JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

IOB PRODUZ TAN FINALISTA 428

IOB PRODUZ TAN FINALISTA 428

Institute Of Business (IOB) produz tan finalista sira hamutuk 428 liu, kompostu husi lisensiatura no baisarelatu, iha Kampus IOB Pantai Kelapa.

Iha serimonia graduasaun ne’e, Prezidente Fundasaun IOB, Abel Ximenes hateten, durante ne’e IOB esforsa-an ona hodi forñese formasaun ne’ebé ho kualidade ba finalista sira.

Tanba ne’e garante finalista sira sei fasil asesu iha merkadu servisu hodi bele kontribui ba dezenvolvimenu nasaun.

“Ema ne’ebé partsipa iha dezenvolvimentu nasionál ne’e ema ne’ebé tenki iha kualidade aas, ita lebele dehan importante sira lulus, maibé tenki iha kualidade aas. IOB rasik iha prova ida mak ne’e”, nia esplika Abel Ximenes ba jornalista sira, Kinta (12/7) iha Kampus IOB.

Nia mós promete, ba oin nu’udar fundador sei kontinua hadia infraestrutura universidade nian no formasaun ba dosente sira iha rai liur atu bele garante nafatin kualidade universidade.

Iha fatin hanesan Reitor IOB Augusto da Conceição Soares hateten, ho rekursu humanu ne’ebé IOB produz iha habilidade no prontu atu kontribui ba dezenvolvimentu nasionál.

“Espera katak 229 ne’ebé mai husi fakuldade ekonomia ne’e, pur volta de persentajen 70 mak servisu ona, no balun mak seidauk, maibé espera katak sira bele kompete ho fakuldade ensinu superior sira seluk i ami fiar katak sira iha kualidade no prontu servisu”, hateten Reitor IOB, Augusto da Conseição Soares.

Entretantu graduadu sira mós agradese ba dosente no fundasaun tomak IOB nian ne’ebé durante ne’e oferese sira nia-an hodi dedika sira to’o ohin loron bele susesu iha sira nia estudu ne’ebé hala’o ona durante tinan lima.

Entretantu finalista ne’ebé simu graduasaun husi IOB ba dala 10 ne’e mai husi fakuldade Information no Teknology, Fakuldade Ekonomia no Jestaun ho nia Departamentu mak hanesan, Jestaun Informátika Téknika Informátika, Kontabilidade ba Komputador, Jestaun Finanseira, Jestaun Públiku Kontabilidade no Estudus e Dezenvolvimentu.

Lee hotu :   Partisipa Jenesys parte II, Jenesys nafatin fó oportunidade Timor-oan halao estudu komparativu

Partisipa iha serimonia graduasaun ne’e korpu dosente sira, membru oitavu governu balun no família graduante sira.

Iha loron ne’ebé hanesan, Universidade de Dili-UNDIL mós gradua finalista sira hamutuk 458, kompostu husi fakuldade 6 mak hanesan, ekonomia, direitu, enjeñeria, siensia saúde públiku, polítika no siensia edukasaun.ías

Add to Comments Here!!!!

error: Content is protected.
Secured By miniOrange
You might also like:
KOMANDO PNTL SEI HARE ESKOLTU PESOAL BA MEMBRU GOVERNU

Komando Polisia Nasional Timor Leste (PNTL)...

PJR KANSELA ENKONTRU HO PR LÚ ÓLO

Prokuradór Jerál da Repúblika (PJR), José...

PEDIDU GOVERNU FOTI OSAN US$ 140 MILLOENS TAMA ONA PN

Parlamentu Nasionál (PN) V lejislatura simu...

Close