JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade RAEOA la entrega dokumentu ba ekipa tranzisaun husi Governu sentrál

Autoridade RAEOA la entrega dokumentu ba ekipa tranzisaun husi Governu sentrál

Ekipa Tranzisaun ne’ebé nomeia husi Governu sentrál atu servisu hamutuk ho Autoridade Rejiaun Administrativa Espesial Oe-cusse Ambeno (RAEOA), hodi halo avaliasaun ba servisu hotu ne’ebé durante ne’e la’o iha RAEOA, fila ho liman mamuk, tanba Autoridade RAEOA la koopera hodi entrega dokumentu indikadu Zona Espesial Ekonomia Sosial Merkadu (ZEESM) nian ba ekipa tranzisaun ne’ebé refere.

Koordenadór Ekipa Tranzisaun, Helder Lopes, kontenti ho situasaun ne’ebe mak ekipa  tranzisaun ne’e enfrenta, tanba maske desde inísiu vizita ekipa refere iha RAEOA, hetan duni kooperasaun servisu ne’ebé mak di’ak tebes husi Autoridade RAEOA, maibé labele hetan dokumentu sira indikadu ne’ebe mak lolos sira hetan hodi hato’o ba Primeiru  Ministru (PM), Taur  Matan Ruak, laiha razaun.

“Ami finaliza ami-nia vizita ekipa tranzisaun ne’e iha RAEOA–ZEESM, no ami hetan kolaborasaun no asistensia husi Autoridade ZEESM ho di’ak tebes, no liu husi enkontru ne’e, ami hetan ona relatóriu verbalmente lubuk ida, maibé ami husu sira dadus entermus dokumentus hodi nune’e, sira bele komprova saida mak sira hatete liu husi enkontru sira ne’e, no husi ne’e ami hetan ona dadus balun, maibé ami seidauk hetan dadus tomak, ohin lorokraik ha’u ho ekipa tranzisaun hasoru Prezidente Interinu, Arsenio Bano hodi husu atu fó dadus sira ne’ebé mak ami presiza,  hodi nune’e ekipa ne’e bele kompila no tau hamutuk iha relatóriu, maibé, dadus nesesáriu importante balun mak ekipa ne’e seidauk hetan, liu-liu iha área finansas  nian, área finansas nian kuaje ita seidauk hetan dadus sira ne’e, maibé Prezidente Interinu komprometidu atu fó dadus sira ne’e,  no ami mós hakerek ona karta ba sira ho lista detallu sobre dadus sira ne’ebé mak ami hakarak husu, espera katak, iha tempu badak, no ohin Prezidente Interinu mós komprometidu atu fó mai ami iha  Segunda Feira (Ohin )”, relata Helder Lopez ba jornalista sira iha Hotel Rao Pante Makasar Oe-cusse,  Sesta (2/8/2019).

Lee hotu :   ARNLV-Governu sei identifika veteranu falsu

Helder hatutan,  atu entrega dadus hirak ne’e,  di’ak liu lalais tanba tempu ba ekipa tranzisaun nian limitadu tebes.

“Dadus hirak ne’ebé mak ita atu hetan ne’e lalais di’ak liu, tanba tempu ba ekipa tranzisaun ida ne’e limitadu tebes, tanba ita hetan de’it loron sanolu (10), iha loron 10 nia laran ami tenki finaliza relatóriu hodi submete ba Primeiru Ministru, tanba ne’e mak kolaborasaun ne’e di’ak ona, espera katak, kolaborasaun ne’e kontinua la’o di’ak, liu-liu fornesimentu dadus no informasaun dadus  nesesáriu hodi nune’e ita bele tau iha relatóriu”, relata Helder.

Nia haktuir, to’o loron ikus vizita ekipa tranzitóriu iha RAEOA, dadus ne’ebé mak ekipa refere konsege hetan mak, dadus  ne’ebé mak iha relasaun ho projetu infraestrutura,  liu-liu projetu bo’ot  sira.

“Informasaun ikus ne’ebé mak ami hetan dadus ne’ebé mak ita hetan relasun ho projetu infraestrutura sira nian ne’e, maioria ita hetan ona, liu-liu  relasaun ho grande projetu sira, agora projetu ki’ik sira ne’e, liu-liu projetu sira ne’ebé mak asesiadu ho setoral sira ne’e ita hetan ona informasaun sobre lista projetu husi parte edukasaun, parte saúde no parte agrikulta”,relata Helder.

Tuir Helder, dadus importante liu ne’ebé mak ekipa tranzisaun tenki hetan mak, dadus kona ba finansas nian, tanba to’o ohin loron kuaje dadus finansas nian sidauk hetan hotu, inklui saldo ikus RAEOA nian.

“Em prinsípiu mak ne’e, ita presiza hetan dadus kona ba finansas nian, tanba to’o ohin loron dadus finansas nian ita seidauk hetan nen ida, inklui saldo ne’ebé mak RAEOA iha ka laiha, no iha karik saldo ne’e hira iha rekonsiliasaun ne’e hatudu oinsa depois refere ba data saida ida, ne’e importante para ita hatene, bainhira ita temi nia rekosiliasaun ida ne’e refere ba buat rua, saldo  ne’ebé mak iha ligasaun ho orsamentu, no mós konta bankaria ne’ebé mak autoridade ida ne’e transfere reseitas ne’ebé mak sira kolekta”, katak Helder.

Lee hotu :   Komunidade suku Leorema halibur osan hodi konstroi rezidensia Pe.David da Conceição

Iha fatin lahanesan, Prezidente Interinu RAEOA-ZEESM, Arsenio Bano, hatete, dadus ne’ebé ekipa tranzisaun presiza,  Autoridade ZEESM seidauk fó ba ekipa tranzisaun, tanba alende iha hotu ona website ZEESM nian, dadus hirak ne’e mós  la konsege entrega ba ekipa transzisaun, tanba mandatu ekipa tranzisaun nian foin publika iha pajina Governu hafoin ekipa refere hala’o ona servisu.

“Rejiaun iha vontade atu servisu hamutuk ho komisaun tranzisaun hanesan ha’u fó hatene ona ba Primeiru Ministru iha ha’u nia enkontru horseik , antes ha’u mai, ha’u fó ona orientasaun ba ha’u nia kolaborador sira informasaun sira ne’e iha USB, entaun ha’u hasoru xefe komisaun tranzisaun ha’u hatete dehan, informasaun sira mak ne’e, no informasaun sira ne’e lolos ne’e iha hotu ona websait ZEESM nian, informasaun sobre atividade trimestrial husi 2015 nian, deliberasaun informasaun balun ne’e iha werbsait ZEES nian, informasaun sira ne’e iha hotu, maibé dadus balun karakter internu, entaun ha’u husu ba koordenador ekipa tranzisaun atu tenki hakerek karta mai, no ha’u mós hato’o katak, Rejiaun ne’e lei númeru 13 sei la’o hela, entaun semak responsavel interinamente agora ne’e ha’u, sira bele husu ha’u atu hasoru ha’u nia sekretáriu sira, tanba ne’e relasaun ho oinsa Estadu ne’e funsiona, oinsa birokrasia ne’e funsiona, tanba Rejiaun ne’e tuir lei ne’e iha kompetensia Administrasaun Autonomia no iha Autonomia finanseira patrimonia, depois kestaun seluk ohin ha’u levanta, ne’ebé  ita hotu hatene katak, despaixu PM nian foin iha loron Kinta mak foin publika, entaun antes ita bo’ot sira mai ne’e, tama sala ona, mas la problema,  no ha’u hato’o ba PM katak, saida de’it mak PM husu iha tempu oin mai durante loron 120  atu konvoka ha’u ba Díli, hakerek karta ou liu husi telephone ha’u prontu atu ajuda ho ha’u nia kolaborador sira”, afirma Arsenio.ola

Add to Comments Here!!!!

error: Content is protected.
Secured By miniOrange
You might also like:
Marí Alkatiri: Timor-Leste labele kontinua moris ho nostaljia

Sekretáriu Jeral (SekJer) partidu FRETILIN, Marí...

Anin sobu uma 16 ho eskola ida iha Camea

Anin boot ne’ebé akontese iha Sesta...

Lucia Lobato: TL presiza reforma judisiária

Hafoin independensia Timor-Leste (TL) númeru komunidade...

Close