JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

HIV/SIDA problema nasional

HIV/SIDA problema nasional

Direktur Ezekutivu Komisaun Nasional Kombate HIV/SIDA, Daniel Marçal, hateten, moras HIV/SIDA nudar problema nasional. Tanba ne’e, ema hotu tenke kontribui atu bele kombate moras at ne’e.

“Problema HIV/SIDA la’os problema grupu ida ka rua nian, maibe problema ida ne’ebe maka ita bele dehan problema nasional ne’ebe presija partisipasaun ema hotu nian, inklui mos Media, tanba papel media nian importante tebes hodi redus no kombate fonte sira ne’ebe sai oportunidade ba transmisaun HIV/SIDA,” hateten Direktur Ezekutivu Komisaun Nasional Kombate HIV/SIDA, Daniel Marçal ba Jornalista sira hafoin hasoru malu ho Primeiru Ministru, Mari Alkatiri iha Palacio do Governu, Dili, Tersa (12/06/2018).

Daniel Marçal dehan, durante hasoru dezafiu barak tebes, tanba kombate hahalok ema nian ne’ebe relasaun ho vida seksual la’os buat fácil, maibe presija koalia bei-beik no li-liu inan aman sira, tanba sira maka iha papel atu eduka oan sira.

“Koalia kona ba rezolve ka fo solusaun ba problema moras HIV/SIDA la’os buat ida fácil hanesan ho problema sira seluk, maibe dezafiu sira ne’e la hapara ami nia esperitu atu servisu atu koalia bebeik,” hateten Daniel Marçal.

Primeiru Ministru, Mari Alkatiri enkoraza afatin Komisaun Nasional Kombate HIV/SIDA atu kontinua servisu hamutuk nafatin ho entidade hotu, tanba problema HIV/SIDA la’os problema politika, maibe interesse nasaun nian. Dadaun ne’e, tuir dadus husi Ministeriu Saude katak, rejista kazu hamutuk 725. mia

Lee hotu :   Operasaun hala’o bazeia ba kondisaun pasiente

Add to Comments Here!!!!

error: Content is protected.
Secured By miniOrange
You might also like:
MDS foun tenki dezenvolve liu tan F-FDTL ho PNTL

Ministru Defeza Seguransa (MDS), José Agustinho...

Moras ispa domina iha sentru saúde Metinaro

Iha tempu bai loron, aumenta ho...

Assanami: PD prontu kolabora iha komposizaun meja PN

Prezidente Partidu Demokrátiku (PD), Mariano Assanami...

Close