JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BS-HNGV INFRENTA REAJENTE SIFILIS STOCK OUT

BS-HNGV INFRENTA REAJENTE SIFILIS STOCK OUT

Xefi Unidade Banco de Sangue-Hospital Nacional Guido Valadares (BS-HNGV),Gilberto Madeira, informa, oras ne’e dadauk BS infrenta problema falta reajente tanba stock out.

“Agora dadauk ne’e ita iha difikuldade, difikuldade mak reajente sifilis iha Banco de Sangue hotu, agora dadauk ami tenta kontaktu ba SAMES para bele responde problema ne’e tanba atu halo teste ruma ba ran ita presiza reajente entaun idak-idak nia reajente iha, maibe agora dadauk ita nian laiha entaun ami labele halo buat ida,”Xefi Unidade Banco de Sangue HNGV, Gilberto Martins, informa ba GMN iha nia servisu fatin Bidau, Dili Tersa (7/8/18).

Gilberto haktuir, stock reajente mamuk refere akontese kuaze loron tolu ona, no nia parte hato’o ona ba parte SAMES maibe seidauk iha resposta.

Hatan ba preokupasaun ne’e, Diretora Servisu Autonómo Medicamento Equipamento Saúde (SAMES), Odete Freitas Belo, via telefone hateten, nia parte seidauk simu relatoriu husi BS kona ba problema ne’e.

“Ha’u sidauk iha informasaun kona ba stock out ne’e, mas depois ha’u konfirma to’o sira armajen tanba ha’u seidauk hetan informasaun,”Diretora SAMES, Odete Freitas Belo, afirma.

Alende infrenta problema reajente moras sifilis, BS mos infrenta rekursu humanu, tanba maske BS nu’udar sentru ran ba HNGV no hospital referensia sira seluk iha teritoriu nasional, maibe nia rekursu humanu menus tebes ho total funsionáriu hamutuk sanolu resin ida (11).

“Ita iha pesoal saúde Banco de Sangue nian ne’ebé mak maioria profisional hotu ona, tanba sira servisu iha ne’e la’os foin, maibe kleur ona molok ha’u mai asume kargu nu’udar xefia, tanba ne’e la preokupa kona ba sira-nia profisionalizmu. Maibe ami sei presiza ema tanba ami foin iha deit ema nain 11,”dehan nia.Ola

Lee hotu :   GOVERNU SEI UNIFORME KURÍKULU ESKOLAR ENSINU SUPERIOR

 

Add to Comments Here!!!!

error: Content is protected.
Secured By miniOrange
You might also like:
KOMANDU F-FDTL SEI FOTI MEDIDA BA PESSOAL ENVOLVE TIRU HASORU BOP

Xefe Estadu Maior Forsas Armadas Brigadeiro...

PJR: PR HUSU SETÓR JUSTISA KUMPRI DIDIAK LEI

Prokurador Jeral Repúblika (PJR), José da...

MOP PROPOIN MILLAUN US$ 30 BA SELU DIVIDAS

Ministeriu Obras Publikas (MOP) propoin milhaun...

Close