JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

UEUMB LA MENTA DESIZAUN MS HAPARA KONTRATU DR METAN

UEUMB LA MENTA DESIZAUN MS HAPARA KONTRATU DR METAN

Maski Ministériu Saúde hapara ona kontratu dotor Philip Mwensa Mwara alias dotor Metan, iha inísiu fulan Jullu 2018, tanba deskonfia komete kazu asedu sexual.

Maibé Uniaun Estudante Universitáriu Munisípiu Baucau (UEUMB), deskorda no la menta ho desizaun Ministériu Saúde (MS) nian hodi hapara kontratu servisu dotor Metan.

UEUMB la aseita ho desizaun MS nian, tanba kazu dotor metan ne’ebé deskonfia halo asedu sexual hasoru doutora ho inisial XL iha Hospital Rejional Baucau, iha loron 1 fulan Maiu tinan 2018, oras ne’e dadaun seidauk iha prosesu ruma no seidauk iha desizaun final husi tribunal ne’ebé bele akazu dotor metan komete kazu krime.

Tanba ne’e, Uniaun Estudante Universitáriu Munisípiu Baucau husu ba Ministériu Saúde atu anula imdiatamente despaixu suspensaun ba dr. Metan atu kontinua fali nia servisu hodi hein desizaun ikus husi tribunal konaba ba ninia alegasaun.

“dr. Metan espesialista úniku no multifunsaun hodi halo atendimentu ba pasiente ho moras oi-oin. Infelizmentu tuir informasaun ne’ebé espalla iha públiku katak, iha loron 1 fulan Maiu tinan 2018 dotor metan halo asedu sexual ba dotora timoroan ho inisial XL iha hospital rejional Baucau. Oras ne’e dadaun kazu ne’e lori ona ba Ministériu Públiku hodi prosesa tuir dalan jistisa. Kazu ida ne’e parte inspesaun MS halo ona auditoriu ba dotor Philip Mwensa Mwara ho naran koñesidu dr. Metan, ho rezultadu ikus hapara servisu kontratu ba dr Metan. Tanba ne’e komunidade Baucau, inklui ami husi UEUMB lamenta no deskorda despaixu husi MS, tanba bazeia ba prejunsaun inosénsia katak dr. Metan sala ka loos, kompténsia husi tribunal. Nune’e ami hakarak husu ba Ministériu Saúde atu anula imediatamente despaixu suspensaun ba dr. Metan hodi kontinua hala’o nia servisu hanesan bai-bain to’o desizaun ikus husi tribunál konaba ninia alegasaun. Ami husu ba parte justisa hanesan ministériu públiku atu kontinua prosesa lalais kazu refere hodi hetan lialoos ba kazu parte 2,” hateten porta voz, UEUMB, Maria Elisa dos Santos liuhusi konferensia imprensa iha Jardim Liceu UNTL.

Lee hotu :   Rezultadu Ezame Nasional, Estudante 45.143 aprovadu no 473 reprovadu

Membru UEUMB ne’e mós promete, sei lori prosesu ida ne’e tuir dalan justisa wainhira Ministériu Saúde la anula ba despaixu suspensaun ba dr. metan atu kontinua nia servisu.

“Sé Ministériu Saúde la anula no seidauk iha desizaun final husi tribunál ida ne’e konserteza katak iha tendénsia polítika, ita bele lori prosesu ida ne’e ba dalan justisa. Tanba seidauk iha desizaun final ida katak nia sala ka loos tanba Ministériu Saúde laiha kompeténsia fó sala ema. Kazu ida ne’e só ministériu públiku no parte justisa mak iha kompeténsia fó sala ema. Tanba ne’e ami nafatin deskorda despaixu MS atu suspende ka hapara dr. Metan nia kontratu servisu”, José Rui de Fatima afirma.

Governu Timor Leste hahú kontratu dotor metan iha tinan 1999 hodi hala’o servisu iha hospital Rejional Baucau, nu’udar espesialista multifunsaun hodi halo atendimentu ba pasiente sira ho moras oi-oin, maibé oras ne’e dadaun Ministériu Saúde hapara ona kontratu doutor metan hafoin deskonfia komete kazu asedu sexual hasoru doutora XL iha hospital rejional Baucau iha fulan maiu tinan 2018 ne’e.ías

Add to Comments Here!!!!

error: Content is protected.
Secured By miniOrange
You might also like:
EMBAIXADA NOVA ZELANDIA SEI KAPASITA MEMBRU PN

Prezidente Parlamentu Nasional (PN), Arão Noe,...

ACELDA SOSA HARE KULIT TONELADAS 7 IHA LALEIA-VEMASSE • HUSU AGRIKULTOR APROVEITA APOIA HUSI JICA

Kompaña lokal ACELDA kontinua hala’o nia...

KOMISAUN E GARANTE FUNSIONAMENTU SENTRAL ELÉKTRIKA 2

Komisaun E Parlamentu Nasionál (PN) ne’ebé...

Close