JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS SEI HASAI AIMORUK KONTETOR 5 IHA PORTU DÍLI

MS SEI HASAI AIMORUK KONTETOR 5 IHA PORTU DÍLI

Vise Ministru Saúde asuntu Dezenvolvimentu Estratéjiku Saúde, Bonifacio Maucoli Reis, promete tempu badak sei hasai aimoruk kontentor lima (5) ne’ebé pendenti besik fulan ida iha Portu-Díli.

Vise Ministru Saúde, Bonifacio Maucoli, promete, sei halo esforsu hodi hasai aimoruk kontentor 5 refere husi portu Dili, tanba oras ne’e dadauk fasilidade saúde sira tantu Dili laran inklui Munisípiu hotu infrenta menus aimoruk.

“Ami halo ona esforsu balun, diretora ezekutivu SAMES, halo ona kontaktu ho ajensia balun iha portu Dili, para haree kestaun ne’e. Lolos ne’e kontentor lima ne’e ita hasai iha semana kotuk, maibe tanba ita-nia sistema sei taka hela entaun ita labele hasai maibe ita tenta nafatin para tenki hasai, hodi halo distribuisaun ba iha Hospital referensia sira, nomos HNGV, karik sistema loke ona ita bele hasai kedas agora,”dehan Bonifacio Maucoli Reis ba jornalista sira iha Ministériu Saúde, Caicoli, Dili, Segunda (23/7/2018).

Nia  haktuir, MS sei buka meius hotu hodi hasai aimoruk hirak ne’e iha tempu badak tanba ema nia vida importante. “Ita sei negosia hela,tanba ita labele halimar ema nia vida, ne’e vida umana, osan ita sei bele buka tanba ne’e agora dadauk ami sei negosiu hela posibilidade oinsa mak ita bele hasai aimoruk hirak ne’e,”Bonifacio hateten.

Antes ne’e, Diretora Jeral Saúde Munisípiu Dili, Odete Viegas, husu ba lider másimu sira atu labele halimar ho ema nia vida no labele hanaruk sistema burokrasia nune’e bele foti dadauk aimoruk hirak ne’e tanba ho kondisaun aimoruk iha Portu DIli ne’ebé ho durasaun tempu naruk mak sei hamosu impaktu negativu la’os deit ba ema nia vida, maibe mos ba orsamentu tanba tenki selu taxa demora nian.

Lee hotu :   Eskola Lere Anan Timur Lospalos menus sala de aula

“Ha’u husu ba lider másimu sira atu labele hanaruk prosesu burokrasia tanba ho burokrasia ne’ebé mak naruk demais bele fo impaktu negativu ba ema nia vida,”Odete hateten.Ola

 

Add to Comments Here!!!!

error: Content is protected.
Secured By miniOrange
You might also like:
PESOAL BALUN HALO PROJETU ILEGAL IHA MUNISÍPIU ■ FIDELIS: HETAN INFORMA LALAIS

Reprezentante povu iha uma fukun Parlamentu...

MCC APOIA US$ 750 MIL BA GOVERNU TL

Governu Timor-Leste ho Ajensia Milennium Challenge...

ABAN, PN DISKUTE PROGRAMA VIII GOVERNU

Parlamentu nasionál (PN) V lejislatura sei...

Close