5 ne’e mós tanba menus informasaun de’it, tanba ne’e mak sei dúvidas hela, maibé ami sei koko nafatin servisu hamutuk ho autoridade nasional no Munisípiu, atu bele hadi’ak ami nia problema sira ne’e,

Antes ne’e, ami fahe duni informasaun, maibe balun rona mak bá, amibe balun la rona, entaun la iha sosializasaun ne’e, administrador ho ekipa mak mai hasai duni foto ba rai refere, maibe sira mai konsulta de’it hodi haree fatin ne’e, maibe sira seidauk mai para ko’alia ho komunidade sira, hanesan halo peskiza de’it oinsa atu harí universidade iha ne’e,

Antes realiza, sira sei fila fali mai hodi ko’alia ho komunidade sira, sei iha planu atu koordena ho komunidade sira, antes harí projetu ne’e,”akresenta sefe fuku Lausi.

Alende ne’e, Xefe Suku Bandudato Silveiro Amaral mós reforma tan, autoridade lokal fahe ona informasaun balun, maibe comunidade hirak ne’e mak ladun komprende, tanba ne’e, lakoi kolabora.

Silveiro subliña tan, faze ne’ebé autoridade komunitariu sira ho autoridade munisipiu halo ne’e, faze survei fatin de’it, maibe seidauk tama faze negosiasaun.

Maibé xefe Suku ne’e mós sujere ba komunidade sira ne’ebé na’in ba rai, di’akliu entrega ba governu hodi halo dezenvolvimentu, duke ema seluk mak foti, sem indemnizasaun.

Líder komunitária haktuir, tanba rai refere, liurai ne’ebé responsabiliza ba rai ne’e, fa’an tiha ona ba xineza ida, iha tempu passado liuba.

Atu nune’e, xineza refere labele reklama no labele fot irai hirak ne’e ho saugate de’it.

“ Automatikamente iha alternativu seluk, bainhira komunidade lakoi entrega rai ne,e

Lee hotu :   FDHC lansa programa APPDRH iha Liquiça

Maibe problema mak ne’e, rai ne’e iha Xineza ida iha erra passado ne’e halo kontratu ona ho rai na’in iha ne’e, kuaze 36 hektares,

Tanba ne’e, di’akliu governu interven, hodi fó indemnizasaun, duke sira rai na’in mai foti, rai na’in Xineza ne’e mós iha evidensia, maibe ida okupa ne’e, ilegal hela.

Se ita ko’alia kona-bá eransa, ita fila fali ba DNTP, depois halo justifikasaun liga ho lei.”hateten Silveiro.

Xefe suku Bandidato esplika, durante autoridade lokal halo ona dissemina informasaun, maibe komunidade mak seidauk komprende kona-bá asuntu ne’e.

“ Komunidade nia komprensaun to’o iha ne’ebé, ita ko’alia dezenvolvimentu mós sira la komprende, ita ko’alia kona-bá benefisia ekonómika mós sira lakomprende, ita ko’lia lei mós sira la komprende,

Liga h orai, loloos ne’e ema na’in rua de’it, seluk ne’e okupa de’it ema nia rain, husi ne’ebé mak dehan eransa ne’e, ne’e mós sai kestaun ba sira,

Di’akliu sira kolabora ho governu, para governu bele netraliza tiha situasaun ne’e.

Tanba Xineza ne’e  mós reklama dehan iha 36 hektares iha ne’e, depois sira mós iha ai-horis kafé, ai kakeu no seluktan, nune’e sira mós iha dokumentus antigu,ita foti alternativu mak halo esplikasaun ba komunidade, konvida sira mai iha ne’e, esplika ba sira katak, di’akliu kolabora ho governu, para labele sai vítima, tanba governu indemniza, se husik para Xineza ne’e mak interven iha ne’ebá, ne’e direitu totalmente, tanba nia iha sertifikadu, tanba nia mós iha bukti buat seluk iha terrenu, hanesan ai-horis, se nia notifica iha tribunal, polísia mak implementa ordem, entaun ita sai nonook de’it, laiha indemnizasaun, tanba ne’e, hakarak kolabora ho governu ka simu konsekuensia husi rai na’in, ida ne’e ita tenke komprende,”salienta Xefe Suku ne’e.

Autoridade komunitaria ne’e subliña tan, nia parte ho autoridade relevante sira identifika fatin refere, tanba haree ba fatin ne’e tetuk no estratéjiku tebes atu harí universidade ne’e,

Hanesan planu polítika governu nian, halo Aileu sai sidade universidade, duke ba harí universidade iha rai loloon sira, no ai tuan laran, estraga osan, no lakon tempu naruk, di’ak liu hasai ona hodi indemniza de’it komunidade, fasil no lalais liu atu harí universidade ne’e.

Xefe suku Bandudato ne’e informa, governu iha tempu badak sei tun direita hodi halo survei no ko’alia ho komunidade sira, inklui haree medidas husi rai ne’e rasik.

Atu nune’e, bele implementa iha planu programa 2020 nian, maibe dadaun foin tama ona faze identifikasaun.

Alende iha suku rua nia lisuk ne’e, balun iha Aisirimou, no fatin seluk seloi malere nian.

Relasiona ho notisia ne’e, GMN tenta konfirma ho prezidente autoridade munisipiu Aileu, maibe lakonsege, tanba autoridade refere laiha nia fatin.say

 

Add to Comments Here!!!!

error: Content is protected.
Secured By miniOrange
You might also like:
Preparasaun loron konsulta popular ba dala 20 atinji porsentu 70

Diretor Ezekutivu Ajensia Dezenvolvimentu Nasional (ADN),...

Alkatiri:Ekonomia iha Díli la funsiona

Sekretáriu Jeral partidu FRETILIN, Marí Alkatiri...

UPF balu fasilita membru GAM sa’e sabuk iha Atambua

Komandante Unidade Patrullamentu Fronteira  (UPF) Superintendente...

Close